"ⴰⵡⵇⵇⵔ ⵏ ⵜⵎⵙⵙⵏⵜⵉⵜⵉⵏ ⴷ ⵜⵡⵓⵔⵉⵡⵉⵏ ⵜⵉⵎⵙⵖⵏⵣⵉⵜⵉⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⴰⴽⵛⵛⵓⵎ ⴰⴷⵙⵍⴰⵏ ⵉ ⵓⵍⴽⴰⵎ ⵙ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵓⵙⴷⵓⵙ ⵏ ⵜⵏⴼⵔⵓⵜ ⵜⴰⵏⴼⴳⴰⵏⵜ", ⵎⴽⴰ ⴰⵙ ⵜⵕⵥⵎ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⴳⵓⵔⵉ ⵏⵏⵙ ⴳ ⵓⵙⴳⵔⴰⵡ ⴰⵄⵕⴰⴱ ⴰⴼⵔⵉⵇⵉ ⵅⴼ ⵜⵎⵙⵙⵏⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵜⵜⵓⵙⵏⵎⴰⵍⴰⵏ ⴳ ⵎⵕⵕⴰⴽⵛ ⵓⵙⵙⴰⵏ ⵏ 24 ⴷ 25 ⵢⵓⵏⵢⵓ 2025 ⴷⴷⴰⵡ ⵏ ⵜⵎⴰⵜⴰⵔⵜ "ⵉ ⵓⵎⵙⴰⵡⴰⵍ ⴰⵙⴳⴰⵡⴰⵏ ⵉⵏⵏⴰⵍⵏ ⵜⴰⴷⵎⵙⴰ ⵜⴰⵎⵙⵜⴳⴳⴰⵔⵜ ⵉⵜⵜⵡⵇⵇⴰⵔⵏ ⵉⵣⵔⴼⴰⵏ ⵏ ⵓⴼⴳⴰⵏ".

ⵜⵣⵓⵛⵛⵍ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⵏⵏⴰ ⵉⵜⵜⴷⴷⵔ ⵍⵎⵖⵔⵉⴱ, ⵜⵙⵙⴼⴰⵡ ⵎⴰⵙⵙⴰ ⴱⵓⵄⵢⵢⴰⵛ ⴳ ⵢⴰⵜ ⵜⴳⵓⵔⵉ ⵏ ⵓⵕⵥⵥⵓⵎ (ⵙⴳ ⵜⵓⴳⴳⵓⴳⵜ), ⵜⴰⵎⵢⴰⴷⴰⵙⵜ ⵜⴰⵏⴳⵎⵓⵜ ⵜⴰⵎⴰⵢⵏⵓⵜ ⵉⵙⵔⴰⵙⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵎⵎⴰⵙ ⵏ ⵉⵙⵏⵜⴰⵢ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵉⵙⴷⴷⵉⵜⵏ ⵏ ⵓⵙⵙⴽⵛⵎ, ⵜⵙⴷⴷⵉⴷ ⵎⴰⵙ ⵢⴰⵖⵓⵍ ⵓⵎⵙⴰⴳⴰⵔ ⵏⴳⵔ ⵜⴷⵉⵏⴰⵎⵉⵢⵉⵏ ⵜⵉⴷⵎⵙⴰⵏⵉⵏ ⴷ ⵉⵙⵓⵖⵏⵏ ⵉⵣⵔⴼⴰⵏⵏ ⵉⴳⴰ ⴰⵙⵖⵓⵏ ⴰⵖⴰⵡⵍⴰⵏ.

ⴰⵙⴷⵓⵙ ⵏ ⵓⵎⵏⵉⴷ ⴰⵣⵔⴼⴰⵏ ⴷ ⵓⵙⵓⵖⵏ ⵙ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴳⵔ ⵏ ⵜⵡⵓⵔⵉⵡⵉⵏ ⵜⵉⵎⵙⵖⵏⵣⵉⵜⵉⵏ ⵉⵣⵎⵔ ⴰⴷ ⵉⴹⵎⵏ ⵜⴰⵡⵏⵏⴰⴹⵜ ⵏ ⵜⵡⵓⵔⵉ ⴷ ⵢⵓⵙⴰⵏ, ⴳ ⵓⵔ ⵉⵍⵍⵉ ⵓⵙⵏⵓⵃⵢⵓ, ⵉⵜⵜⵡⵇⵇⴰⵔⵏ ⴰⴷⴷⵓⵔ ⴰⵏⴼⴳⴰⵏ, ⴳ ⵓⵙⵓⵖⵏ ⵙ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ. ⵉⵏⴱⵖⵓⵔⵏ ⵙ ⵉⵙⵓⴳⴰⵎ ⵉⴳⴰⵎⴰⵏⵏ ⴷ ⵉⵏⴼⴳⴰⵏⵏ ⵉⵙⴰⴼⵓⵜⵏ ⵏⵏⴰ ⵙ ⵜⴱⵖⵓⵔ ⵜⵎⵏⴰⴹⵜ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ ⴰⴷ ⴰⵖ ⵉⵇⵇⴰⵔⵏ ⵙ ⵜⵙⵉⵍⴰⵡⵜ ⵏ ⵉⵣⵓⵔⵜⵏ ⵉⵏⴳⵎⵓⵜⵏ ⵉⵙⵙⵏⵜⴰⵢⵏ ⵙⴳ ⵜⵥⵍⴰⵢⵉⵏ ⵜⵉⴷⵖⵔⴰⵏⵉⵏ ⵉⴱⴷⴷⵏ ⵅⴼ ⵓⵡⵇⵇⵔ ⵏ ⵉⵣⵔⴼⴰⵏ ⴷ ⵡⴰⴷⴷⵓⵔ ⴰⵏⴼⴳⴰⵏ, ⴰⴽⴷ ⵓⵙⵙⵔⵇⴱ ⵏ ⵜⵎⵙⵙⵏⵜⵉⵜⵉⵏ ⵅⴼ ⵜⴷⵔⴰⵡⵜ ⵜⴰⵎⵢⴰⴳⴰⵏⵜ ⴷ ⵓⵙⴷⵔⵓⵡ ⵏ ⵡⴰⵎⵓⵏⵏ ⴳ ⵓⵙⵉⵜⴳ ⵏ ⵓⴷⵔⵉⵣ ⴰⵣⵔⴼⴰⵏ ⵏ ⵉⵙⵏⵜⴰⵢ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ.

ⵜⴰⵍⵍⵖ ⴳ ⵓⵙⴰⵜⵉ ⴰⴷ ⵎⴰⵙ ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⵡⴰⵍⴰⵏ ⵜⴰⵎⵓⵔⴰⵢⵜ ⵏ ⵜⵏⵙⵙⵉⵅⴼⵜ ⵏ ⵜⴳⵔⵓⵎⵎⴰ ⵏ ⵜⵡⵓⵔⵉ ⵉⵏⵜⴰⵢⵏ ⵙ ⵜⵡⵓⵔⵉⵡⵉⵏ ⵜⵉⵎⵙⵖⵏⵣⵉⵜⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI), ⵉⵏⵄⵕ ⴳ ⵜⵙⵏⵜⴰⵢⵉⵏ ⵏⵏⵙ ⴷ ⵜⴰⵏⴰⴹⵉⵏ ⵏⵏⵙ ⵜⵉⵙⴳⵯⵙⴰⵏⵉⵏ ⴷ ⵜⵙⴳⵓⵎⴰⵏⵉⵏ ⵉ ⵓⵙⵎⵙⴰⵙⴰ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴰⴽⴷ ⵉⵙⵓⵖⵏⵏ ⵉⵣⵔⴼⴰⵏⵏ ⴷ ⵓⵙⴷⵔⵓⵡ ⵏ ⵉⵙⵎⵉⵍⵏ ⴽⵓⴽⴹⵏⵉⵏ ⴳ ⵓⵙⵎⵓⵜⵜⴳ ⵏ ⵜⵙⵔⵜⴰⵢ ⴷ ⵓⵙⴷⴷⵔⴼ ⵏ ⵓⵙⵖⵣⵏ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵅⴼ ⵓⵣⵔⴼ ⴳ ⵜⴳⵎⵉ. ⵎⴽⴷⴰ ⵜⵏⵏⵓⵎⵙ ⵜⵎⵔⵙⵍⵜ ⵅⴼ ⵡⴰⵏⵏⴰⵍ ⵏ ⵜⵎⴳⴳⵉⵜⵉⵏ ⵜⵉⵎⴰⴷⴰⴼⵉⵏ ⴷ ⵜⵉⵎⵙⵖⵓⵏⵉⵏ ⵉ ⵜⵏⴼⵔⵓⵜ ⵏ ⵓⵡⵇⵇⵔ ⵏ ⵜⵎⵙⵙⵏⵜⵉⵜⵉⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴹⴼⴼⵓⵕ ⵏ ⵜⵏⵓⵔⵣⵉⵏ ⵉⵥⵍⵉⵏ ⵙ ⵉⴹⵉⵚⵏ ⵉⵡⵏⴹⴰⵏⵏ ⴷ ⵉⵏⴰⵎⵓⵏⵏ ⵏ ⵜⵉⵍⴰⵍ ⵜⵉⴷⵎⵙⴰⵏⵉⵏ, ⴳ ⵜⵙⴳⴰ ⵏ ⵓⵙⵏⵎⴰⵍⴰ ⵏ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⵉ ⵓⵙⴷⵓⵙ ⵏ ⵜⵥⴹⴰⵕⵉⵏ ⴳ ⵢⵉⴳⵔ ⴰⴷ.

ⵉ ⵓⵙⵙⴽⵜⵉ, ⵉⵡⴰⵜⵜⵙ ⵓⵙⴳⵔⴰⵡ ⴰⵄⵕⴰⴱ ⴰⴼⵔⵉⵇⵉ ⵅⴼ ⵜⵎⵙⵙⵏⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⵜⵙⵏⵓⴱⴳ ⵜⵖⵔⵎⵜ ⵜⴰⵣⴳⴳⵯⴰⵖⵜ - ⵎⵕⵕⴰⴽⵛ, ⴰⴷ ⵉⵙⵙⵔⵇⴱ ⴰⵎⵙⴰⵡⴰⵍ ⴷ ⵓⵎⵔⴰⵔⴰ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴳ ⵢⵉⴳⵔ ⵏ ⵓⵙⵎⵀⵍ ⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏⴳⵔ ⵉⵎⵙⴽⴰⵔⵏ ⵉⵎⵢⴰⵏⴰⵡⵏ, ⴷ ⵓⵙⴷⵓⵙ ⵏ ⵓⵡⵇⵇⵔ ⵏ ⵉⵎⵏⵣⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵙⵙⵏⵜⵉⵜ (ⵜⵡⵓⵔⵉⵡⵉⵏ ⵜⵉⵎⵙⵖⵏⵣⵉⵜⵉⵏ) ⴷ ⵓⵙⴷⵓⵙ ⵏ ⵜⴷⵔⴰⵡⵜ ⴳ ⵡⴰⵏⵏⴰⵍ ⵏ ⵓⵙⴰⴽⴰ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵜⵎⵏⴰⴹⵜ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ.