ⴳ ⵓⵎⵙⴳⵔⴰ ⵏⵏⵙ ⴰⵎⵣⵡⴰⵔⵓ ⵙ ⵓⵙⴽⴽⵉⵏ ⵏ ⵓⵙⵡⵓⴷⴷⵓ ⵏ ⵓⵎⴷⵊⴰ ⵏ ⵉⵏⴳⴰⵢⵏ  ⵉⵡⵡⵜⵏ ⵎⵏⵏⴰⵡ ⵏ ⵜⵎⵏⴰⴹⵉⵏ ⵏ ⵍⵎⵖⵔⵉⴱ ⴳ ⵡⴰⵢⵓⵔ ⵏ ⵉⵏⵏⴰⵢⵔ ⴷ ⴱⵕⴰⵢⵕ 2026, ⵉⴼⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵓⵍⵖⴰ ⵅⴼ ⵜⵖⵜⴰⵙⵜ ⵏ ⵓⵍⵖⵓ ⵏ ⴽⴽⵓⵥ ⵜⵎⵏⴰⴹⵉⵏ ⵜⵉⵡⴹ ⴽⵉⴳⴰⵏ ⵏ ⵜⴽⵎⵎⴰⵡⵉⵏ ( ⵍⵄⵔⴰⵢⵛ, ⵍⵇⵏⵉⵟⵔⴰ, ⵙⵉⴷⵉⵇⴰⵙⵎ ⴷ ⵙⵉⴷⵉⵙⵍⵉⵎⴰⵏ ) “ⵜⵎⵏⴰⴹⵉⵏ ⵏ ⵓⴱⵓⵀⵢⵜ”, ⵉⴳⵉ ⵜⵏⵜ ⵢⴰⵏ ⵓⵍⴳⵉⵏ ⴷ ⵓⵙⵎⵔⵙⴰⵍ ⵢⵓⵙⴰⵏ ⵉ ⵓⵎⵏⴰⵍⴰ ⵏ  ⵉⵏⵣⴳⵓⵎⵏ ⵉⵏⴼⴳⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵏⵏⴰ ⴰⴷ ⵉⵣⵔⵉ ⵓⵎⴷⵊⴰ ⴰⴷ.

ⵜⵓⵊⵊⴰ ⵜⵖⵜⴰⵙⵜ ⴰⴷ, ⴰⵎ ⵓⵢⵍⵍⵉ ⴷ ⵉⴷⴷⴰⵏ ⴳ ⵉⵎⵙⴳⵔⴰⵜⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵎⵓⵙⵙⵓ ⵏ ⵓⵖⴰⵡⴰⵙ ⵏ ⵡⴰⵏⵙⴰ ⴰⴱⴰⵔⴰⵡ ⵉ ⵜⵉⵡⵉⵙⵉ ⴷ ⵡⴰⵏⵏⴰⵍ ⵉ ⵉⵏⵣⴷⴰⵏ ⴰⴱⵓⵀⵉⵜⵏ.

ⵉⵎⵎⵓⵣⵍ ⵓⵢⴰ ⴰⵡⴷ ⴰⵍⵍⴰⵙ ⵏ ⵓⵣⴷⴷⵓⵖ ⴷ ⵓⵎⵢⴰⵔⴰⵣ ⵅⴼ ⵉⵎⵕⵥ ⵏ ⵓⵎⴰⵖⵓⵍ ⴷ ⵡⴰⵍⵍⴰⵙ ⵏ ⵓⵙⵖⵔⵜ ⵏ ⵜⵣⴷⴷⴰⵖ ⴷ ⵜⵃⵓⵏⴰ ⵜⵉⵎⵥⵥⴰⵏⵉⵏ ⵏ ⵜⵏⵙⴱⴰⴱⵜ ⵉⵜⵜⵓⵟⵟⵙⵏ ⴷ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⴰⴷⵔⵡⵉⵏ ⵉⴹⵕⵏ, ⴷ ⵜⵡⵉⵙⵉⵡⵉⵏ ⵉⵜⵜⵓⵙⵡⴰⵍⴰⵏ ⵉ ⵉⴼⵍⵍⴰⵃⵏ  ⴷ ⵉⵙⴱⴱⴰⴱⵏ ⵏ ⵡⴰⵛⵜⴰⵍ ⴷ ⵓⴱⵀⵀⵉⵜ ⵏ ⵉⵙⵖⵍⵍⴰⵜⵏ ⴷ ⵡⴰⵍⵍⴰⵙ ⵏ ⵓⵙⵖⵔⵜ ⵏ ⵜⵓⵚⴽⵉⵡⵉⵏ ⵜⵉⴷⵙⵍⴰⵏⵉⵏ ⵏ ⵉⴱⵔⴷⴰⵏ ⴷ ⵉⵥⴹⵡⴰⵏ ⵏ ⵓⵙⵡⵓⴷⴷⵓ ⵏ ⵡⴰⵎⴰⵏ.

ⴳ ⵓⵙⴰⵜⵉ ⴰ ⴰⵔ ⵉⵜⵣⵎⵎⴰⵎ ⵓⵙⵇⵇⵉⵎ ⴰⵏⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⴰⵔ ⵜⵜⴰⵊⵊⴰ ⵜⴰⵖⵜⴰⵙⵜ ⴰ  ⴰⵎⵓⵜⵜⵉ ⵣⵉ ⵓⴽⵛⵛⵓⵎ ⵏ ⵓⵙⵉⵍⵖ ⵖⵔ ⵜⵎⵢⴰⴷⴰⵙⵜ ⵉⴱⴷⴷⴰⵏ ⵅⴼ ⵉⵣⵔⴼⴰⵏ, ⵜⴳ ⵣⵉ ⵉⴱⵓⵀⵢⵜⵏ ⵉⴷ ⴱⴰⴱ ⵏ ⵉⵣⵔⴼⴰⵏ ⵏⵏⴰ ⵎⵉ ⵉⵅⵚⵚⴰ ⵡⴰⵔⴰⵢ ⴷ ⵓⵙⴽⵜⵔ ⵏ ⵓⵎⴰⵍⴰⴷ.
ⵓⵔ ⴰⵙ ⵉⵣⵔⵉ ⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ  ⴰⴷ ⵉⵙⴷⴻⴷ ⴳ ⵉⵙⵖⵍⴰⴼ ⵏ ⵉⵎⵙⴳⵔⴰⵜⵏ ⵙ ⵓⵙⵓⵖⵏ ⵏ ⵡⴰⵡⴰⵢ ⵏ ⴱⵄⵄⵉⵜ ⵉ ⵡⴰⴷⴷⴰⴷⵏ ⵉⵎⵍⵍⵖⴰⵜⵏ ⴷ ⵜⴰⴷⴷⵔⵡⵉⵏ ⵉⴹⵕⵏ ⵏⵏⴰ ⵉⵍⵍⴰⵏ ⴳ ⵜⴳⵔⴰⵡⵉⵏ ⴷ ⵜⵎⵏⴰⴹⵉⵏ ⵏⵏⴰ ⵓⵔ ⵉⴽⵛⵉⵎⵏ ⴰⵏⵙⴰ ⴰⵊⵖⵔⴰⴼⵉ ⵏ ⵜⵙⴳⵉⵡⵉⵏ ⵏⵏⴰ ⵉⵜⵜⵓⵣⵓⵢⵜⵏ “ⵜⵉⵎⵏⴰⴹⵉⵏ ⵏ ⵓⴱⵓⵀⵢⵜ” ⴷ ⴰⵡⴷ ⴰⵥⵢⵢⵕ ⵅⴼ ⵜⵎⵖⵔⵜ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵙ ⵜⴰⵍⵖⴰ ⵉⵛⵏⴰⵏ, ⴷ ⵓⵙⴷⵓⵙ ⵏ ⵜⵥⴹⴰⵕⵜ ⵅⴼ ⵓⴷⵄⴰⵏ ⴷ ⵓⴹⴰⴽⴰⵍ ⵏ ⵜⵔⴰⵔⵉⵜ ⵏ ⵜⵎⵏⴰⴹⵉⵏ  ⵉⵟⵟⵓⵟⵟⴰⵙⵏ ⴰ ⵜⴰⵥⴹⴰⵕⵜ ⵏ ⵜⵓⴷⵔⵜ ⴳ ⵜⴼⴰⴷⵉⵡⵉⵏ ⵉⵜⵜⴰⵔⵉⵏ ⵓⴷⴷⵓⵔ ⴰⵏⴼⴳⴰⵏ ⴰⵔ ⵉⵜⵜⵙⴱⴷⴷⴰ ⵜⴰⵣⵔⴼⵜ ⵜⴰⴼⵔⴽⴰⵏⵜ.

ⵏⵥⴹⴰⵔ ⴰⵏⵣⵎⵎⴻⵎ ⵎⴰ ⴰⵙ ⵜⴳⴰ ⵜⵎⵢⴰⴷⴰⵙⵜ ⴰ ⵏⵏⴰ ⵉⵙⵙⵎⵔⵙ ⵍⵎⵖⵔⵉⴱ ⴳ ⵓⵙⵙⵓⴷⵙ ⵏⵏⵙ ⵉ ⵉⵏⴳⴰⵢⵏ ⴰⵔ ⵉⵜⵜⵎⵙⴰⵙⴰ ⴷ ⵉⵍⵓⴳⵏⵏ ⵉⴳⵔⴰⵖⵍⴰⵏⵏ ⵉⵣⴷⵉⵏ ⴷ ⵓⵙⵡⵓⴷⴷⵓ  ⵏ ⵉⵎⴷⵊⴰⵏ , ⵍⵓⵎⵎⵏ ⴰⵙⴰⵜⵉ ⵏ “ⵙⵏⴷⴰⵢ” ⵏ ⵡⴰⵔⴰⵢ ⵣⵉ ⵉⵎⵉⵣⴰⵏ ⵏ ⵉⵎⴷⵊⴰⵏ (2015-2030).

ⵢⵉⵡⴷ ⵓⵙⵇⵇⵉⵎ ⴳ ⵜⵉⴹⴰⴼ ⵏⵏⵙ ⴷ ⵓⵙⵓⵜⴳ ⵏⵏⵙ ⵎⴰ ⴰⵙ ⵉⴳⴰ ⵓⵙⵡⵓⴷⴷⵓ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵉ ⵉⵏⴳⴰⵢⵏ ⵏ ⵏ ⴽⴽⵓⵥ ⵏ ⵜⵙⴳⵉⵡⵉⵏ ⵉⵟⵟⵓⵟⵟⴰⵙⵏ ⵓⴳⴰⵔⵏ, ⵉⵙⵙⴹⵔⴰ  ⴰⵍⴰⵢ ⵉⴱⴰⵢⵏ  ⵉⵥⵍⵉⵏ ⵙ ⵜⵙⵖⵣⵏⵜ ⵏ ⵉⵍⵓⴳⵏⵏ ⵉⴳⵔⴰⵖⵍⴰⵏⵏ ⴷ ⵜⵎⵢⴰⴷⴰⵙⵜ ⵉⴱⴷⴷⴰⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⵙⵎⵉ ⵏ ⵓⵙⴰⴷⵎⵔ ⴰⵎⵄⴰⵍⵉ ⵏ ⵉⵎⴷⵊⴰⵏ ⴰⴳⴰⵎⴰⵏ ⴳ ⵓⵙⵡⵉⵔ ⵅⴼ ⵜⵓⵚⴽⴰ ⵏ ⵎⵏⵏⴰⵡ ⵏ ⵜⵎⵀⴰⵍⵉⵏ ⵏ ⵓⴽⵛⵛⵓⵎ, ⵏⵖⴷ ⵅⴼ ⵜⵎⵓⵣⴰⵜⵉⵏ ⴷ ⵜⵔⵎⵉⵜⵉⵏ ⵏⵏⴰ ⵉⵙⵎⵓⵏ ⵏⵏⴰ ⵜⵙⵖⵔⵔⵎⵏⵜ ⵜⵏⴱⴰⴹⵉⵏ ⴳ ⵓⵙⵡⵓⴷⴷⵓ ⵉⵎⴷⵊⴰⵏ ⴰⴳⴰⵎⴰⵏ.