ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵙⵓⵜⵍⵜ ⵏⵏⵙ ⵜⵓⵏⵣⵉⵍⵜ ⵜⵉⵙ ⵜⵥⴰⵜ, ⵙ ⵜⵉⵍⵉⵜ ⴷ ⵙ ⵜⴰⵜⵉⵇⵏⵉⵜ ⵏ ⵜⵉⵏⴰⵡⵜ ⴳ ⵜⵓⴳⴳⵓⴳⵜ, ⵓⵙⵙⴰⵏ ⵏ 14 ⴷ 15 ⴽⵟⵓⴱⵕ 2022 ⴳ ⵜⵖⵔⵎⵜ ⵏ ⵓⵥⵕⵓ, ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵏ ⵓⵙⵍⴳⵏ ⵓⵟⵟⵓⵏ 76.15 ⵉⵣⴷⵉⵏ ⵙ ⵡⴰⵍⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ. ⵜⵙⵙⵉⴷⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵜⵖⵉⵎⵉⵜ ⴰⴷ ⵏ ⵓⵏⵏⵓⵕⵥⵎ, ⵅⴼ ⵜⴷⵉⵏⴰⵎⵉⵜ ⵉⵙⵡⵓⵜⵜⵙⵏ ⴰⵍⵍⴰⵍ ⵏ ⵉⵏⴰⵥⴰⵕⵏ ⵏ ⵖⵉⵍⴰⴷ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ ⴳ ⵜⵎⴰⵣⵉⵔⵜ ⵏⵏⵖ, ⵜⵙⵙⴽⵜⵉ ⵙ ⵜⵎⴰⵢⵏⵓⵜⵉⵏ ⵏⵏⵉ ⵉⵙⵙⵏ ⵓⵙⵇⵇⵉⵎ ⴳ ⵜⵉⵣⵉ ⵉⴱⴹⴰⵏ ⵉⵏⴳⵔ ⵜⵙⵓⵍⵜⵉⵏ ⵙ ⵙⵏⴰⵜ, ⵍⵍⵉⵖ ⵉⵙⵓⵍ ⵉⵣⴷⵉ ⵜⵉⵍⵉⵜ ⵏⵏⵙ ⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ ⴷ ⵓⵙⴳⴰⵡⴰⵏ, ⴷ ⵙⴳ ⵜⵙⵎⵉⴳⴰⵍ ⵏⵏⵙ ⵏ ⵓⴼⵔⴰⴳ ⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.“ⵜⵉⵎⵔⵙⵍⵜ ⵏⵏⵖ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵉⴳⵎⴰⵎⵏ ⵏⵏⵙ ⴷ ⵉⵙⵓⵜⴰⵢ ⵏⵏⵙ, ⴼⵔⴽⵏ ⵏⵉⵜ ⵉ ⵜⵉⵍⴰⵍ ⴷ ⵉⵎⵙⵓⵔⴰⵙ ⵏⵏⵉ ⴷⴰⵔⵙ ⵉⵍⵍⴰⵏ ⴷ ⵓⴽⵙⴰⵏ ⵏ ⵉⴳⴳⴰⵏⵉⵜⵏ ⴷ ⵓⵙⵓⵖⵏ ⵏ ⵓⵎⵢⴰⵖ ⴰⴷⵖⵢⴰⵏ ⵉⵕⵡⴰⵏ ⴰⴽⴷ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴷ ⵉⵎⵏⵉⴷⵏ ⵜⵜⵡⴰⵣⵎⴰⵔⵏⵉⵏ, ⵉⵖ ⵉⴳⴰ ⵎⴰⴷ ⵉⵥⵍⵉⵏ ⵙ ⵡⴰⴷⴷⴰⴷ ⵏ ⵉⵖⴰⵡⵍⵏ ⵏ ⵡⴰⵎⴰⵏ ⵏⵉⵖ ⵉⵣⵔⴼⴰⵏ ⵏ ⵉⵎⵖⵔⵉⴱⵉⵢⵏ ⵏ ⵓⵎⴰⴹⴰⵍ ⵏⵉⵖ ⵜⴰⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴷ ⵓⵙⵏⴼⵍ ⵏ ⵜⵓⴳⵔⵉⵡⵜ ⵏ ⵜⵡⵊⴰ, ⴷ ⵓⵍⴰ ⵉⵣⵎⴰⵣ ⴷ ⵉⵏⴰⵥⴰⵕⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵢⵔⴰⵔ ⴰⵎⵓⵟⵟⵓⵏ ⴷ ⵉⵏⴰⴳⵔⴰⵡⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ ⵅⴼ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴰⴷ”.ⵜⵉⵎⵙⴰⵔⵉⵏ ⵏ ⵡⴰⵙⴰ, ⵜⵏⵏⴰ ⵎⴰⵙⵙⴰ ⴱⵓⵄⵢⵢⴰⵛ, "ⵏⵣⵎⵔ, ⴳ ⵓⴳⵔⴰⵡ ⴰⴷ, ⴰⴷ ⵏⴳ ⵜⴰⵙⵉⵍⴰⵡⵜ ⵏ ⵜⵙⵓⵎⵔⵉⵏ ⵏⵏⵖ ⴷ ⵉⵙⵖⵍⴰⴼ ⵏⵏⵖ ⵅⴼ ⵜⵎⴰⵎⴽⵜ ⵏ ⵡⴰⵍⵍⴰⵍ ⵏ ⵉⵏⴰⵥⴰⵕⵏ ⵏⵏⵙ, ⵙ ⵓⵎⵏⴰⴷ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵉⵍⴰⵍⵉⵏ ⵏⵏⵙ".ⴹⴰⵕⴰⵜ ⴰⵎⴹⴰⴽⴰⵕ ⴷ ⵓⴷⵉⵡⵍ, ⵉⵙⵖⵣⵏ ⵓⴳⵔⴰⵡ ⴰⵎⴰⵜⴰⵢ ⴳ ⵜⵙⵓⵜⵍⵜ ⴰⴷ ⵙ ⵓⵎⵙⴰⵙⴰ ⵅⴼ: ⴰⵙⵖⵏⵓ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⴳⴳⵯⴰⵙ 2023, ⵙ ⵓⵎⵙⴰⵙⴰ ⴰⴽⴷ ⵜⵙⵜⵔⴰⵜⵉⵊⵉⵜ ⵏⵏⵙ ⵉⴱⴷⴷⵏ ⵅⴼ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ, ⵉⴱⴷⴷⵏ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ, ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ, ⴷ ⵉⴳⵉ ⵏ ⵜⴰⵏⴰⴹⵉⵏ ⴷ ⵜⵖⵓⵔⵉⵡⵉⵏ ⴷ ⵓⵙⴷⵓⵙ ⵏ ⵜⵣⵎⵎⴰⵔ.ⴰⵙⵖⵏⵓ ⵏ ⵉⵙⴳⵓⵎⵏ ⵏ ⵜⴰⵏⴰⴹⵜ ⵜⴰⵙⴳⴳⵯⵙⴰⵏⵜ ⵏ ⵓⵙⴳⴳⵯⴰⵙ 2022, ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ 35 ⵏ ⵓⵙⵍⴳⵏ ⵣⴷⵉⵏⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ, ⵙ ⵓⵙⵎⵀⵍ ⵏ ⵓⵎⵏⵣⴰⵢ ⵏ ⵜⵍⵓⴳⴰⵏⵜ ⴷ ⵜⵣⵎⵣⴰⵏⵜ ⵜⴰⵙⴳⵯⵙⴰⵏⵜ ⵏ ⵜⵥⵕⵉⴳⵜ ⵏⵏⵙ ⵙ ⵜⵙⵏⵙⵉ ⵏ ⵉⵙⴱⴷⴰⴷⵏ ⵓⵍⴳⵉⵏⵏ ⴷ ⵉⵎⵏⵣⴰⵢⵏ ⵏ ⴱⴰⵔⵉⵙ ⵙⵏⵎⴰⵍⴰⵏⵉⵏ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ;ⴰⵙⵖⵏⵓ ⵏ ⵜⴰⵏⴰⴹⵜ ⵜⴰⵙⴳⵓⵎⴰⵏⵜ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ ⴰⵎⵓⵟⵟⵓⵏ ⴷ ⵉⵏⴰⴳⵔⴰⵡⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ, ⵙ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⴰⵙⵜⵔⴰⵜⵉⵊⵉ ⵏ ⵓⵙⵇⵇⵉⵎ ⴷ ⵓⵎⵢⴰⵖ ⴰⴽⴷ ⵢⴰⵜ ⵙⴳ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰ. ⵏⵏⵉ ⵉⵙⵙⴰⵎⵓⵏ ⵜⴰⵡⵉⵜ ⴳ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ ⴰⵎⵓⵟⵟⵓⵏ ⴷ ⵉⵏⴰⴳⵔⴰⵡⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ, ⴷ ⵜⵎⴰⵎⴽⵜ ⵏ ⵓⵙⵙⵉⴷⵔⵓⵙ ⵏ ⵉⵙⵎⵔⵙⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ ⵉⵕⵥⵥⴰⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵔⵇⴱ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⴳⵎⵉ ⵅⴼ ⵜⴰⵜⵉⴽⵏⵓⵍⵓⵊⵉⵜ, ⴷ ⵢⴰⵏ ⵓⵙⴳⵓⵎ ⵅⴼ ⵜⵖⴰⵔⵉⵡⵉⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ;ⴰⵙⵖⵏⵓ ⵏ ⵜⵎⵙⵙⴽⵜⵉⵜ ⵅⴼ ⵡⴰⴷⴷⴰⴷ ⵏ ⵉⵖⴰⵡⵍⵏ ⵏ ⵡⴰⵎⴰⵏ, ⵔⴰⴷ ⵜⴻⵜⵜⵓⵙⵎⵏⵉⴷ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ. ⵜⴰⵡⵉ ⴷ ⵙ ⵓⵥⵍⴰⵢ ⵅⴼ ⵓⵣⵣⵔⴰⵢ ⵅⴼ ⵜⵉⵏⵏⵓⴱⴹⴰ ⵏ ⵜⵣⵓⵏⵉ ⵏ ⵡⴰⵎⴰⵏ, ⴰⵙⵖⵓⵏ ⵙ ⵓⵙⵡⵓⴷⴷⵓ ⴰⵏⵊⵎⵓ, ⴷ ⵓⵍⴰ ⴰⵙⵖⵓⴷⵓ ⵏ ⵜⵎⵙⴽⵔⵜ ⵜⴰⵏⵙⵙⵎⵓⵔⵜ ⵏⵏⵉ ⵉⵟⵟⴰⴼⵏ ⵜⵉⵍⴰⵍⵜ ⵜⴰⴱⵉⴷⴰⴳⵓⵊⵉⵜ ⴷ ⵜⵙⴳⵎⴰⵏⵜ ⵅⴼ ⵜⵎⵙⴽⵔⵜ ⵏ ⵓⴼⵔⵉⴷⵏ...ⴰⵙⵎⴰⴷ ⵏ ⵜⵡⵓⵔⵉ ⵉⵥⵍⵉⵏ ⵙ ⵓⵙⵖⵏⵓ ⵏ ⵜⴰⵏⴰⴹⵜ ⵅⴼ ⵓⵙⵔⵇⴱ ⵏ ⵓⵙⵉⵡⴹ ⴳ ⵜⵎⵙⴰⵔⵉⵏ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⵜⵓⵏⴳⵉⵙⵉⵏ ⵏ ⵜⴽⵕⴹⵉ ⴷ ⵓⵙⴱⴷⴷⵉ ⵏ ⵜⵔⵡⵍⴰ ⵙⴳ ⵜⵎⵔⵔⵓⵜ", ⴳ ⵓⵙⴰⵜⵉ ⵏ ⵓⵙⵓⵜⴳ ⵏ ⵜⵢⴰⴼⵓⵜⵉⵏ ⵏ ⵓⵎⵣⵉⵣⵣⵍ ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴳ ⵜⵉⵣⵉ ⵏ ⵓⵙⴳⴳⵯⴰⵙ ⴷⴷⴰⵡ ⵏ ⵜⵎⴰⵜⴰⵔⵜ "ⴰⵙⵔⵇⴱ ⵏ ⵓⵙⵉⵡⴹ ⵏ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⵜⵓⵏⴳⵉⵙⵉⵏ ⵏ ⵜⴽⵕⴹⵉ ⴷ ⵓⵙⴱⴷⴷⵉ ⵏ ⵜⵔⵡⵍⴰ ⵙⴳ ⵜⵎⵔⵔⵓⵜ";ⵉⵙⵔⴰⵙ ⵉⵎⵇⵇⵔⴰⵏⵏ ⵉⵏⴳⵔ (18 ⵢⵓⵏⵢⵓ 2022 - 13 ⴽⵟⵓⴱⵕ 2022) ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵉⵏⴳⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ;ⴰⵙⵙⵉⴼⴹ ⵏ ⵢⴰⵜ ⵜⴰⵢⵎⵓⵏⵜ ⵏ ⵓⵙⴰⴳⴳⵯ ⵃⵎⴰ ⴰⴷ ⵜⵚⴽⵓ ⵉⵎⵊⵕⵉⵜⵏ ⵏ ⵢⵉⵏⵉⵡⵍ ⵓⵔ ⵉⵍⵉⵏ ⴰⵏⴰⵡ, ⵏⵏⵉ ⵉⵙⵙⵏ ⵓⵎⵣⵣⵔⵉ ⵏ "ⴱⴰⵕⵢⵓ ⵜⵛⵉⵏⵓ" ⴳ ⵎⵍⵉⵍⵢⴰ ⵜⴰⵎⵙⴷⴷⵓⵔⵔⵓⵢⵜ, ⴷ ⵓⵙⵎⵏⵉⴷ ⵏ ⵉⵏⵥⵉⵜⵏ ⵏⵏⵙ ⵉⵎⵣⵡⵓⵔⴰ ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ. ⵜⵣⴷⵉ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵓⴳⵎⵎⵓⴹ ⵜⵉⵣⵉⴳⵣⵉⵏ ⵏ ⵓⵎⵚⴰⵕⴰⴹ ⴳ ⵓⵙⵡⵉⵔ ⴰⵎⵏⵣⵓ ⵡⴰⵍⴰ ⵡⵉⵏ ⵡⴰⵍⴰⵙ;ⵜⴰⵎⵓⵏⵜ ⴰⴽⴷ ⵓⵙⵎⵀⵍ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⴳ ⵓⵎⵏⴰⴷ ⵏ ⵓⵙⵣⵔⴼ ⵉ ⵉⴱⵕⵕⴰⵏⵉⵢⵏ ⵍⵍⴰⵏⵉⵏ ⴳ ⵡⴰⵎⵓⵔ ⴰⵏⴰⵎⵓⵔ ⴰⴷ ⵙⵙⴱⵖⵔⵏ ⵙⴳ ⵜⵓⴳⵜ ⵏ ⵜⵏⴼⵔⵓⵜⵉⵏ ⵏⵏⴰ ⵉⵙⵙⵓⵊⴰⴷⵏ ⵉⵙⵡⵉⵔⵏ ⵏ ⵓⴼⵔⴰⴳ ⵙ ⴽⴽⵓⵥ ⵏⵏⵙⵏ ⵙ ⵜⵡⵉⵍⴰ ⵏⵏⵉ ⵉⵙⵡⵓⵜⵜⵓ ⵓⵙⵍⴳⵏ ⴰⵙⴰⵜⵉ ⵣⴷⵉⵏⵉⵏ ⵙ ⵓⴼⵔⴰⴳ ⴰⵏⴰⵎⵓⵏ;ⵜⴰⴷⵔⴰⵡⵜ ⴳ ⵓⵙⵡⵉⵏⴳⵎ ⴰⵎⴳⵔⵓ ⵉ ⵓⵔⵣⵣⵓ ⵅⴼ ⵉⴼⵙⵙⴰⵢⵏ ⵜⵜⵓⵣⵎⴰⵔⵏⵉⵏ ⵉ ⵜⵏⴼⵔⵓⵜ ⵏ ⵓⵣⵔⴼ ⴳ ⵡⴰⵎⴰⵏ ⵉ ⵇⴰⵃ ⴳ ⵓⵙⵡⵉⵔ ⴰⴷⵖⵢⴰⵏ ⴷ ⵓⵙⵡⵉⵔ ⴰⵙⵜⵔⴰⵜⵉⵊⵉ;ⴳ ⵓⵙⵡⵉⵔ ⵓⵣⵔⵉⴼ, ⴰⵙⵙⵉⴼⴹ ⵏ ⴽⵕⴰⴹ ⵉⵎⵏⴰⴷⵏ ⵏ ⵓⵎⵛⴰⵡⴰⵕ ⵜⴻⵜⵜⵔ ⵜⵎⴰⵡⴰⵙⵜ ⵏ ⵜⵣⵔⴼⵜ ⴰⵎⵏⴰⴷ ⵏ ⵓⵙⵇⵇⵉⵎ ⵅⵉⴼⵙⵏ, ⵉⵣⴷⵉ ⵓⵙⴽⴽⵉⵏ ⴷ ⵜⴱⵔⵉⴷⵜ ⵜⵓⵖⵔⵉⵎⵜ ⴷ ⵜⴱⵔⵉⴷⵜ ⵜⴰⵏⴱⴽⴰⴹⵜ, ⴷ ⵓⵍⴰ ⴰⵎⵏⴰⴷ ⵅⴼ ⵓⵙⵖⵏⵓ ⵏ ⵜⵎⵔⵔⵓⵜⵉⵏ ⵜⵉⵎⴽⴽⵉⵙⵉⵏ;ⴰⵙⵎⵏⵉⴷ ⵏ ⵜⴰⵏⴰⴹⵜ ⵜⴰⵎⵙⴷⴰⵖⵜ ⵏ ⵓⵙⵇⵇⵉⵎ ⵣⴷⵉⵏⵉⵏ ⵙ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵓⴼⵔⴰⴳ ⵏ ⵇⴰⵃ ⵓⴳⴳⵉⴷⵏ ⵙⴳ ⵓⵏⵖⵓⴱⵓ ⵓⵛⵛⵉⵍ;ⴰⵣⴷⴰⵢ ⵏ ⵓⵎⵢⴰⵖ ⵏ ⵓⵙⵇⵇⵉⵎ ⴰⴽⴷ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ, ⴰⵎ ⵜⴰⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵣⴷⵉⵏ ⴰⵡⴷ ⵙ ⵜⵙⴳⴳⵯⵉⵏ ⵏ ⵉⴼⴼⵓⵙ, ⵏⵏⵉ ⵉⵜⵜⵓⵙⵙⵎⵜⵔⵏ ⴳ ⵜⴰⵏⴰⴹⵜ ⵜⴰⵎⴳⴳⴰⵔⵓⵜ ⵏⵏⵉ ⵉⵙⵎⵏⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⵅⴼ ⵜⵏⵣⵔⵓⴼⵜ ⵉ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ;ⵜⴰⴷⵔⴰⵡⵜ ⴳ ⵜⴰⵏⴰⴹⵜ ⵜⴰⵏⴰⵎⵓⵔⵜ ⵏ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵣⵓⵔⴰⵏ, ⴹⴰⵕⴰⵜ ⴰⵙⵎⵏⵉⴷ ⵏ ⵜⴰⵏⴰⴹⵜ ⵜⴰⵎⵙⴷⴰⵖⵜ ⵏ ⵓⵙⵇⵇⵉⵎ ⴳ ⵓⵙⴳⴳⵯⴰⵙ ⴰⴷ;ⵜⴰⴷⵔⴰⵡⵜ ⴳ ⵜⴰⵏⴰⴹⵜ ⵜⴰⵏⴰⵎⵓⵔⵜ ⵜⵉⵙ ⵙⵏⴰⵜ ⵣⴷⵉⵏⵉⵏ ⵙ ⵉⵎⵙⵡⵓⵔⵉⵢⵏ ⵉⵎⵣⵡⴰⴳⵏ, ⵉⴼⵓⴽ ⴰⴷ ⵏⵙⵙⵎⵜⵔ ⵎⴰⵙ ⵉⴽⴽⴰ ⵓⵙⵇⵇⵉⵎ ⵉⵙⵎⵏⵉⴷ ⵢⴰⵜ ⵜⴰⵏⴰⴹⵜ ⵜⴰⵎⵙⴷⴰⵖⵜ ⵉ ⵜⵙⵇⵇⵉⵎⵜ ⵏ ⵜⵎⵜⵜⴰ ⵉⵎⵓⵏⵏ ⵏⵏⴰ ⴳⴰⵏⵉⵏ ⵜⴰⵎⵏⵜⴰⵢⵜ; ⴷ ⵓⴳⴳⴰⵔ.