ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⵎⴷⵔⴰⵡⵜ ⴷ "ⵜⵎⵚⵕⵉⵢⵜ ⵜⴰⵄⵔⵔⵉⵎⵜ ⵏ ⵕⵕⴱⴰⵟ" (JCI RABAT) ⵢⴰⵏ ⵓⵙⴷⴷⵉ ⵏ ⵜⵙⵓⵡⴰⵔ ⵏ ⵓⵙⵎⵓⵜⵜⴳ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴷⵙⵍⴰⵏⵏ ⴷⴷⵓ ⵏ ⵜⵎⴰⵜⴰⵔⵜ"ⴰⴷ ⵏⵙⴰⵡⵍ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ". ⵔⴰⴷ ⵜⴻⵜⵜⵓⵙⵏⵎⴰⵍⴰ ⵜⵙⴰⵡⵔⵜ ⵜⴰⵎⵣⵡⴰⵔⵓⵜ ⴰⵙⵙ ⵏ ⵓⴽⵡⴰⵙ 26 ⵛⵓⵜⴰⵏⴱⵉⵔ 2024 ⴳ ⵓⵙⵉⵏⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵕⵕⴱⴰⵟ ⵉⴷⵔⵉⵙ-ⴱⵏⵣⴽⵔⵉ,
ⴰⵎⵓⵏⵜ ⵜⵙⵓⵡⴰⵔ ⴰⴷ ⵏ ⵓⵙⵎⵓⵜⵜⴳ, ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴽⵓ ⴰⵙⵙ ⵏ ⵓⴽⵡⴰⵙ ⴰⵔ 7 ⵏⵓⵡⴰⵏⴱⵉⵔ 2024, ⴳ ⵓⵙⴰⵜⵉ ⵏ ⵢⴰⵏ ⵓⵙⵏⵜⵉ ⵉⵛⵛⴰⵔⵏ ⵉⵏⴳⵔ ⵓⵙⵇⵇⵉⵎ ⴷ ⵜⵎⵙⵎⵓⵏⵜ ⵏ "ⵜⵎⵚⵕⵉⵢⵜ ⵜⴰⵄⵔⵔⵉⵎⵜ ⵜⴰⴳⵔⴰⵖⵍⴰⵏⵜ ⴳ ⵕⵕⴱⴰⵟ", ⵙⵡⴰⵜⵜⵙⵏ ⵉⵔⵉⵎ ⵏ ⵉⵄⵔⵔⵉⵎⵏ ⴳ ⵢⵉⴳⵔ ⵏ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵎⵓⵜⵜⴳ ⵏⵏⵙⵏ ⵙ ⵉⵎⴰⵙⵙⵏ ⵉⵏⴱⵣⴰⵣⵏ ⴰⴼⴰⴷ ⴰⴷ ⴳⵉⵏ ⵉⵎⵙⴽⴰⵔⵏ ⵉⵎⵙⵙⵓⵖⵏⵏ ⴳ ⵡⴰⵎⵓⵏ ⵓⵖⵔⵉⵎ.
ⵙⵡⴰⵜⵜⵙⵏ ⵉⵏⵎⵓⵇⵇⴰⵔⵏ ⴰⴷ, ⴳ ⵍⵍⴰⵏⵜ ⵙⴰ ⵏ ⵜⵙⵓⵡⴰⵔ ⵏ ⵜⵡⵓⵔⵉ ⵏ ⵓⵙⵎⵓⵜⵜⴳ, ⴰⵙⴷⵓⵙ ⵏ ⵜⵣⵎⵎⴰⵔ ⴷ ⵜⵓⵙⵙⵏⵉⵡⵉⵏ ⵏ ⵉⵄⵔⵔⵉⵎⵏ ⴷⵔⵓⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵉⵔⵎⵎⵓⵙⵏ ⵉⴷⵙⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵍⴰ ⴰⵙⴼⵔⴽ ⵏⵏⵙ ⵙ ⵉⵎⵙⵓⵔⴰⵙ ⴷ ⵜⵏⵥⴰⵕ ⵜⵉⵜⵔⴰⵔⵉⵏ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⵎⴽⴷⴰ ⵙ ⵜⵜⵡⴰⵙⵙⴰⵏⵏ ⴳ ⵓⵎⴰⴹⴰⵍ.
