ⵉⴷⴷⵖ ⵉⴼⵔⴽ ⵙ ⵡⴰⴷⴷⵓⵔ ⵏ ⵜⵎⵙⵓⵜⴰⵍ ⵜⵖⴰⵔⴰⵏⵉⵏ ⵜⵉⴱⵢⵓⵍⵓⵊⵉⵢⵉⵏ ⴳ ⵓⵎⵢⴰⵙⵙⴰ ⵏⵏⵙⵏⵜ ⵙ ⵜⵎⵙⴽⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵢⴰⵏ ⵓⵏⵎⵓⵇⵇⴰⵔ ⵅⴼ ⵉⵎⵔⵙⵉ ⵏ ⵓⵙⴰⵜⵉ ⵓⵣⵔⵉⴼ ⴰⵏⴰⵎⵓⵔ ⴷ ⵜⵎⵙⵓⵜⴰⵍ ⵏ ⵜⵖⴰⵔⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵣⴷⵉⵏⵉⵏ ⵙ ⵜⴷⵓⵙⵉ ⴷ ⵓⵔⵣⵣⵓ ⴰⵎⵙⵏⵉⵊⵊⵉ ⴰⴱⵢⵓⵍⵓⵊⵉ, ⴰⵙⵙ ⵏ ⵓⵚⵉⴹⵢⴰⵙ 3 ⴷⵓⵊⴰⵏⴱⵉⵔ 2022 ⴳ ⵓⵙⵖⵉⵎ ⵏⵏⵙ ⴳ ⵕⵕⴱⴰⵟ, ⵙ ⵜⵉⵍⵉⵜ ⵏ ⵜⵓⴳⵜ ⵏ ⵉⵎⴳⴳⴰⵢⵏ ⵏⵜⴰⵢⵏⵉⵏ ⵙ ⵜⵎⵙⴰⵔⵉⵏ ⵏ ⵜⵖⴰⵔⴰⵏⵉⵏ ⵜⵉⴱⵢⵓⵍⵓⵊⵉⵢⵉⵏ. ⵜⵙⵡⵓⵜⵜⵙ ⵜⵉⵏⴰⵡⵜ ⴰⴷ ⴰⵙⵡⵓⵜⵜⵓ ⵏ ⵜⵎⵙⵙⵉⵍⵉⵜⵉⵏ ⵜⵓⵣⵔⵉⴼⵉⵏ ⴷ ⵜⵎⵔⵙⴰⵍⵉⵏ ⵣⵎⵔⵏⵉⵏ ⴰⴷ ⵏⴼⵔⵓⵏⵜ ⴰⵙⴷⵓⵙ ⵏ ⵜⵖⴰⵔⴰⵏⵉⵏ ⵜⵉⴱⵢⵓⵍⵓⵊⵉⵢⵉⵏ ⴳ ⵜⵎⵙⴽⵔⵜ ⵜⴰⵎⵙⵏⵉⵊⵊⵉⵜ ⴷ ⴳ ⵢⵉⴳⵔ ⵏ ⵓⵔⵣⵣⵓ ⴰⵎⵙⵏⵉⵊⵊⵉ ⴰⴱⵢⵓⵍⵓⵊⵉ, ⴷ ⴳ ⵓⵙⵡⵉⵔ ⵏ ⵜⵓⵎⴰⵢⵜ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵥⵍⵉⵏⵉⵏ ⵙ ⵉⵣⵣⵓⵍⴰⵏⵏ ⵏ ⵜⴷⵓⵙⵉ. ⵅⴼ ⵉⴳⴳⵉ ⵏ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⴰⵎⵓⵏⵜ ⴳ ⵓⵖⴰⵡⴰⵙ ⵏ ⵜⵉⵏⴰⵡⵜ ⴰⴷ ⵜⴰⵏⴰⵎⵓⵔⵜ ⴽⴽⵓⵥⵜ ⵏ ⵜⵙⴰⵡⵔⵉⵏ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⵅⴼ ⵜⵓⴳⵜ ⵏ ⵢⵉⴳⵔⴰⵏ ⵣⴷⵉⵏⵉⵏ ⵙ ⵜⵎⵙⵓⵜⴰⵍ ⵏ ⵜⵖⴰⵔⴰⵏⵉⵏ ⵜⵉⴱⵢⵓⵍⵓⵊⵉⵢⵉⵏ : ⴰⵔⵣⵣⵓ ⴰⵎⵙⵏⵉⵊⵊⵉ ⴰⴱⵢⵓⵍⵓⵊⵉ, ⵜⵓⴽⴽⵉ ⵏ ⵉⴳⵣⵣⵓⵎⵏ ⴷ ⵉⴳⵉ ⵏⵏⵙⵏ (ⵜⴰⵢⵔⵣⴰ ⵏⵏⵙⵏ), ⴰⵔⴱⵓ ⵙ ⵜⵡⵉⵙⵉ ⵜⴰⵎⵙⵏⵉⵊⵊⵉⵜ ⴷ ⵓⵍⴰ ⴰⴼⵔⴰⴳ ⵏ ⵓⴳⴳⵉⴷⵏ ⴳ ⵍⵍⴰⵏⵜ ⵜⵎⴰⴹⵓⵏⵉⵏ ⵜⵉⵎⵏⵍⵍⵉⵜⵉⵏ. ⵔⴰⴷ ⵙⵙⵏⵜⵉⵢⵜ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ, ⵏⵏⵉ ⵔⴰⴷ ⵜⵙⵙⵉⵅⴼ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵜⵙⵔⴰⴳⵜ ⵜⵉⵙ ⵜⵥⴰⵜ ⴷ ⵓⵣⴳⵏ ⵏ ⵜⵉⴼⴰⵡⵜ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵕⵕⴱⴰⵟ.