ⵙ ⵓⵎⵙⴰⵙⴰ ⴰⴽⴷ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵜⵜⵓⵙⴹⵕⵚⵏ ⴳ ⵓⵙⵍⴳⵏ 76.15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏⵏⵙ, ⵍⵓⵎⵎⵏ ⵜⵉⵎⵜⵜⴰ ⵙⴳ 13 ⴰⵔ 17, ⴷ ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ ⵏ ⵓⴱⵕⵓⵜⵓⴽⵓⵍ ⴰⵔⵓⵛⵛⵉⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵓⵙⵔⴼⵓⴼⵏ ⵙⴳ ⵓⵙⵔⴼⵓⴼⵏ ⴷ ⵡⴰⵏⴰⵡⵏ ⵢⴰⴹⵏⵉⵏ ⵏ ⵓⵎⵔⵔⵜ ⵏⵉⵖ ⵜⴰⵎⵔⵔⵓⵜ ⵏ ⵓⴷⵔⵡⵙ, ⵜⴰⵔⵜⵏⴼⴳⴰⵏⵜ ⵏⵉⵖ ⴰⵎⵔⵎⴷ (ⵜⵉⵎⵜⵜⴰⵡⵉⵏ 17 ar 23) ⵏⵏⵉ ⴳ ⵢⴰⵎⵓ ⵍⵎⵖⵔⵉⴱ ⴳ 24 ⵏⵓⵡⴰⵏⴱⵉⵔ 2014, ⵉⴳⴰ ⵢⴰⵏ ⵓⴽⴰⴱⴰⵔ ⵏ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ, ⴳ ⵜⵉⵣⵉ ⵜⴰⵣⴳⵔⴰⵔⵜ ⵢⵓⵎⵥⵏ ⵙⴳ 27 ⴱⵕⴰⵢⵕ ⴰⵔ 2 ⵎⴰⵕⵚ 2023, ⴽⵉⴳⴰⵏ ⵏ ⵉⵔⵣⴰⴼⵏ ⵏ ⵡⴰⵔⴰⵢ ⵙ ⵙⵎⵎⵓⵙ ⵏ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ ⴳ ⵜⵎⵏⴰⴹⵜ ⵏ ⵍⵄⵢⵓⵏ-ⵙⵙⴰⵇⵢⴰ ⵍⵃⵎⵕⴰ: - ⴰⵖⵣⵓ ⴰⴷⵖⵔⴰⵏ ⵏ ⵙⵙⵎⴰⵕⴰ ; - ⵜⴰⵎⵏⴰⴹⵜ ⵜⴰⵙⴳⴰⵡⴰⵏⵜ ⵏ ⵜⵏⴼⵔⵓⵜ ⵏ ⵙⵙⵎⴰⵕⴰ ; - ⴰⵎⵎⴰⵙ ⴰⵎⵓⵔⴰⵏ ⵏ ⵜⵊⵉⴹⵕⵎⵜ ⵜⴰⴳⵍⴷⴰⵏⵜ ⴳ ⵙⵙⵎⴰⵕⴰ ; - ⵜⴰⵎⵏⴰⴹⵜ ⵜⴰⵙⴳⴰⵡⴰⵏⵜ ⵏ ⵜⵏⴼⵔⵓⵜ ⴳ ⴱⵓⵊⴹⵓⵕ ; - ⴰⵎⵎⴰⵙ ⴰⵎⵓⵔⴰⵏ ⵏ ⵜⵊⵉⴹⵕⵎⵜ ⵜⴰⴳⵍⴷⴰⵏⵜ ⴳ ⴱⵓⵊⴹⵓⵕ. ⴰⵡⵜⵜⴰⵙ ⵏ ⵉⵔⵣⴰⴼⵏ ⴰⴷ ⵉⴳⴰ ⵜ ⵉⵏⵏⵉⵢ ⵏ ⵓⵙⵓⵔⵙ ⵏ ⵓⴳⴳⵉⴷⵏ ⵉⵜⵜⵓⴼⴰⵜⵉⵢⵏ ⵙⴳ ⵜⴷⵔⴼⵉ ⵏⵏⵙⵏ ⴷ ⵓⵎⵓⴳⴳⵓ ⵏⵏⵉ ⴰⵙⵏ ⵉⵜⵜⵓⴳⴰⵏ, ⵙⴳ ⵢⴰⵜ ⵜⵙⴳⴰ ⴷ ⵜⵎⵙⵓⵜⴰⵍ ⵏ ⵓⵙⵡⵓⵔⵉ ⵏ ⵉⵎⵙⵜⴳⴳⴰⵔⵏ ⵉⵜⵜⵓⵙⵎⴰⴳⵍⵏ ⵙ ⵓⵙⵎⵀⵍ ⵏ ⵓⵙⵍⴳⵏ ⴳ ⵉⴷⵖⴰⵔⵏ ⵙ ⵉⵜⵜⵓⴳⴰ ⵓⵔⵣⴰⴼ, ⴷ ⵓⵍⴰ ⴰⵙⵓⵜⴳ ⵏ ⵉⵙⵡⵓⴷⴷⵓⵜⵏ ⵏⵏⵉ ⴳⴰⵏ ⵉⵎⵙⵜⴳⴳⴰⵔⵏ ⵉ ⵡⴰⵔⴰⵢ ⵙⴳ ⴽⵔⴰ ⵏ ⵜⵡⵓⵔⵉ ⵙⴳ ⵜⵡⵓⵔⵉⵡⵉⵏ ⵏ ⵓⵙⵔⴼⵓⴼⵏ ⵏⵉⵖ ⴰⴷⵔⵡⵙ ⵎⴳⴰⵍ ⵓⴳⴳⵉⴷⵏ ⵉⵜⵜⵓⴼⴰⵜⵉⵢⵏ ⵙⴳ ⵜⴷⵔⴼⵉ ⵏⵏⵙ, ⵙⴳ ⵜⵙⴳⴰ ⵢⴰⴹⵏⵉⵏ, ⵙ ⵓⵡⵇⵇⵔ ⵉⵙⵎⴷⵏ ⵏ ⵓⵣⵔⵉⴼⵏ ⵉⵏⴰⵎⵓⵔⵏ ⵏⵏⵉ ⴷ ⴷⴰⵔ ⴰⵣⴷⴰⵢ ⴷ ⵜⵎⵔⵉⵙⵉⵏ ⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵍⵍⵉⴳ ⵉⵔⵣⴼ ⵙ ⵜⵓⴳⵜ ⵏ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ ⴷ ⵜⵎⵚⵕⵉⵢⵉⵏ ⵏ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴳ ⵉⴷⵖⴰⵔⵏ ⵉⵜⵜⵡⴰⵏⵏⴰⵏ ⵖ ⵓⴼⵍⵍⴰ, ⵉⴳⴰ ⵓⴽⴰⴱⴰⵔ ⴽⵉⴳⴰⵏ ⵏ ⵉⵏⵎⵓⵇⵇⴰⵔⵏ ⴰⴽⴷ ⵡⵉⴷⴰ ⵉⵜⵜⵡⴰⵙⵔⵙⵏⵉⵏ ⴳ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ. ⵎⴽⴷⴰ ⵉⵥⵕⴰ ⴰⵔⵔⴰⵜⵏ ⵏⵏⵉ ⴷ ⴷⴰⵔ ⴰⵣⴷⴰⵢ, ⵉⴳ ⵉⵏⵎⵓⵇⵇⴰⵔⵏ ⴰⴽⴷ ⵉⵎⵙⵜⴳⴳⴰⵔⵏ ⵉⵎⴹⴰⴽⴰⵕⵏ ⴷⵉⴷⵙⵏ ⵅⴼ ⵉⵙⵡⵓⴷⴷⵓⵜⵏ ⵏⵏⵉ ⵉⵣⵎⵔⵏ ⴰⴷ ⵙⵖⵓⴷⵓⵏ ⵜⵉⵎⵙⵓⵜⴰⵍ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ ⴷ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴷ ⵜⵎⵔⵔⵓⵜⵉⵏ ⵏⵉⵖ ⵉⵎⵓⴳⴳⵓⵜⵏ ⴰⵔⵉⵏⴼⴳⴰⵏⵏ. ⵉ ⵓⵙⴽⵜⵉ, ⵉⵙⵎⵏⵉⴷ ⵢⴰⵏ ⵓⴽⴰⴱⴰⵕ ⵏ ⵉⵎⵉⵙ ⴳ ⵉⵍⵍⴰ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵊⵉⴱⴰ, ⴰⵎⵣⴷⴰⵢ ⵏ ⵉⵎⵉⵙ, ⵎⴰⵙⵙⴰ ⵄⴰⵉⵛⴰ ⵏⵏⴰⵚⵉⵕⵉ, ⵜⴰⴳⵎⴰⵎⵜ ⵏ ⵉⵎⵉⵙ, ⴷ ⵉⵎⵙⵜⴳⴳⴰⵔⵏ ⴷ ⵉⵎⵓⵣⴰⵢⵏ ⵉⵜⵜⵓⵙⵎⴰⴳⵍⵏ ⵙ ⵜⵙⵎⵉⴳⴰⵍ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ/ⵉⵎⵉⵙ, ⵜⴰⵏⵏⴰⵢⵉⵏ ⵏⵏⵙ ⴷ ⵉⵙⵖⵍⴰⴼ ⵏⵏⵙ ⵉⵎⵣⵡⵓⵔⴰ ⵏⵏⵉ ⴷ ⴷⴰⵔ ⴰⵣⴷⴰⵢ ⴳ ⵜⴳⵉⵔⴰ ⵏ ⴽⵓ ⴰⵔⵣⴰⴼ.