ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ-ⴰⵙⴼⵉ, ⵙ ⵓⵣⴷⴰⵢ ⴰⴽⴷ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴳ ⵜⵎⵏⴰⴹⵜ, ⵢⴰⵏ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵉ ⵜⵖⵓⵔⵉ ⵏ ⵜⵓⵎⴰⵢⵉⵏ ⵏ ⵜⴰⵏⴰⴹⵜ ⵜⴰⵙⴳⵓⵎⴰⵏⵜ ⵏⵏⴰ ⴷ ⵉⵙⵙⴰⴼⵖ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ "ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ ⴳ ⵍⵎⵖⵔⵉⴱ .. ⵉⵏⴰⵥⴰⵕⵏ ⴷ ⵉⵎⵙⴰⵔⴰⵙⵏ ⴷ ⵉⵙⴰⴷⴰⴼⵏ ⵏ ⵓⵙⴷⵓⵙ", ⴰⵙⵙ ⵏ ⵓⵙⵉⵡⴰⵙ 21 ⴽⵟⵓⴱⵕ 2022 ⵙⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ ⵏ ⵜⵉⴼⴰⵡⵜ, ⴳ ⵓⵙⵙⵏⵙⵓ ⴽⵉⵏⵣⵉ ⵕⵓⵥ ⴳⴰⵔⴷⵏ ⴳ ⵎⵕⵕⴰⴽⵛ. ⵉⵙⵡⵓⵜⵜⵙ ⵓⵏⵎⵓⵇⵇⴰⵔ ⴰⴷ ⴰⵏⵎⵏⴰⴹ ⴰⴱⵟⵟⵓ ⵏ ⵜⵢⴰⴼⵓⵜⵉⵏ ⴷ ⵉⵙⵖⵍⴰⴼ ⵏ ⵜⴰⵏⴰⴹⵜ ⴰⴷⵜⴰⵙⴳⵓⵎⴰⵏⵜ ⴰⴽⴷ ⵇⴰⵃ ⵉⵎⴳⴳⴰⵢⵏ ⵏⵜⴰⵢⵏⵉⵏ ⵙ ⵜⵣⵓⵏⵉ ⵏ ⵜⴷⵓⵙⵉ, ⴰⴼⴰⴷ ⴰⴷ ⴼⵍⵍⴰⵙ ⵉⵜⵜⵓⴳⴰ ⵓⵎⴹⴰⴽⴰⵕ ⴷ ⵜⴷⵔⴰⵡⵜ, ⴽⵓ ⵢⴰⵏ ⵙⴳ ⵡⴰⵏⵙⴰ ⵏⵏⵙ, ⴳ ⵓⵎⵏⴰⵍⴰ ⵏ ⵉⵏⵏⴳⵣⵉⵜⵏ ⵓⵚⴽⵉⵡⵏ ⴷ ⵓⵙⵖⵍⵍⴰ ⵏ ⵉⵣⵎⴰⵣ ⵉⵎⵣⵔⴰⵢⵏ ⵏⵏⴰ ⴷ ⵉⴼⵍ ⵓⴱⴰⵢⵢⵓⵕ ⵙ ⵓⵙⵔⵓⵙ ⵏ ⵉⵙⵏⴼⵍⵏ ⵉⵎⴰⵡⴰⵏⵏ ⴳ ⵓⵏⴰⴳⵔⴰⵡ ⴰⴷⵓⵙⴰⵏ ⵏⵏⵉ ⵉⴳⴰⵏ ⵜⴰⵏⴰⴼⵓⵜ ⵜⴰⴳⴷⵓⴷⴰⵏⵜ ⵉⵍⵍⴰⵏ ⴳ ⵜⵓⵥⵥⵓⵎⵜ ⵏ ⵓⴼⵔⴰⴳ ⵏ ⵜⵏⴼⵔⵓⵜ ⴷ ⵓⵏⴱⴰⴹ ⴰⵏⴰⵎⵓⵔ. ⵔⴰⴷ ⵉⵜⵜⵡⴰⵙⵙⴰⵏ ⵓⵏⵎⵓⵇⵇⴰⵔ ⴰⴷ ⴰⵏⵎⵏⴰⴹ ⵙ ⵜⵉⵍⵉⵜ ⵏ ⴽⵉⴳⴰⵏ ⵏ ⵉⵎⴳⴳⴰⵢⵏ ⵏⵜⴰⵢⵏⵉⵏ ⵣⵓⵏⴷ ⴰⵏⵎⵀⴰⵍ ⴰⵏⵎⵏⴰⴹ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵉⵎⴰⵔⵉⵜⵏ ⵉⵏⵎⵏⴰⴹⵏ, ⴰⵏⵎⵀⴰⵍ ⴰⵏⵎⵏⴰⴹ ⴷ ⵉⵏⵎⵀⴰⵍⵏ ⵏ ⵜⵎⵔⵙⴰⵍ ⵜⵉⵎⵖⵣⵓⵜⵉⵏ ⴳ ⵜⵎⵏⴰⴹⵜ ⴷ ⵉⵎⵙⴳⵏⴰⴼⵏ ⵏⵏⵉ ⴳⵉⵙⵏⵜ ⵉⵙⵡⵓⵔⵉⵏ, ⵉⵙⵍⵎⴰⴷⵏ ⵉⵎⵔⵣⵓⵜⵏ ⴳ ⵢⵉⴳⵔ ⵏ ⵜⴷⵓⵙⵉ ⴷ ⵜⴷⵓⵙⵉ ⵜⴰⵏⵉⵎⴰⵏⵜ ⵉⵎⵥⵍⴰⵢⵏ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⵏ ⵜⴷⵓⵙⵉ ⴷ ⵓⵍⴰ ⵉⵎⴳⴳⴰⵢⵏ ⵏ ⵡⴰⵎⵓⵏ ⵓⵖⵔⵉⵎ ⵙⵡⵓⵔⵉⵏⵉⵏ ⵅⴼ ⵢⵉⴳⵔ ⵏ ⵜⴷⵓⵙⵉ. ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵢⴰⵎⵓ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⵥⵍⵉⵏⵉⵏ ⵙ ⵓⴼⵙⵔ ⵏ ⵜⴰⵏⴰⴹⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ "ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ", ⵉⵙⵡⵓⵜⵜⵙⵏ ⴰⵙⴼⵔⴽ ⵙ ⵉⵏⵏⴳⵣⵉⵜⵏ ⴷ ⵉⵏⵎⵔⴰⵏ ⵏ ⵓⵙⵉⴷⴼ ⵙ ⵓⵣⵔⴼ ⴳ ⵜⴷⵓⵙⵉ ⴷ ⵜⵙⵓⵎⵔⵜ ⵏ ⵉⵙⴰⴷⴰⴼⵏ ⵏ ⵓⵣⵔⴰⵢ ⵏⵏⵙⵏ, ⵓⵔ ⴷ ⵅⵙ ⵙⴳ ⵉⴹⵕⵉⵚⵏ ⵓⵍⴳⵉⵏⵏ ⵉⵜⵜⵏⴼⵔⵓⵏ ⴰⵣⵔⴼ ⴳ ⵜⴷⵓⵙⵉ, ⵎⴰⵛ ⴰⵡⴷ ⵙ ⵓⵔⵣⵣⵓ ⵅⴼ ⵉⵣⴰⴽⴰⵏ ⵣⴷⵉⵏⵉⵏ ⵙ ⵉⴼⵔⴷⵉⵙⵏ ⵏⵜⵍⵏⵉⵏ ⵉ ⵓⵣⵔⴼ ⴳ ⵜⴷⵓⵙⵉ, ⵙⵍⴰⵡⴰⵏ ⴰⴽⴽⵯ ⵉⵣⴰⴽⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ. ⵉ ⵓⵎⵢⴰⵡⴰⴹ : (05-24-42-05-87)