ⵎⵕⵕⴰⴽⵛ-ⴰⵙⴼⵉ: ⵜⴰⵙⴰⵡⵔⵜ ⵜⴰⵎⵢⴰⵖⵜ ⵅⴼ "ⵉⵎⴰⵙⵙⵏ ⵏ ⵓⵎⴷⴰⵢ ⴳ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ" ⵙ ⵓⵙⴼⵓⴳⵍⵓ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵏⵏⴰ ⵙ ⵉⵙⴼⵓⴳⵍⵓ ⵓⵎⴰⴹⴰⵍ ⴳ 3 ⴷⵓⵊⴰⵏⴱⵉⵔ ⵏ ⴽⵓ ⴰⵙⴳⴳⵯⴰⵙ, ⴰⵔ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏⵓⴼⴳⴰⵏ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ - ⴰⵙⴼⵉ ⵢⴰⵜ ⵜⵙⴰⵡⵔⵜ ⵜⴰⵎⵢⴰⵖⵜ ⵅⴼ ⵉⵎⵔⵙⵉ "ⵉⵎⴰⵙⵙⵏ ⵏ ⵓⵎⴷⴰⵢ ⴳ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ", ⵎⴰⵢⴰ ⵏⵏ ⴰⵙⵙ ⵏ ⵓⵚⵉⴹⵢⴰⵙ 3 ⴷⵓⵊⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⴳ ⵎⵕⵕⴰⴽⵛ. ⵜⵙⵡⵓⵜⵜⵙ ⵜⵙⴰⵡⵔⵜ ⴰⴷ ⵜⴰⵎⵢⴰⵖⵜ ⴰⵎⵙⴳⴷⴰⵍ ⵅⴼ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵎⴽⴷⴰ ⵙ ⵜⵜⵢⴰⵔⴰⵏ ⴳ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ, ⵍⵓⵎⵎⵏ ⵎⴰⴷ ⵉⵥⵍⵉⵏ ⵙ ⵉⵙⵡⴰⵍⴰⵜⵏ ⴷ ⵜⵙⵜⵔⴰⵜⵉⵊⵉⵜⵉⵏ ⵛⵛⴰⵕⵏⵉⵏ ⵉⵏⴳⵔ ⵜⵣⵓⵏⴰ ⵜⵓⵏⴱⵉⴹⵉⵏ, ⴷ ⵓⵍⴰ ⴰⵙⵙⵓⵊⴷ ⵏ ⵉⵎⴰⵙⵙⵏ ⵉⵙⵉⵎⴰⵏⵏ ⵏ ⵓⵎⴷⴰⵢ ⵉ ⵉⵙⵎⵉⵍ ⴰⴷ, ⴷ ⵜⵓⵙⵙⵏⴰ ⵏ ⵜⵉⵍⴰⵍⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵉⵎⵉⵙ ⴰⵏⴰⵎⵓⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵏⵏⵉ ⵉⴳⴰⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵜⴰⵏⵙⵉⵎⴰⵏⵜ ⵏ ⵓⵎⴷⴰⵢ ⴷ ⵓⴼⵔⴰⴳ; ⴷ ⵓⵙⴷⵓⵙ ⵏ ⵓⴼⵔⴰⴽ ⵖ ⴷⴰⵔ ⵉⵙⵓⵜⴰⵢ ⵏ ⵜⵎⵙⵎⵓⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵓⵎⴷⴰⵢ ⴰⵏⵙⵉⵎⴰⵏ ⵅⴼ ⵜⴷⵔⴰⵡⵜ ⴳ ⵜⵏⴼⵔⵓⵜ ⵏ ⵉⵣⵔⴼⴰⵏ ⵏⵏⵙⵏ ⴷ ⵓⵍⴰ ⴰⵔⵎⴰⵙ ⵉⵖⵓⴷⴰⵏ ⵉ ⵜⵡⵉⵍⴰⵜⵉⵏ ⵏ ⵓⵙⵏⵓⵃⵢⵓ ⴳⴳⵓⵜⵏⵉⵏ ⵏⵏⵉ ⵉⵣⵎⵔⵏ ⴰⴷ ⵜⵏ ⴰⵡⴹⵏⵜ. ⵎⴽⴷⴰ ⵔⴰⴷ ⵙⵡⵓⵔⵉⵏ ⵉⵎⴷⵔⴰⵡⵏ ⵅⴼ ⵓⵎⵔⴰⵔⴰ ⵏ ⵓⵎⵍⴰⵏ ⴷ ⵜⵉⵔⵎⵉⵜⵉⵏ ⵅⴼ ⵜⵎⴰⵎⴽⵜ ⵏ ⵜⴷⵔⴰⵡⵜ ⵏ ⵜⵎⵙⵎⵓⵏⵉⵏ ⵏⵜⴰⵢⵏⵉⵏ ⴷ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ ⴳ ⵓⵙⵎⵓⵜⵜⴳ ⵏ ⵜⴰⵏⴰⴹⵉⵏ ⵜⵉⵎⵙⴷⴰⵖⵉⵏ ⵜⵉⵖⵣⵓⵔⴰⵏⵉⵏ ⵏⵉⵖ ⵜⵉⵙⴳⵓⵎⴰⵏⵉⵏ ⵏⵉⵖ ⵜⵉⵏⵊⵎⵓⵜⵉⵏ, ⴰⴼⴰⴷ ⴰⴷ ⵜⵜⵡⴰⴼⵔⴰⴳⵏ ⵉⵣⵔⴼⴰⵏ ⵏⵏⵙⵏ ⵇⴰⵃ ⵙ ⵓⵎⵙⴰⵙⴰ ⴰⴽⴷ ⵜⵎⵢⴰⵇⵇⴰⵏⵜ, ⴷ ⵓⵙⵙⵡⵀⵏ ⵏ ⵓⵡⴰⴹ ⵙ ⵉⵎⴰⵙⵙⵏ ⵏ ⵓⵙⵎⴰⵎⵎⵉ ⴷ ⵓⵎⴷⴰⵢ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⴰⴷ, ⵍⵓⵎⵎⵏ ⴳ ⵓⵙⵎⵓⵏ ⵏ ⵜⵎⵓⵛⴰ. ⵎⴽⴷⴰ ⵜⵙⵡⵓⵜⵜⵙ ⵜⵙⴰⵡⵔⵜ ⴰⴷ ⴰⵎⵙⴳⴷⴰⵍ ⵏ ⵓⵔⵎⴰⵙ ⵉⵖⵓⴷⴰⵏ ⵉ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⴱⵕⵓⵜⵓⴽⵓⵍ ⴰⵔⵓⵛⵛⵉⵍ ⴷ ⵡⴰⴷⴷⵓⵔ ⵏ ⵓⵎⴷⴰⵢ, ⴰⵢⵍⵍⵉ ⵔⴰⴷ ⵉⵙⴱⵓⵖⵍⵓ ⴰⵙⴷⵓⵙ ⵏ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵉⵙⵎⵉⵍ ⴰⴷ ⴷ ⵜⵣⵎⵔⵜ ⵏⵏⵙⵏ ⵅⴼ ⵓⵎⴷⴰⵢ ⵏ ⵜⵎⵢⴰⵇⵇⴰⵏⵜ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⵙⴷⵓⵙ ⵏ ⵜⵓⵙⵙⵏⴰ ⵏ ⵜⵏⵓⵔⵣⵉⵜ ⵙ ⵓⵎⵙⴰⵙⴰ ⴰⴽⴷ ⵉⵙⵡⴰⵍⴰⵜⵏ ⵏ ⵓⴱⵕⵓⵜⵓⴽⵓⵍ ⴰⵔⵓⵛⵛⵉⵍ ⴷ ⵓⵙⵡⵓⵜⵜⵙ ⵏ ⵜⵙⵏⵜⴰⵢⵉⵏ ⵜⵉⵏⵎⵏⴰⴹⵉⵏ ⴳ ⵎⴰⴷ ⵉⵥⵍⵉⵏ ⵙ ⵓⵎⴷⴰⵢ ⴰⵏⵙⵉⵎⴰⵏ ⴷ ⵜⴷⵔⴰⵡⵜ ⵏⵏⵙ, ⴷ ⵓⵍⴰ ⴰⵙⴷⵓⵙ ⵏ ⵓⵣⴷⴰⵢ ⴰⴽⴷ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵓⵙⴷⵓⵙ ⵏ ⵜⵣⵎⵎⴰⵔ ⴳ ⵢⵉⴳⵔ ⵏ ⵓⵎⴷⴰⵢ ⴷ ⵓⵙⵓⴷⵓⵙ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵏⵎⵏⴰⴹ. ⵉ ⵓⵎⵢⴰⵡⴰⴹ ⵙ ⵜⴰⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ - ⴰⵙⴼⵉ: 0524420587 ⵏⵉⵖ ⵙ ⵜⵡⴰⵙⴰⵢⵜ ⵜⴰⵍⵉⴽⵟⵕⵓⵏⵉⵜ : crdh.marrakech-safi@cndh.org.ma