ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⴷ ⵉⵎⵉⵙ ⵉⵥⵍⵉⵏ ⵙ ⵓⴼⵔⴰⴳ ⵏ ⵡⴰⵣⵣⴰⵏⵏ ⵙⴳ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏⵏⵙⵏ, ⵉⵡⵀⵏ ⵓⵙⵉⴷⴼ ⵙⵉⵔⵙ, ⵉⵎⵙⴰⵙⴰ ⴰⴽⴷ ⵎⴰⵕⵕⴰ ⵉⵙⵎⵉⵍⵏ ⵏ ⵡⴰⵣⵣⴰⵏⵏ ⴱⵍⴰ ⴰⵙⵏⵓⵃⵢⵓ ; ⴰⵔ ⵜ ⵉⵙⴷⴰⵍ ⵓⵙⵇⵇⵉⵎ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏⵏⵏⵉ ⵉⴳⴰⵏ ⵜⵉⵎⵔⵙⵍⵜ ⵜⴰⴷⵙⵜⴰⵔⵜ.
ⵍⴰ ⵉⵙⵡⵓⵔⵉ ⵉⵎⵉⵙ ⵙ ⵓⵎⵙⴰⵙⴰ ⴰⴽⴷ ⵉⵎⵏⵣⴰⵢⵏ ⵉⵏⵉⵍⴰⵏⵏ ⵏ ⵜⵙⵇⵇⵉⵎⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵣⵔⴼⴰⵏ ⵏ ⵡⴰⵣⵣⴰⵏ ⵙⵍⴰⵡⴰⵏ ⴰⴽⴽⵯ ⵡⵉⴷ ⴷⴷⴰⵏⵉⵏ ⴳ ⵉⵅⴼⴰⵡⴰⵍⵏ ⵉⵎⴰⵜⴰⵢⵏ 2 ⴷ 5. ⵎⴰⴷ ⴳⴰⵏⵜ ⵜⵥⵍⴰⵢⵉⵏ ⵏ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ?

ⵉⵜⵜⵡⴰⵥⵍⴰⵢ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵙ ⵜⵙⵎⵉⴳⴰⵍ ⵜⵉⵏⴹⴼⴰⵕⵉⵏ:

• ⵉⵎⵉⵥ ⵏ ⵜⵏⵓⵔⵣⵉⵏ ⵏ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏⵉⵖ ⵡⴰⵏⵏ ⵜ ⵉⵙⵎⴰⵔⵉⵏ ⵏⵉⵖ ⵣⵖ ⴷⴰⵔ ⵡⵉⵢⵢⴰⴹ;
• ⵉⴳⵉ ⵏ ⵇⴰⵃ ⵉⵙⴰⴳⴳⵯⵏ ⵣⴷⵉⵏⵉⵏ ⵙ ⵜⵏⵓⵔⵣⵉⵏ ⵏⵏⵉ ⴷ ⵉⴳⵓⵍⴰⵏ ⴷ ⵜⵖⵓⵔⵉ ⵏⵏⵙⵏⵜ ⴷ ⵓⵙⵎⴽⵍ ⵏⵏⵙⵏⵜ ⴷ ⵜⵖⵜⴰⵙⵜ ⴳⵉⵙⵏⵜ;
• ⴰⵙⵏⵎⴰⵍⴰ ⵏ ⵜⴳⵉⵡⵉⵔⵉⵏ ⵏ ⵓⵙⵙⴼⵍⴷ ⴷ ⵜⵖⵓⵔⵉ ⵉ ⵜⴼⵓⵍⵉⵏ ⵏⵜⴰⵢⵏⵉⵏ ⵙ ⵉⵎⵔⵙⵉ ⵏ ⵜⵕⵥⵉ ⵏⵉⵖ ⵜⴰⵏⵓⵔⵣⵉⵜ;
• ⵉⵣⵎⵔ ⵉⵎⵉⵙ ⴰⴷ ⵉⵎⵏⴰⵍⴰ ⵙ ⵜⵡⵉⵍⴰ ⵜⴰⵡⵓⵔⵎⴰⵏⵜ ⵉ ⴽⵔⴰⵢⴳⴰⵜ ⵡⴰⴷⴷⴰⴷ ⵙⴳ ⵡⴰⴷⴷⴰⴷⵏ ⵏ ⵜⵕⵥⵉ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⵏⵏⵉ ⵜ ⵉⴷ ⵉⵜⵜⴰⵡⴹⵏ ;
• ⴳ ⵡⴰⴷⴷⴰⴷ ⴳ ⵉⴼⴰⵡ ⵉⵙ ⵉⵍⵍⴰ ⵓⵎⴰⵍⴰⴷ ⵉⵀⵔⵛⵏ ⴳ ⵉⵣⵔⴼⴰⵏ ⵏ ⵡⴰⵣⵣⴰⵏ, ⵉⵍⵍⴰ ⴼ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴷ ⵜ ⵉⵙⵙⵉⵡⴹ ⵉ ⵜⵏⴱⴰⴹⵉⵏ ⵜⵉⵏⵣⵔⴰⴼⵉⵏ.

• ⵙ ⵓⵏⵢⴰⵍⴽⴰⵎ ⴰⴽⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴰⵏⵙⴰ, ⵜⵜⵉⵍⵉⴼⵓⵏ, ⵍⴼⴰⴽⵙ, ⵜⴰⵙⴰⵡⴰⵢⵜ ⵜⴰⵍⵉⴽⵟⵕⵓⵏⵉⵜ);
• ⵙ ⵓⵏⵢⴰⵍⴽⴰⵎ ⴰⴽⴷ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴰⵏⵙⴰ, ⵜⵜⵉⵍⵉⴼⵓⵏ, ⵍⴼⴰⴽⵙ, ⴷ ⵓⴳⴳⴰⵔ);

• ⵜⵏⵏⴰⵍ ⵜⵏⵜⵜⴰⵎⵜ ⵏ ⵜⵖⴰⵔⵉⵡⵉⵏ ⵏ ⵉⵎⵉⵙ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵙ :
• ⴰⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (1948);
• ⴰⵍⵖⵓ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ (1959);
• ⵜⴰⵎⵢⴰⵇⵇⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ (1959);
• ⵜⴰⵎⵢⴰⵇⵇⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ (1989) ⴷ ⵉⴱⵕⵓⵟⵓⴽⵓⵍⵏ ⵏⵏⵙ ⴰⵔⵓⵛⵛⵉⵍⵏ;
• ⵉⵣⵔⴼⴰⵏ ⵉⵏⴰⵎⵓⵔⵏ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵡⴰⵣⵣⴰⵏ.

ⵉⵙⴽⵉⵍ ⴷ ⵡⴰⵔ ⴰⵙⵏⵓⵃⵢⵓ:
ⴷⴰ ⵜⵜⵓⵙⵏⵓⴱⴳⵏ ⵡⴰⵣⵣⴰⵏⵏ, ⵉⵜⵜⵓⵙⵡⵓⵔⵉ ⴷⵉⴷⵙⵏ ⴱⵍⴰ ⴰⵙⴽⴰⵔ ⵙ ⵜⵡⵎⴰⵏⵉⵜ ⵏⵏⵙⵏ ⵜⴰⵏⴰⵎⵓⵏⵜ ⴷ ⵓⵡⵜⴰⵢ ⵏⵏⵙⵏ ⴷ ⵜⵥⵖⵓⵕⴰⵏⵜ ⵏⵏⵙ ⵜⴰⵥⵓⵕⴰⵏⵜ ⴷ ⵓⵙⵓⵔⵙ ⵏⵏⵙⵏ ⴰⴷⵎⵙⴰⵏ, ⵏⵉⵖ ⵉⴳ ⵍⵍⴰⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵏⵉⵖ ⴽⵔⴰ ⵏ ⵜⵎⵏⵜⵉⵍⵜ ⵢⴰⴹⵏⵉⵏ. ⴰⵔ ⵜⵜⵡⴰⵙⴰⵢⵏⵜ ⵜⴰⵏⵏⴰⵢⵉⵏ ⵏ ⵜⵔⴱⴰⵜⵉⵏ ⵡⴰⵍⴰ ⵉⵔⴱⴰⵜⵏ, ⵜⵜⵓⵙⴼⵙⵉⵏⵜ ⴱⵍⴰ ⵃⵜⵜⴰ ⴽⵔⴰ ⵏ ⵓⵙⵏⵓⵃⵢⵓ.
ⵜⴰⴷⵔⴰⵡⵜ ⵏ ⵡⴰⵣⵣⴰⵏⵏ :

• ⴷⴰ ⵉⵜⵜⵉⵍⵉ ⵓⵎⵓⴳⴳⵓ ⴰⴽⴷ ⵡⴰⵣⵣⴰⵏⵏ ⵙ ⵢⴰⵜ ⵜⵓⵙⴽⵉⵡⵜ ⵏ ⵓⵏⵢⴰⵍⴽⴰⵎ ⴷ ⵢⵓⵙⴰⵏ.
• ⴷⴰ ⵜⵜⴳⴳⴰ ⵜⴷⵔⴰⵡⵜ ⵏ ⵡⴰⵣⵣⴰⵏⵏ ⵜⴰⴷⵔⴼⵉⵜ ⴷ ⵜⵎⵅⴰⵙⵜ ⴱⵍⴰ ⵃⵜⵜⴰ ⴽⵔⴰ ⵏ ⵓⴽⵕⴰⵥ ⴷ ⵙ ⵜⵢⵢⵉⵀⵜ ⵏⵏⵙⵏ.
• ⵜⴳⴰ ⵜⵡⵊⴰ ⵜⴰⵎⴷⵔⴰⵡⵜ ⵜⴰⴷⵙⵍⴰⵏⵜ ⵉ ⵉⵎⵉⵙ ⴽⵓⴷⵏⵏⴰ ⵜⵍⵍⴰ ⵜⵡⵓⵔⵉ ⴰⴽⴷ ⵡⴰⵣⵣⴰⵏⵏ.
• ⴷⴰ ⵉⵜⵜⵓⵙⴷⵓⵙ ⵓⵣⴷⴰⵢ ⴷ ⵓⵎⵢⴰⵡⴰⵙ ⴰⴽⴷ ⵜⵏⵓⴼⴰ ⵢⴰⴹⵏⵉⵏ ⴳⴰⵏⵉⵏ ⵜⵉⵎⵥⵍⴰⵢⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ.

ⵜⴰⵏⴼⵔⵓⵜ ⴷ ⵓⴼⵔⴰⴳ ⵏ ⵡⴰⵣⵣⴰⵏⵏ:
ⴷⴰ ⵉⵜⵜⵏⴼⵔⵓ ⵉⵎⵉⵙ ⵜⵉⴼⴰⴷⵉⵡⵉⵏ ⵏ ⵓⵙⵏⵓⴱⴳ ⴷ ⵢⵓⵙⴰⵏ ⵙ ⵡⴰⵣⵣⴰⵏ, ⵙ ⵓⵎⵙⴰⵙⴰ ⴰⴽⴷ ⵓⵙⵡⵉⵔ ⵏⵏⵙⵏ ⴰⴽⵎⴰⵎ ⴷ ⵓⵏⵉⵎⴰⵏ ⴷ ⵓⵏⴰⵎⵓⵏ.
ⵜⴰⵏⵜⵍⴰ:
ⵜⴻⵜⵜⵓⵏⴼⵔⵓ ⵜⵏⵜⵍⴰ ⵏ ⵓⵎⵍⴰⵏ ⴷ ⵓⵔ ⴷⴰ ⵜⵜⵡⴰⴼⵙⴰⵔⵏ ⵓⵎⵍⴰⵏ ⵓⴷⵎⴰⵡⴰⵏⵏ ⵥⵍⵉⵏⵉⵏ ⵙ ⵡⴰⵣⵣⴰⵏⵏ.
ⵜⴰⴼⵍⵙⵜ:
ⴷⴰ ⵉⵜⵜⴳⴳⴰ ⵉⵎⵉⵙ ⵢⴰⵜ ⵜⵎⵢⴰⴷⴰⵙⵜ ⵏ ⵜⵉⴷⴷⵓⴽⵍⴰ ⵉⵙⵖⵣⴰⵏⵏ ⴰⵙⵃⵙⵙⵓ ⴷ ⵓⵎⵔⴰⵔⴰ ⴰⴽⴷ ⵡⴰⵣⵣⴰⵏⵏ, ⴰⴼⴰⴷ ⴰⴷ ⵙⵢⴰⴼⴰⵏ ⵙ ⵜⴼⵍⵙⵜ, ⵜⵜⵓⵙⵔⵇⴱⵏ ⵅⴼ ⵜⴷⵔⴰⵡⵜ.
ⴰⵡⵇⵇⵔ:
ⴷⴰ ⵜⵜⵓⵡⵇⵇⴰⵔⵏ ⵡⴰⵣⵣⴰⵏⵏ ⵇⴰⵃ ⵙ ⵜⵡⵉⵍⴰ ⵉⵙⵎⴷⵏ, ⵜⵉⵍⵉ ⵜⵓⵙⵏⵜ ⵎⴰⵙ ⴳⴰⵏ ⵓⴳⴳⵉⴷⵏ ⵎⵉ ⵜⵙⵎⴷ ⵜⵉⴳⵎⵉ. ⴷⴰ ⵜⵜⵓⵡⵇⵇⴰⵔⵏ ⵜⴰⵏⵏⴰⵢⵉⵏ ⵏⵏⵉ ⵡⵛⴰⵏ ⵡⴰⵣⵣⴰⵏⵏ, ⴰⵔ ⵙⵉⵔⵙⵏ ⵉⵜⵜⵓⵙⴽⴰⵔ ⴷⴰⵜ ⵉⵙⵉⵜⵜⵉ ⵏ ⴽⵔⴰ ⵏ ⵜⵖⵜⴰⵙⵜ.
ⴰⴼⵙⴰⵔ ⵏ ⵜⵢⴰⴼⵓⵜⵉⵏ ⴷ ⵉⵎⵙⴳⵔⴰ ⵉ ⵡⴰⵣⵣⴰⵏⵏ :
ⴷⴰ ⵜⵜⵡⴰⴼⵙⴰⵔⵏⵜ ⵜⵢⴰⴼⵓⵜⵉⵏ ⴷ ⵉⵎⵙⴳⵔⴰ ⵉ ⵡⴰⵣⵣⴰⵏⵏ ⵙ ⵓⵙⵎⵔⵙ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴷ ⵢⵓⵙⴰⵏ ⴰⴽⴷ ⵓⵙⵡⵉⵔ ⵏ ⵜⴳⵎⵉ ⵏⵏⵙⵏ