ⴳ ⵓⵙⴰⵜⵉ ⵏ ⵜⵙⵎⵉⴳⴰⵍ ⵏⵏⵙ ⴷ ⵜⵡⵓⵔⵉⵡⵉⵏ ⵏⵏⵙ ⵉⵜⵜⵢⴰⵔⴰⵏ ⴳ ⵓⵙⵍⴳⵏ ⵓⵟⵟⵓⵏ 76.15, ⵔⴰⴷ ⵉⵙⵎⵏⵉⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⵢⴰⴼⵓⵜⵉⵏ ⴷ ⵉⵙⵖⵍⴰⴼ ⵏ ⵜⴹⴼⵕⵉ ⵏⵏⵙ ⵉ ⵓⵙⵓⵔⵙ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴳ ⵓⵎⵏⴰⴹ ⵏ ⵓⵏⴷⵓⴷⵉ ⵏ ⵡⴰⵟⵍⴰⵚ ⴰⵎⵇⵇⵔⴰⵏ ⵢⵓⵙⵉⵏ ⵙ ⵓⵣⵡⵍ "ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⴳ ⵓⵎⵏⴰⴹ ⵏ ⵓⵏⴷⵓⴷⵉ ⵏ 8 ⵛⵓⵜⴰⵏⴱⵉⵔ 2023: ⵉⵙⵖⵍⴰⴼ ⵏ ⵓⵙⵇⵇⵉⵎ ⵙ ⵜⴹⴼⵕⵉ ⵏⵏⵙ ⵉ ⵓⵙⴰⵢⵔⴰⵔ ⴰⵎⵓⵟⵟⵓⵏ ⴷ ⵉⵔⵣⴰⴼⵏ ⵏⵏⵙ ⴳ ⵓⴱⴰⵔⴰⵣ", ⴰⵙⵙ ⵏ ⵓⵙⵉⵎⵡⴰⵙ 24 ⵎⴰⵢⵢⵓ 2024 ⴳ ⵜⵙⵔⴰⴳⵜ ⵜⵉⵙⵙ ⵜⵥⴰ ⴷ ⵓⵣⴳⵏ ⵏ ⵜⵉⴼⴰⵡⵜ (09:30) ⴳ ⵓⵙⵖⵉⵎ ⴰⵏⴰⵎⵎⴰⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵕⵕⴱⴰⵟ.
ⵉⵎⵙⴰⴳⴰⵔ ⵓⵙⵎⵏⵉⴷ ⵏ ⵜⵢⴰⴼⵓⵜⵉⵏ ⴰⴷ ⴷ ⵓⵙⴼⵓⴳⵍⵓ ⵙ ⵡⴰⵙⵙ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ, ⴷ ⵓⵎⵢⴰⵖ ⴰⴽⴷ ⵓⵄⴷⵔⵉⵇ ⵏ 8 ⵛⵓⵜⴰⵏⴱⵉⵔ, ⵜⵙⵙⵏⵜⵉ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⵏⴰⵢ ⵏ ⵢⴰⵜ ⵜⵔⴰⴱⴱⵓⵜ ⵏ ⵜⵡⵓⵔⵉ ⵃⵎⴰ ⴰⴷ ⵜⴹⴼⵕ ⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵉⵏ ⵍⵍⵉ ⵉⵜⵜⵢⴰⴳⴰⵙⵏ. ⵉⵜⵜⵓⵙⴽⴰⵔ ⵓⵍⴰ ⵢⴰⵏ ⵓⵏⴰⴳⵔⴰⵡ ⵏ ⵓⴹⴼⴼⵓⵕ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⵙ ⵉⵔⵣⴰⴼⵏ ⵖ ⵓⴱⴰⵔⴰⵣ ⵙ ⵜⵎⵏⴰⴹⵉⵏ ⵉⵜⵜⵢⴰⴳⴰⵙⵏ ⴷ ⵜⴹⴼⵕⵉ ⵏ ⵓⵙⴰⵢⵔⴰⵔ ⴰⵎⵓⵟⵟⵓⵏ.
"ⵣⴷⵉⵏ ⵉⵙⵖⵍⴰⴼ ⴰⴷ ⵙ ⵓⵎⵏⴰⴷ ⵓⵍⴳⵉⵏ ⴷ ⵓⵎⵀⵉⵍ ⴷ ⵓⵏⵎⵙⴰⴳⴰⵔ ⴳ ⵜⵙⵔⴰⵜⵢ ⵜⵉⴳⴷⵓⴷⴰⵏⵉⵏ ⵉⵜⵜⵓⵙⵡⴰⵍⴰⵏ ⵉ ⵡⴰⵣⵣⴰⵏⵏ, ⵉⵙⵖⵍⴰⴼ ⵉⵣⴷⵉⵏ ⵙ ⵓⵙⴷⵓⵙ ⵏ ⵜⵙⵉⵣⵡⵔⵜ ⴷ ⵜⵥⵥⵉⴹⵕⴰ ⴳ ⵓⵎⵏⴰⵍⴰ ⵏ ⵉⵄⴷⵔⵉⵇⵏ, ⴷ ⵓⵙⴷⵓⵙ ⵏ ⵓⵎⵏⵣⴰⵢ ⵏ ⵜⴷⵔⴰⵡⵜ ⵏ ⵡⴰⵣⵣⴰⵏⵏ ⴷ ⵓⵙⴷⵓⵙ ⵏ ⵜⴼⴰⴷⵉⵡⵉⵏ ⵏ ⵜⵡⵏⵏⴰⴹⵜ ⵜⴰⵎⵓⵟⵟⵓⵏⵜ ⵉⵏⵏⴼⵔⵓⵏ ⵉ ⵡⴰⵣⵣⴰⵏⵏ ⵉⵙⵡⵓⵜⵜⵓⵏ ⵜⵓⵎⴰⵏⵜ ⵏ ⵜⴽⵏⴷⴰⵡⵜ". ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ
ⵣⴷⵉⵏⵜ ⵜⵢⴰⴼⵓⵜⵉⵏ ⴷ ⵉⵙⵖⵍⴰⴼ ⴰⴷ ⵙ ⵜⵎⵙⴰⵔⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⴳ ⵓⵙⴰⵢⵔⴰⵔ ⴰⵎⵓⵟⵟⵓⵏ ⴷ ⴱⵕⵕⴰ ⵏⵏⵙ ⵙ ⵓⵙⵏⵜⵉ ⵙⴳ ⵜⵙⴳⵓⵎⴰⵏⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⵙ ⵉⵎⵏⴰⴷⵏ ⵏⵏⵙ ⵙ ⴽⵕⴰⴹ, ⴰⵎⵏⴰⵡⴰⵢ ⴷ ⵓⵏⴱⵔⵉⴷ ⴷ ⵡⵉⵏ ⵜⵉⵏⴷⵉⵜⵉⵏ, ⴷ ⵡⴰⴷⴷⵓⵔ ⵏ ⵓⴼⵔⴰⴳ ⴰⴷ ⴰⵎⵥⵍⴰⵢ ⴳ ⵉⵏⵉⵍⴰⵏⵏ ⵉⵎⵣⵡⵓⵔⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⵏ ⵓⵎⴷⴰⵢ ⴷ ⵓⴹⴼⴼⵓⵕ ⴷ ⵓⵙⵙⵓⵎⵓ, ⵉⵖ ⵉⴳⴰ ⴳ ⵜⵎⵙⵓⵜⴰⵍ ⵜⵓⵏⵣⵉⵍⵉⵏ ⵏⵉⵖ ⴳ ⵜⵉⵣⵉ ⵏ ⵜⴰⵙⵙⴰⵙⵉⵏ.
ⵔⴰⴷ ⵉⵜⵜⵡⴰⵙⵙⴰⵏ ⵓⵏⵎⵓⵇⵇⴰⵔ ⴰⴷ ⵙ ⵜⵉⵍⵉⵜ ⵏ ⵉⴳⵏⵙⴰⵙ ⵏ ⵢⵉⴳⵔⴰⵏ ⵓⵏⴱⵉⴹⵏ ⵏⵜⴰⵢⵏⵉⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⴳⵔⵓⵎⵎⴰ ⵏ ⵡⴰⵣⵣⴰⵏⵏ, ⵙ ⵓⵙⵎⵀⵍ ⵏ ⵓⵎⵏⵣⴰⵢ ⵏ ⵜⵎⴷⵔⴰⵡⵜ ⵏ ⵡⴰⵣⵣⴰⵏ, ⵍⵍⵉ ⵅⴼ ⵉⵜⵜⵏⵄⴰⵕ ⵓⵙⵇⵇⵉⵎ ⵅⴼ ⵓⵙⵎⵔⵙⵍ ⵏⵏⵙ.
