"ⵜⴰⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ ⴷ ⵡⴰⵢⴷⴰ ⵏ ⴽⵓⵍⵍⵓ ⵉⵎⵖⵔⴰⴱⵉⵢⵏ, ⴷ ⵡⴰⵕⵕⵥ ⴰⵎⵓⵏⴰⵏ ⵏ ⵓⵎⵣⵔⵓⵢ ⵏⵏⵖ ⴷ ⵜⵎⵙⴰⵔⵉⵏ ⵏⵏⵖ ⵉⵣⴷⵉⵏ ⴷ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ .. "

ⵢⴰⵏ ⵉⵎⵉⴽⴽ ⴰⵢⴰ ⴷ ⵙ ⵙⵎⴷⵏⵜ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵡⵉⵔ ⵢⴰⵜⵜⵓⵢⵏ ⵅⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵣⵔⴼⵜ ⵏ ⵜⴰⵏⵎⵓⵜⵜⵉⵜ ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴱⵕⵍⴰⵎⴰⵏ ⵙ ⵉⵙⵇⵇⵉⵎⵏ ⵏⵏⵙ ⵙ ⵙⵉⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵡⵓⵙⵙⴰⵏ ⵏ 6 ⴷ 7 ⴷⵓⵊⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ.

ⴳ ⵜⴳⵓⵔⵉ ⵏⵏⵙ ⵜⴰⵎⴳⴳⴰⵔⵓⵜ, ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵜⴳⴰ "ⵜⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ, ⵍⵍⵉⵖ ⵏⵍⴽⵎ ⵜⵉⴳⵉⵔⴰ ⵏ ⵢⴰⵏ ⵓⵎⵓⴷⴷⵓ ⵏ ⵙⵏⴰⵜ ⵜⵎⵔⴰⵡⴰⵏⵉⵏ, ⴰⵢⴷⴰ ⵉⵛⵛⴰⵔⵏ ⵏ ⵉⵎⵖⵔⵉⴱⵉⵢⵏ, ⴷ ⵡⴰⵕⵕⴰⵥ ⴰⵎⵓⵏⴰⵏ ⵏ ⵓⵎⵣⵔⵓⵢ ⵏⵏⵖ ⴷ ⵜⵎⵙⴰⵔⵉⵏ ⵏⵏⵖ ⵉⵣⴷⵉⵏ ⴷ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ... ".

ⵎⴽⴷⴰ ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⵜⴳⴰ "ⵜⵣⵔⴼⵜ ⵜⴰⵏⵎⵓⵜⵜⵉⵜ ⵜⴰⵎⵖⵔⵉⴱⵉⵜ ⵢⴰⵜ ⵜⵉⵔⵎⵜ ⵍⵍⵉ ⴳ ⵜⵜⵓⵙⵉⵍⵉⵡⵏⵜ ⵜⵎⵉⵜⴰⵔ ⵏⵏⵙ ⴳ ⵓⵙⴰⵜⵉ ⵏ ⵓⵎⵢⴰⵖ ⴰⵎⵢⴰⵏⴰⵡ ⵓⵔ ⵉⵍⵉⵏ ⴰⵏⴰⵡ ⵉⵏⴳⵔ ⵜⵉⵔⴰⵜⵉⵏ ⵏ ⵓⵡⴰⵏⴽ ⴷ ⵡⴰⵎⵓⵏ, ⵉⵎⵢⴰⵖ ⵉⵏⴳⵔ ⵜⴷⵉⵏⴰⵎⵉⵜⵉⵏ ⵜⵉⵎⵓⵏⴰⵏⵉⵏ ⴷ ⵓⵏⴳⵉⵙⵏ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵡⵜⵜⴰⵙ ⵢⴰⵜⵜⵓⵢⵏ: ⴰⵙⴷⵓⵙ ⵏ ⵓⵎⵓⵜⵜⵉ ⴰⴷⵉⵎⵓⵇⵕⴰⵟⵉ".

ⴰⴷ ⵏⵙⵙⴽⵜⵉ ⵎⴰⵙ ⴷ ⵜⴻⵜⵜⵡⴰⵙⵙⴰⵏ ⵜⵖⵉⵎⵉⵜ ⵏ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴰⴷ, ⵏⵏⴰ ⴷ ⵢⵓⵛⴽⴰⵏ ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵡⵉⵙ ⵙⵉⵎⵔⴰⵡ ⵏ ⵓⵙⵔⵓⵙ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵙ ⵜⵖⵓⵔⵉ ⵏ ⵜⴱⵔⴰⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵏⵏⴰ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵉ ⵜⵎⴷⵔⴰⵡⵉⵏ ⴷ ⵉⵎⴷⵔⴰⵡⵏ ⴳ ⵓⵎⵓⵙⵙⵓ ⴰⴷ ⴰⴳⵔⴰⵖⵍⴰⵏ ⵏⵏⴰ ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⴰⴳⴰⵎ ⵏ ⵜⴳⵓⵔⵉ ⵏ ⵜⵏⵙⵙⵉⵅⴼⵜ