ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴷⵔⴰ-ⵜⴰⴼⵉⵍⴰⵍⵜ ⵢⴰⵜ ⵜⵉⵏⴰⵡⵜ ⵅⴼ "ⴰⵏⴱⴰⴹ ⴰⵎⵓⵔⴰⵏ ⴷ ⵉⵎⵙⴰⵔⴰⵙⵏ ⵏ ⵜⴳⵎⵉ ⴳ ⵜⵎⵏⴰⴹⵜ.. 

ⵜⴰⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵔⵓⵙ ⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ", ⴰⵙⵙ ⵏ ⵓⴽⵡⴰⵙ 20 ⴽⵟⵓⴱⵕ 2022 ⵙⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ ⴷ ⵓⵣⴳⵏ ⵏ ⵜⵉⴼⴰⵡⵜ ⴳ ⵜⴳⴰⴷⵉⵔⵜ ⵏ ⵉⵏⵎⵓⵇⵇⴰⵔⵏ ⴳ ⵡⴰⵔⵣⴰⵣⴰⵜ . ⵢⴰⵎⵓ ⵓⵙⵏⵎⴰⵍⴰ ⵏ ⵡⴰⵙⵙ ⴰⴷ ⴰⵣⵔⴰⵡⴰⵏ ⴳ ⵓⵙⴰⵜⵉ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴳⴳⵯⴰⵙ ⵏ 2022 ⵙ ⵓⵕⵥⵥⵓⵎ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⴷ ⵓⵏⵊⵎⵓ ⵉⵙⵡⵓⵜⵜⵙⵏ ⴰⵙⴼⵔⴽ ⵏ ⵉⵙⵇⵇⵉⵎⵏ ⵉⴳⵔⴰⵡⴰⵏⵏ ⵙ ⵡⴰⴷⴷⵓⵔ ⵏ ⵓⵙⵎⵓⵜⵜⴳ ⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⴱⴷⴷⵏⵉⵏ ⵅⴼ ⵜⵎⵢⴰⴷⴰⵙⵜ ⵜⴰⵣⵔⴼⴰⵏⵜ ⴳ ⵢⵉⴳⵔ ⵏ ⵜⴳⵎⵉ ⴷ ⵓⵙⵓⵖⵏ ⵏ ⵜⵡⵓⵔⵉ ⵅⴼ ⵓⵣⵔⴰⵢ ⵏ ⵜⵓⴳⵜ ⵏ ⵉⵏⵎⵔⴰⵏ ⵎⵏⴰⵍⴰⵏⵉⵏ ⴰⵏⴱⴰⴹ ⴰⵎⵓⵔⴰⵏ. ⵔⴰⴷ ⵎⵔⴰⵔⴰⵏ ⵉⵎⴷⵔⴰⵡⵏ ⵉⵎⵔⵙⵉ ⵓⵏⴱⴰⴹ ⴰⵎⵓⵔⴰⵏ ⴳ ⵜⵎⵏⴰⴹⵜ ⵙⴳ ⴽⵉⴳⴰⵏ ⵏ ⵉⵙⴳⵓⵎⵏ, ⵙⴳⵉⵙⵏ : "ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⴳⵔⴰⵡⵉⵏ: ⴰⵏⴰⵎⴽ ⴷ ⵉⵙⵓⵖⴰⴷ ⴷ ⵓⵙⵉⴷⴼ ⵏ ⵓⵏⴱⴰⴹ ⴰⵎⵓⴼⴰⵢ"; "ⴰⵏⴱⴰⴹ ⴰⵎⵓⵔⴰⵏ: ⵜⴰⵎⵢⴰⴷⴰⵙⵜ ⵜⴰⵣⵔⴼⴰⵏⵜ ⴷ ⵜⴱⵔⵉⴷⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴰⵔⴰⵢⵜ ⴷ ⵓⵙⵖⵉⵡⵙ"; "ⴰⵏⴱⴰⴹ ⴰⵎⵓⵔⴰⵏ, ⵉⵎⴰⵙⵙⵏ ⴷ ⵓⵙⵇⵙⵉ ⵏ ⵓⵣⵔⴼ ⴳ ⵜⴳⵎⵉ ⴳ ⵜⵎⵏⴰⴹⵜ ⵏ ⴷⵔⴰ-ⵜⴰⴼⵉⵍⴰⵍⵜ"; ⴷ ⵓⵍⴰ "ⴰⵙⵎⵏⵉⴷ ⵏ ⵜⵉⵔⵎⵉⵜⵉⵏ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵅⴼ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵜⴰⵣⵔⴼⴰⵏⵜ ⴳ ⵉⵖⴰⵡⴰⵙⵏ ⵏ ⵜⵡⵓⵔⵉ". ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵔⴰⴷ ⵢⵉⵙⴰⵏ ⵡⴰⵙⵙ ⴰⴷ ⴰⵣⵔⴰⵡⴰⵏ ⵜⴰⴷⵔⴰⵡⵜ ⵏ ⵉⴳⵏⵙⴰⵙⵏ ⵏ ⵜⵣⵓⵏⴰ ⵜⵓⵏⴱⵉⴹⵉⵏ ⴷ ⵜⴰⵔⵓⵏⴱⵉⴹⵉⵏ ⴷ ⵉⵏⵙⵙⵉⵅⴼⵏ ⵏ ⵜⴳⵔⴰⵡⵉⵏ ⴷ ⵉⵏⵎⵀⴰⵍⵏ ⵏ ⵜⵏⵓⴼⴰ ⴷ ⵉⵏⵙⵙⵉⵅⴼⵏ ⵏ ⵉⵏⴳⵎⴰⵎⵏ ⵏ ⵉⵙⴽⵉⵍ ⴷ ⵓⵏⴳⵉⴷⴷⵉ ⵏ ⵉⵣⵎⴰⵣ ⴷ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴷ ⵉⵙⵍⵎⴰⴷⵏ ⵉⵎⵙⴷⴰⵡⵏ ⴷ ⵉⵎⴳⴳⴰⵢⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵉⵣⵔⴼⴰⵏⵏ, ⴷ ⵓⵍⴰ ⵉⴳⵏⵙⴰⵙ ⵏ ⵉⵎⴰⵙⵙⵏ ⵏ ⵓⵙⵏⵖⵎⵙ