ⵉⵜⵜⵡⴰⴼⵙⴰⵔ ⴳ
ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⴷⵔⴰⵡⵜ ⴰⴽⴷ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵔⴳⵓⵙⵏ ⴳ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵎⵣⵡⴰⴳⵜ, ⵢⴰⵜ ⵜⵉⵏⴰⵡⵜ ⵅⴼ ⵓⵙⴳⵓⵎ: "ⴰⵙⵙⵓⵎⵓ ⵏ (ⵜ)ⵉⴱⵕⵕⴰⵏⵉⵢⵏ ⴳ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ : ⵉⵎⵏⵣⴰⵢⵏ ⴷ ⵉⵏⴰⵥⴰⵕⵏ ⵏ ⵓⵙⵎⵀⵍ", ⴰⵙⵙ ⵏ 29 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.
ⵜⴰⵎⵓ ⵜⵉⵏⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵣⴷⴰⵢ ⵏ ⵜⵡⵓⵔⵉⵡⵉⵏ ⵏⵏⴰ ⵉⵜⵜⴳⴳⴰ ⵓⵙⵇⵇⵉⵎ ⵙⴳ 2019, ⵙ ⵡⴰⵏⵏⴰⵍ ⵏ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵎⵔⴳⵓⵙⵏ, ⵅⴼ ⵓⵙⴳⵓⵎ "ⴰⵖⴰⵎⵓⵙ ⴰⵎⵙⵏⵉⵊⵊⵉ ⴰⵖⵣⵓⵔⴰⵏ : ⵉⵎⵙⴰⵔⴰⵙⵏ ⴷ ⵉⵏⴰⵥⴰⵕⵏ ⵏ ⵓⵙⵙⵓⵎⵓ ⵏ ⵓⴳⴳⵉⴷⵏ ⵉⴱⵕⵕⴰⵏⵉⵢⵏ". ⵅⴼ ⵉⴳⴳⵉ ⵏ ⵉⵙⵖⵍⴰⴼ ⵉⵜⵜⵡⴰⵙⵏⴰⵢⵏ ⵙ ⵜⵎⵍⴷⴰ ⴰⴷ, ⵜⴰⴽⴰⵢⵍⴰⵍⵜ ⵏⵏⵙ ⵜⴰⴷⵙⵍⴰⵏⵜ ⵉⴳⴰ ⵜⵜ ⴰⵙⴽⴰⵔ ⵙ ⵡⴰⵙⵙⴰⵔⵏ ⵏ ⵓⴳⴳⵉⴷⵏ ⵉⴱⵕⵕⴰⵏⵉⵢⵏ ⴳ ⵜⵎⵙⵙⴽⵜⵉⵜ ⵏ ⵓⵙⴰⵡⵔ ⴰⴳⵍⴷⴰⵏ ⵏ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ.
ⵔⴰⴷ ⵜⴳ ⵜⵉⵏⴰⵡⵜ ⴰⴷ, ⵏⵏⵉ ⵔⴰⴷ ⵉⵙⵎⵓⵏ ⵜⵉⵣⵓⵏⴰ ⵜⵉⵎⴰⵡⵙⴰⵙⵉⵏ, ⵜⵉⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, (ⵜ)ⵉⵎⵔⵣⴰ ⴷ ⵉⵎⴳⴳⴰⵢⵏ ⵏ ⵡⴰⵎⵓⵏ ⵓⵖⵔⵉⵎ, ⵜⴰⵎⵍⴷⴰ ⵏ ⵓⵙⵙⵓⵖⵏ ⵏ ⵉⵎⵙⴳⴷⴰⵍⵏ ⵅⴼ ⵡⴰⴷⴰⴼ ⵏ ⵉⴱⵕⵕⴰⵏⵉⵢⵏ ⵙ ⵓⴼⵔⴰⴳ ⴰⵏⴰⵎⵓⵏ ⴳ ⵓⵙⴰⵜⵉ ⵏ ⵓⵙⴳⴳⴷ ⵉⵍⵍⴰⵏ ⵖⵉⵍⴰⴷ.
ⴳ ⵓⵎⵏⵉⴷ ⴰⴷ, ⵔⴰⴷ ⵜⵜⵓⵙⵎⵏⵉⴷⵏ ⵉⵎⵏⵣⴰⵢⵏ ⵏ ⵓⵙⵎⵍ, ⵉⵙⵓⵖⴰⴷ ⴷ ⵉⵎⴰⵙⵙⵏ ⵏ ⵓⵙⵎⵀⵍ ⵏ ⵓⵙⴳⴳⴷ ⵏ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ, ⴰⵙⵡⵓⵜⵜⵓ ⵏ ⵜⵉⵔⵎⵉⵜⵉⵏ ⵕⵡⴰⵏⵉⵏ ⵙ ⴷ ⵉⵇⵇⴰⵏ ⴰⴷ ⵜⵜⵓⵙⵙⴰⵔⵓⵏⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⴷ ⵓⵍⴰ ⵉⵏⴰⵥⴰⵕⵏ ⵍⵍⴰⵏⵉⵏ ⴷ ⵓⵙⵏⴰⵢ ⵏ ⵉⵙⵖⵍⴰⴼ ⵙⴷⵓⵙⵏⵉⵏ ⴰⵙⵎⵀⵍ ⵏ ⵓⵙⵙⵓⵎⵓ ⵏ ⵉⴱⵕⵕⴰⵏⵉⵢⵏ ⴳ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ.
ⵔⴰⴷ ⵜⴻⵜⵜⵓⴳⴰ ⵜⵖⵉⵎⵉⵜ ⵏ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴰⴷ ⵙ ⵜⵉⵍⵉⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙ ⵎ. ⴼⵕⴰⵏⵚⵡⴰ ⵔⵉⵢⴱⵉ-ⴷⵉⴳⴰ, ⴰⴳⵏⵙⴰⵙ ⵏ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵎⵔⴳⵓⵙⵏ ⴷ ⵎⴰⵙⵙⴰ ⵍⵓⵕⴰ ⴱⴰⵍⴰⵜⵉⵏⵉ, ⵜⴰⵏⵙⵙⵉⵅⴼⵜ ⵏ ⵜⵙⵎⵉⴳⵍⵜ ⴳ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵎⵣⵡⴰⴳⵜ ⴳ ⵍⵎⵖⵔⵉⴱ
