ⵉⵜⵜⵡⴰⴼⵙⴰⵔ ⴳ
ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵜⴰⵙⵓⵜⵍⵜ ⵏ ⵓⵙⵎⵓⵜⵜⴳ ⵉⵙⵡⵓⵜⵜⵙⵏ ⴰⵙⴷⵓⵙ ⴷ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⵏ ⵉⵎⵙⵖⴰⵏⵏ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜⵜⴰⵏⴰⵎⵓⵔⵜ ⵉⵜⵜⵓⵙⵎⴰⴳⵍⵏ ⵙ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙ ⵜⴷⵔⴼⵉ, ⴳ ⵜⵉⵣⵉ ⵜⴰⵣⴳⵔⴰⵔⵜ ⵙⴳ 26 ⴰⵔ 30 ⵛⵓⵜⴰⵏⴱⵉⵔ 2022 ⴳ ⵓⵙⵉⵏⴰⴳ ⵕⵕⴱⴰⵟ-ⴷⵔⵉⵙ ⴱⵏⵣⴽⵔⵉ- ⵉ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⴷⴷⴰ ⴷ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⴰⴷ ⵏ ⵓⵙⵎⵓⵜⵜⴳ ⴳ ⵓⵙⵎⵀⵍ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴰⵎⵔⵙⴰⵍ ⴳ ⵢⵉⴳⵔ ⵏ ⵓⵙⴰⵏⵓⵏ ⴷ ⵓⵙⴷⵓⵙ ⵏ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵖⴰⵏⵜ ⵏ ⵜⵏⴼⵔⵓⵜ, ⵉⵜⵜⵓⵙⵙⴳⵎⴹⵏ ⴳ 14 ⵛⵓⵜⴰⵏⴱⵉⵔ 2022,
ⵉⵏⴳⵔ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵎⴰⵙⵙ ⵄⴱⴷ ⵍⵍⴰⵟⵉⴼ ⵍⵃⵎⵎⵓⵛⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵓⵎⴰⵜⵔ ⵏ ⵡⴰⵎⵓⵔ ⴰⵏⴰⵎⵓⵔ.
ⵢⴰⵎⵓ ⴳ ⵓⵖⴰⵡⴰⵙ ⵏ ⵜⵙⵓⵜⵍⵜ ⴰⴷ, ⵏⵏⵉ ⵔⴰⴷ ⵙⵙⵓⵜⵉⵢⵏ ⵉⵎⵓⵣⴰⵢⵏ ⴷ ⵉⵙⵓⵜⴰⵢ ⵙⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴽⵉⴳⴰⵏ ⵏ ⵉⵙⴳⵓⵎⵏ ⴷ ⵢⵓⵡⵉⵏ ⵙ ⵓⵎⴰⵜⴰ ⵅⴼ: "ⵉⵣⵔⴼⴰⵏ ⵏ ⵓⴼⴳⴰⵏ, ⵉⵎⵏⵣⴰⵢⵏ ⴷ ⵜⵎⵙⴽⵔⵉⵏ"; "ⵉⵣⵔⴼⴰⵏ ⵏ ⵓⴳⴳⵉⴷⵏ ⵜⵜⵡⴰⵙⵔⵙⵏⵉⵏ ⴷⴷⴰⵡ ⵜⵏⵎⴰⵜⵔⵜ ⵜⵉⵎⵉⵥⵉⵕⵜ"; "ⵉⵏⴳⵎⴰⵎⵏ ⵏ ⵓⵎⴷⴰⵢ ⴷ ⵡⴰⵔⴰⵢ ⴷ ⵓⵙⵎⴰⵎⵎⵉ", ⴷ ⵓⴳⴳⴰⵔ.
ⵉ ⵓⵙⴽⵜⵉ, ⵜⵙⵡⵓⵜⵜⵙ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ, ⵏⵏⴰ ⴳ ⵢⴰⵎⵓ ⴳ ⵓⵙⴰⵜⵉ ⵏⵏⵙ ⵓⵖⴰⵡⴰⵙ ⴰⴷ ⵏ ⵓⵙⵎⵓⵜⵜⴳ, ⴰⵙⴱⵓⵖⵍⵓ ⵏ ⵜⵡⵓⵔⵉ ⵉⵛⵛⴰⵕⵏ ⵉⵏⴳⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏⵓⴼⴳⴰⵏ ⴷ ⵜⵏⵓⴼⴰ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴰⴼⴰⴷ ⴰⴷ ⵜⵉⵍⵉ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴱⵔⵉⴷⵉⵏ ⵏ ⵓⵙⴰⵏⵓⵏ ⴷ ⵓⵙⵎⵓⵜⵜⴳ ⵏ ⵍⴱⵓⵍⵉⵙ ⵃⵎⴰ ⴰⴷ ⴳⵏⵜ ⵜⴰⵙⴰⵖⵓⵍⵜ ⴷ ⵓⵙⵎⵎⴰⵍ ⵉⵙⵙⵓⵜⵉⵢⵏ ⵉ ⵜⵙⵎⵉⴳⴰⵍ ⵏ ⵉⵎⵙⵖⴰⵏⵏ ⵏ ⵜⵏⴼⵔⵓⵜⵜⴰⵏⴰⵎⵓⵔⵜ ⵉⵜⵜⵓⵙⵎⴰⴳⵍⵏ ⵙ ⵓⵣⵣⴳⵉⵔ ⵏ ⵉⵙⵍⴳⵏⵏ, ⴷ ⵡⴰⵏⵏⴰⵍ ⵏ ⵜⵓⴳⴳⴰⵣ ⵏⵏⴰ ⵜⵜⴳⴳⴰ
ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵓⵙⴷⵓⵙ ⵏ ⵜⵎⵙⴽⵔⵉⵏ ⵜⵉⵣⵣⵓⵍⴰⵏⵉⵏ ⴷⵜⴽⵛⵛⵓⵎⵉⵏ ⵏ ⵓⴱⴰⵔⴰⵣ ⵙ ⵓⵙⵏⴰⵍ ⵅⴼ ⵉⵏⴰⵡⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵎⴽⴷⴰ ⵜⵎⵎⴰⵍ ⵜⵎⵢⴰⵇⵇⴰⵏⵜ ⴰⴷ ⵜⴰⴽⵕⵥⵉ ⵉⵛⵛⴰⵕⵏ ⴷ ⵜⵉⵔⴰⵜ ⵉⴷⵓⵙⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵓⴼⴰ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵜⵓⴳⵜ ⵏ ⵉⴳⵔⴰⵏ ⵏ ⵓⵙⴰⵏⵓⵏ, ⵙ ⵉⵙⵡⵉⵔⵏ ⵏⵏⵙ ⵉⴷⵙⵍⴰⵏⵏ ⴷ ⵉⵙⵓⵍⴰⵏⵏ ⴷ ⵉⵎⵥⵍⴰⵢⵏ, ⴷ ⵓⵍⴰ ⴰⴷⴳⴰⵔ ⵏ ⵓⵎⵄⵉⵏⵏ ⵉⵣⵔⴼⴰⵏⵏ ⵏⵏⴰ ⵢⵓⵡⴹ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵎⵀⵍ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏ.
