ⵉⵙⵙⵓⴼⵖ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⵍⴷⴰ ⵏ ⵜⵡⵓⵔⵉⵡⵉⵏ ⵏ "ⴰⴳⵎⵎⴰⴹ ⵏ ⵉⵣⵔⴼⴰⵏ" ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵢⴰⵜ ⵜⴳⵔⵓⵎⵎⴰ ⵜⴰⵎⴰⵢⵏⵓⵜ ⵏ ⵜⵏⴼⵓⵙⵉⵏ ⵉⵜⵜⵓⵙⵙⵓⵍⴼⵏ , ⵏⵏⴰ ⵉⵙⵏⵄⴰⵜⵏ ⵉⵣⵎⵣⵣⴰ ⴷ ⵜⵏⵥⴰⵕ ⴷ ⵉⵎⵉⵣⴰⵏ ⵏ ⵉⵙⴰⵢⵔⴰⵔⵏ ⵉⵎⵓⵟⵟⵓⵏⵏ. ⵜⴰⵏⴼⵓⵙⵉⵏ ⴰⴷ ⵜⵜⵓⵙⵡⴰⴷⵙⵏ ⵉ ⵉⵛⵉⵔⵔⴰⵏ ⴷ ⵉⵄⵔⵔⵉⵎⵏ ⵅⴼ ⵓⵙⵎⵔⵙ ⵙ ⵜⴼⵍⴰⵙⵜ ⴷ ⵓⵎⵙⵜⴳⴳⴰⵔ ⵏ ⵜⵉⴽⵏⵓⵍⵓⵊⵉⵜ ⴷ ⵜⵖⵉⵙⵜ ⵜⴰⵙⵎⴳⵓⵔⵜ ⴷ ⵉⵙⴰⵢⵔⴰⵔⵏ ⵉⵎⵓⵟⵟⵓⵏⵏ.
ⴰⵔ ⵙⴼⴰⵍⵏ ⵉⵎⴰⴹⴰⵍⵏ ⵏ ⵜⵏⴼⵓⵙⵉⵏ ⴰⴷ ⵣⴳ ⵜⴰⵍⵍⴰⵙⵉⵏ ⵉⵜⵜⵡⴰⵙⵉⵏ ⵣⴳ ⵜⵉⵔⵎⵉⵜⵉⵏ ⵜⴰⴽⵓⴰⵙⵙⵉⵏ ⵏⵏⴰ ⵜⵜⵉⴷⵉⵔⵏ ⵉⵛⵉⵔⵔⴰⵏ ⵊⴰⵊ ⵏ ⵓⵙⴰⵢⵔⴰⵔ ⴰⵎⵓⵟⵟⵓⵏ, ⵏⵏⴰ ⴳ ⵣⵏⵏⵣⵉⵏⵜ ⵜⵎⵍⴷⵉⵡⵉⵏ ⵏ ⵓⵍⵎⵎⵓⴷ ⴷ ⵓⵙⵍⵍⵡⵉ ⴰⴽⴷ ⵉⵎⵉⵣⵉⴰⵏ ⵏ ⵓⵙⵖⵍⵍⴰ ⴷ ⵜⴽⵏⴷⴰⵡⵜ ⴷ ⵓⵏⴳⴰⴹ ⴷ ⵓⵔⵉⵜⵍⴷ ⵢⵉⴹⵉⵚ ⴰⵏⵉⵎⴰⵏ ⴷ ⵓⵏⴰⵎⵓⵏ.
ⴰⵔ ⵜⵜⵙⴰⵡⴰⵍ ⵜⴳⵔⵓⵎⵎⴰ ⴰⴷ, ⵙ ⵢⴰⵜ ⵜⵎⴰⵎⴽⵜ ⵜⴰⵙⴳⵎⴰⵏⵜ ⴷ ⵜⵥⵕⵉⵜ, ⵅⴼ ⵜⵙⵓⵎⴰⵔ ⵉⵣⴷⵉⵏ ⵖⵔ ⴰⵔⴰⵢ ⵏ ⵉⵙⴼⴽⴰ ⵓⵙⵍⵉⴳⵏ, ⴷ ⵓⵡⵏⵏⵊ ⵏ ⵜⵓⵔⴰⵔⵉⵏ ⵜⵉⵍⵉⴽⵟⵕⵓⵏⵉⵏ, ⴷ ⵢⵉⴹⵉⵚ ⵏ ⵜⵓⵎⴰⵢⵜ ⵜⴰⵎⵓⵟⵟⵓⵏⵜ , ⵅⴼ ⵜⴰⵏⵏⴰⵢⵜ ⵏ ⵡⵓⴷⵎ ⴷ ⵜⵎⵢⵉⵎⴰⵏⵜ ⴷⵉⴽⵙ, ⴰⴽⴷ ⵜⵏⵥⴰⵕ ⵏ ⵓⵙⵎⵔⵙ ⴰⴽⴷ ⵉⵏⴳⵔⴰⵡⵏ ⵏ ⵜⵖⵉⵙⵜ ⵜⴰⵙⵎⴳⵓⵔⵜ ⴷ ⵡⵓⵎⵍⴰⵏ ⵉⵙⵙⴽⵏⴰⴷⵏ.
ⴳ ⵓⵙⵎⵏⵉⴷ ⵏⵏⵙ ⵉ ⵜⴳⵔⵓⵎⵎⴰ ⴰⴷ, ⴰⵔ ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵓⵔ ⵉⴳⵉ ⵓⵙⴰⵢⵔⴰⵔ ⴰⵎⵟⵟⵓⵏ "ⵖⴰⵙ ⵢⴰⵏ ⵉⵎⵉⵙ ⵏ ⵓⵎⵢⴰⵡⴰⴹ ⵏⵖⴷ ⵓⵙⵓⵔⴰⵔ", ⵎⴰⵛⴰ ⵢⴰⵖⵓⵍ "ⵉⴳⴰ ⵢⴰⵏ ⵓⴳⴹⴰⵎ ⵓⵔ ⴱⵟⵟⵓⵏ ⵅⴼ ⵜⵓⴷⵔⵜ ⵏⵏⵖ ⵜⴰⴽⵓⴰⵙⵙⵜ ⴷ ⵢⴰⵏ ⵉⵎⵎⵍⴷⵉ ⴰⵏⵉⵍⴰⵡ ⵉ ⵉⵙⴰⵢⵔⴰⵔⵏ ⵏ ⵜⵙⵏⵙⵉ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ".
ⴰⵔ ⵜⵙⵎⴰⵜⴰⵔ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⴷⴰ ⵉⵕⵥⵥⵎ ⵓⵙⵍⵍⵡⵉ ⴷ ⵉⵙⴰⵢⵔⴰⵔⵏ ⵉⵎⵓⵟⵟⵓⵏⵏ ⵎⵏⵉⴷ ⵏ ⵉⵛⵉⵔⵔⴰⵏ "ⵉⵎⵏⵉⴷⵏ ⵉⵅⴰⵜⴰⵔⵏ ⵉ ⵓⵍⵎⵎⵓⴷ ⴷ ⵜⵡⴰⴼⵉⵜ ⴷ ⵓⵡⵏⵏⵉ ⴷ ⵓⵙⵍⵍⵡⵉ", ⵎⴰⵛⴰ ⵉⵙⴰⵢⵔⴰⵔⵏ ⴰⴷ ⵓⵔ ⵙⵙⴰⵔⵏ ⵣⴳ ⵜⵏⵥⴰⵕ ⴷ ⵉⵎⵉⵣⴰⵏ ⵉⵣⴷⵉⵏ ⵙ ⵡⴰⵔⴰⵢ ⵏ ⵉⵙⴼⴽⴰ ⵓⴷⵎⴰⵡⴰⵏⵏ, ⴷ ⵓⵎⵍⴰⵏ ⵉⵙⵙⴽⵏⴰⴷⵏ, ⴷ ⵉⵎⵉⵣⵉ ⵅⴼ ⵜⵏⴼⵔⵓⵜ ⵜⴰⵏⵉⵎⴰⵏⵜ, ⴷ ⵓⵙⵖⵍⵍⴰ ⵉⵎⵏⵣⴰⵏ ⵏ ⵓⵏⴳⴰⴹ ⴰⵎⵓⵟⵟⵓⵏ , ⴷ ⵓⵙⵡⵓⵜⵜⵙ ⵉ ⵎⴰⵕⵕⴰ ⵏ ⵉⵡⵜⵜⴰⵙⵏ …
ⴰⵔ ⵜⵙⵎⴰⵜⴰⵔ ⵜⵙⵏⵜⴰⵢⵜ ⴰⴷ ⵜⴰⵎⵖⵔⵜ ⵏ ⵓⵙⴷⵓⵙ ⵏ ⵜⴷⵍⵙⴰ ⴷ ⵓⴼⵔⴰⴽ ⴰⵎⵓⵟⵟⵓⵏ ⴰⵎ ⵢⴰⵏ ⵜⴼⴰⴷⴰ ⵜⴰⴷⵙⵍⴰⵏⵜ ⴱⴰⵛ ⴰⴷ ⵢⴰⵖⵓⵍ ⵓⵙⴰⵢⵔⴰⵔ ⴰⵎⵓⵟⵟⵓⵏ " ⴰⴷ ⵉⴳ ⵢⴰⵏ ⵡⴰⵏⵙⴰ ⵏ ⵜⴼⵍⴰⵙⵜ, ⵉⵜⵜⴰⵔⵉⵏ ⴰⴷⴷⵓⵔ ⴰⵏⴼⴳⴰⵏ ⴷ ⵉⵣⵔⴼⴰⵏ ⴷ ⵡⴰⵔⴰⵢ ⵏ ⵇⴰⵃ ⵉⵃⵏⵊⵉⵔⵏ ⴱⵍⴰ ⴰⵙⵏⵓⵃⵢⵓ".
ⴰⵔ ⴽⵛⵛⵎⵏⵜ ⵜⴼⵉⴼⵖⵉⵏ ⴰⴷ ⴳ ⵓⵙⴰⵜⵉ ⵏ ⵓⵙⵖⵓⵏ ⵏ ⵓⵙⵇⵇⵉⵎ ⵙ ⵜⵏⴽⵔⴰ ⵙ ⵜⴷⵍⵙⴰ ⵏ ⵉⵣⵔⴼⴰⵏ ⵏ ⵉⵛⵉⵔⵔⴰⵏ ⴷ ⵓⵙⴷⵓⵙ ⵏ ⵡⴰⵔⴰⵢ ⵏⵏⵙⵏ, ⴷ ⵢⴰⵏ ⵉⵎⵎⵍⴷⵉ ⵏ ⵜⵡⵓⵔⵉ ⵏⵏⵙ ⵉⵣⴷⵉⵏ ⵙ ⵜⵉⴹⴰⴼ ⵏ ⵉⵙⴰⵢⵔⴰⵔⵏ ⵉⵎⵓⵟⵟⵓⵏⵏ ⴷ ⵉⵜⵉⴽⵏⵓⵍⵓⵊⵉⵏ ⵉⵎⴰⵢⵏⵓⵜⵏ. ⴰⵎ ⵓⵢⵏⵏⴰ ⵜⵙⵎⴰⵜⴰⵔ ⴰⵏⵏⵓⵕⵥⵎ ⵏⵏⵙ ⵅⴼ ⵉⵎⴰⵙⵙⵏ ⵉⵎⴰⵢⵏⵓⵜⵏ ⵏ ⵓⵡⵏⵏⵉ "ⵏⵏⴰ ⵉⵜⵜⵡⴰⵙⵙⵏ ⵙ ⵜⵉⵖⵉⵜ ⵏⵏⵙ ⵅⴼ ⵓⵙⵎⵓⵜⵜⵔ ⴳⵔ ⴰⵎⵔⵔⴻⵔ ⴷ ⵓⴼⵍⴰⵥ", ⵙ ⵢⴰⵜ ⵜⵓⵜⵍⴰⵢⵜ ⵉⵏⵎⴰⵍⴰⵏ ⵣⴳ ⵉⵃⵏⵊⵉⵔⵏ ⴷ ⵉⵄⵔⵔⵉⵎⵏ.
ⴰⵔ ⵜⵜⵓⵙⵏⴰⵃⵢⴰ ⵜⴳⵔⵓⵎⵎⴰ ⴰⴷ ⴰⵡⴷ ⴰⵎ ⵓⵢⵏⵏⴰ ⵙ ⵜⴳⴰ ⵢⴰⵏ ⵜⴰⵢⴰⴼⵓⵜ ⵏ ⵓⵣⴰⵣⵓ ⴰⵎⴷⵔⵓ ⵏⵏⴰ ⴳ ⵙⵙⵉⵡⵙⵏ ⵉⵛⵉⵔⵔⴰⵏ ⵣⴳ ⵇⴰⵃ ⵜⵉⵎⵏⴰⴹⵉⵏ ⵏ ⵜⴳⵍⴷⵉⵜ, ⵙ ⵎⵛⵉⵜ ⵏ ⵎⵏⵏⴰⵡ ⵏ ⵉⵏⵎⵓⵇⵇⴰⵔⵏ ⵏ ⵓⵎⵛⴰⵡⴰⵕ ⴷ ⵜⵙⴰⵡⴰⵔⵉⵏ ⵏ ⵜⴼⵔⵉⵙⵜ ⴷ ⵓⵙⵡⵉⵏⴳⵎ ⴰⵎⴳⵔⵓ. ⴹⴰⵕⵜ ⵏ ⵓⵣⴰⵣⵓ ⴰⴷ, ⵜⵜⵓⴳⴰⵏⵜ ⵜⴼⵔⵉⵙⵉⵏ ⵙ ⵓⴼⵓⵙ ⵏ ⵓⵏⴰⵥⵓⵕ ⴰⵎⵙⵉⵍⵖ ⵢⵓⵙⴼ ⵔⵃⴰⵍⵉ ⵙ ⵓⵙⵥⵕⴼ ⵏ ⴰⵕⵓⵎⵉ.
ⴰⵔ ⵜⵜⵉⵏⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴳ ⵓⵙⵎⵏⵉⴷ ⵏⵏⵙ ⵉ ⵜⴳⵔⵓⵎⵎⴰ ⵜⵏⴼⵓⵙⵉⵏ "ⵏⵔⴰ ⵣⴳ ⵓⵣⴰⵣⵓ ⴰⴷ, ⴰⴷ ⴰⵖⵓⵍⵏ ⵏ ⵉⴳⵕⴹⴰⵏ ⵏ ⵉⵃⵏⵊⵉⵔⵏ ⵏⵏⴰ ⴷ ⵏⵎⵍⴰⵍⴰ, ⵖⵔ ⵜⴱⵔⴰⵜⵉⵏ ⵏ ⵓⵙⴼⵔⴽ, ⴷ ⵜⵉⵔⵎⵉⵜⵉⵏ ⵏⵏⵙⵏ ⵖⵔ ⵜⵏⴼⵓⵙⵉⵏ ⵏⵏⴰ ⵉⵙⵎⴰⵜⴰⵔⵏ ⵜⵉⵍⴰⵡⵜ ⵏⵏⵙⵏ" .
ⴰⵎ ⵓⵢⵏⵏⴰ ⵔⴰⵏⵜ ⵜⴰⵍⵍⴰⵙⵉⵏ ⴰⴷ, ⴰⴷ ⵙⵙⵔⵇⴱⵏⵜ ⵉⵛⵉⵔⵔⴰⵏ ⵅⴼ ⵓⵙⵡⵉⵏⴳⵎ ⵏ ⵓⵣⵖⴰⵏ, ⴷ ⵜⵎⵏⵥⵉⵜ ⵣⴳ ⵡⵓⵎⵍⴰⵏ, ⴷ ⵡⴰⵔⴰⵢ ⵏ ⵉⵙⴼⴽⴰ ⵓⴷⵎⴰⵡⴰⵏⵏ, ⴷ ⵓⵙⵎⵔⵙ ⴰⵎⵙⵜⴳⴳⴰⵔ ⴰⴽⴷ ⵜⵓⵎⴰⵢⵜ ⵜⴰⵎⵓⵟⵟⵓⵏⵜ, ⴷ ⵜⵎⵏⵥⵉⵜ ⵎⴰⵙ ⵜⵥⴹⴰⵕ ⵜⵉⴽⵏⵓⵍⵓⵊⵉⵜ ⴰⴷ ⵜⴳ ⵢⴰⵏ ⵓⵙⴰⵢⵔⴰⵔ ⵏ ⵓⵍⵎⵎⵓⴷ ⴷ ⵓⵙⵍⵍⵡⵉ ⴰⴷⴷⴰⵢ ⵜⵜⵓⵙⵎⵔⵙ ⵙ ⵜⵎⵙⵜⴳⴳⴰⵔⵜ ⴷ ⵓⵡⵇⵇⵔ ⵏ ⵉⵣⵔⴼⴰⵏ.
ⵜⵜⵓⵙⵙⵎⵏⵉⴷⵏⵜ ⵜⴰⵍⵍⵉⵙⵉⵏ ⴰⴷ ⵊⴰⵊ ⵏ "ⵓⴳⵎⵎⴰⴹ ⵏ ⵉⵣⵔⴼⴰⵏ", ⵙ ⵜⵎⵍⴷⴰ ⵏ ⵜⵖⵓⵔⵉⵡⵉⵏ ⴷ ⵜⵙⴰⵡⵔⵉⵏ ⵉ ⵉⵛⵉⵔⵔⴰⵏ ⴳ ⵜⵉⵣⵉⵡⵉⵏ ⵏ ⵜⵉⴼⴰⵡⵜ ⵏ ⵎⵔⴰⵡ ⵏ ⵡⵓⵙⵙⴰⵏ ⵏ ⵓⵙⴼⵙⵔ, ⵙ ⴰⵢⵏⵏⴰ ⵢⴰⴽⴽⴰⵏ ⵉⵣⵎⵣⵣⴰ ⵏ ⵜⵎⵢⴰⵖⵜ ⴷ ⵓⵙⴼⵔⴽ.
ⵙ ⵜⵙⵏⵜⴰⵢⵉⵏ ⴰⴷ ⵜⵉⵎⴰⵢⵏⵓⵜⵉⵏ, ⵉⵙⵓⵍ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷⴰⵉⵙⵖⵓⴷⵓ ⵉⵎⴰⵙⵙⵏ ⵉⵜⵜⵓⵙⵍⵍⵡⵉⵏ ⵏ ⵓⵙⴼⵔⴽ, ⵏⵏⴰ ⵉⵜⵜⴳⴳⴰⵏ ⵣⴳ ⵡⴰⵍⵍⴰⵙ ⴷ ⵜⴼⵔⵉⵙⵜ ⴷ ⵓⵙⵍⵍⵡⵉ ⵉⵜⵙⵏ ⵉⵎⴰⵙⵙⵏ ⵉ ⵓⵙⴷⵓⵙ ⵏ ⵜⴷⵍⵙⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵔⴼⴰⵏ ⵉⵎⴰⵟⵟⵓⵏⵏ ⵖⵔ ⵉⵃⵏⵊⵉⵔⵏ ⴷ ⵉⵄⵔⵔⵉⵎⵏ.
