ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ-ⴰⵙⴼⵉ ⵜⴰⵙⵎⵓⵏⵉ ⵏⵏⵙ ⵜⵓⵏⵣⵉⵍⵜ ⵜⵉⵙ ⵚⴹⵉⵚⵜ ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵏ ⵓⵙⵍⴳⵏ 76.15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ ⵜⵉⵙ 36 ⵙⴳ ⵓⵏⴰⴳⵔⴰⵡ ⵏⵏⵙ ⴰⴳⵯⵏⵙⴰⵏ, ⵎⴰⵢⴰ ⵏⵏ ⴰⵙⵙ ⵏ ⵓⵚⵉⴹⵢⴰⵙ 22 ⴽⵟⵓⴱⵕ 2022 ⵙⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ ⵏ ⵜⵉⴼⴰⵡⵜ (10.00) ⴳ ⵓⵙⵏⵙⵓ ⴽⵉⵏⵣⵉ ⵕⵓⵥ ⴳⴰⵔⴷⵏ ⴳ ⵎⵕⵕⴰⴽⵛ. ⵢⴰⵎⵓ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵎⵓⵏⵉ ⴰⴷ; ⴰⵙⵎⵏⵉⴷ ⵏ ⵜⵎⴰⵖⵓⵏⵜ ⵏ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵉⵏⴳⵔ ⵜⵙⵓⵜⵍⵉⵏ ⵙ ⵙⵏⴰⵜ; ⴰⵙⵎⵏⵉⴷ ⵏ ⵓⵙⵖⵏⵓ ⴰⵎⵣⵡⴰⵔⵓ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⴳ ⵓⵙⴳⴳⵯⴰⵙ ⵏ 2023 ⵉⵍⵎⵎⴰ ⴰⵙⵖⵣⵏ ⵏ ⵉⵙⵖⵏⵓⵜⵏ ⵏ ⵜⴰⵏⴰⴹⵉⵏ ⵜⵉⵙⴳⵓⵎⴰⵏⵉⵏ ⵏⵏⵉ ⵙⵙⵓⵎⵔⵏ ⵉⵏⴳⵎⴰⵎⵏ ⵏ ⵜⵙⵇⵇⵉⵎⵜ. ⴳ ⵉⴳⴳⵉ ⵏ ⵜⵙⵎⵓⵏⵉ ⴰⴷ ⵜⵓⵏⵣⵉⵍⵜ ⵜⵉⵙ ⵚⴹⵉⵚⵜ, ⵔⴰⴷ ⵜⴻⵜⵜⵓⵙⴳⵎⴹ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴰⴽⴷ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵓⵍⴳⵉⵏⵉⵏ ⴷ ⵜⵏⴰⵎⵓⵏⵉⵏ ⴳ ⵎⵕⵕⴰⴽⵛ, ⵏⵏⵉ ⵉⵙⵡⵓⵜⵜⵙⵏ ⴰⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵛⵛⴰⵕⵏⵉⵏ ⵉⵥⵍⵉⵏ ⵙ ⵓⵙⵎⵍ ⵙ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵎⴰⵙⵙⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵏⵏⵉ ⴷ ⴷⴰⵔ ⴰⵣⴷⴰⵢ, ⴰⵙⵡⵓⵔⵉ ⵅⴼ ⵓⵣⵓⵣⵣⵔ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⴰⴹ ⴰⵎⵇⵇⵔⴰⵏ, ⴰⵎⵔⴰⵔⴰ ⵏ ⵜⵎⵓⵣⴰⵢⵉⵏ ⴷ ⵓⵎⵍⴰⵏ ⴷ ⵡⴰⵔⵔⴰⵜⵏ ⴷ ⵜⵥⵕⵉⴳⵉⵏ, ⴷ ⵓⴳⴳⴰⵔ. ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵜⴻⵜⵜⵡⴰⵙⵏⴰⵢ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵜⵎⵏⴰⴹⵜ ⵏ ⵎⵕⵕⴰⴽⵛ-ⴰⵙⴼⵉ, ⵏⵏⵉ ⵉⵜⵜⵓⵙⵏⵎⵍⵏ ⴳ 22 ⴽⵟⵓⴱⵕ 2020, ⵙⴳ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵏ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵏ ⵓⴹⴼⴼⵓⵕ ⴷ ⵓⵙⵓⵜⴳ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⵏⵎⴹⴰⵏⵏ. (ⵉ ⵓⵎⵢⴰⵡⴰⴹ : 05-24-42-05-78)