ⵙ ⵓⵙⵎⴰⴳⵍ ⵏ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ, ⴰⵔ ⵉⵜⵜⴳⴳⴰ ⵢⴰⵏ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵜ ⵜⵙⵎⵉⴳⵍⵜ ⵏ ⵓⵙⴰⴳⴳⵯ ⴳ ⵜⵖⵔⵎⵜ ⵏ ⵏⵏⴰⴹⵓⵕ ⴷ ⵎⴰⴷ ⵜⵜ ⵉⴷ ⵉⵡⴰⵍⴰⵏ, ⴹⴰⵕⴰⵜ ⵉⵎⵊⵕⵉⵜⵏ ⵏ ⵜⵡⴰⵖⵉⵜ ⴷ ⵜⴽⵕⴹⵉ ⵏⵏⴰ ⵙ ⵙⵢⴰⴼⴰⵏⵜ ⵜⵉⵔⵎⵉⵜⵉⵏ ⵏ ⵜⵏⴹⵡⴰ ⵏ ⵜⵎⵉⴹⵉⵡⵉⵏ ⵏ ⵉⵎⵣⵡⴰⴳⵏ ⵙⴳ ⵜⴳⴳⵓⵔⵜ ⵏ ⵜⵏⴹⵡⴰ ⵉⵏⴳⵔ ⵜⵖⵔⵎⵜ ⵏ ⵏⵏⴰⴹⵓⵕ ⴷ ⵎⵍⵉⵍⵢⴰ, ⵏⵏⴰ ⵉⵙⵢⴰⴼⴰⵏ ⵙ : 23 ⵏ ⵉⵎⵜⵜⵉⵏⵏ ⴷ 76 ⵏ ⵓⵏⴳⵉⵙⵏ ⵙⴳ ⵉⵎⵣⵡⴰⴳⵏ ⴷ 140 ⵏ ⵓⵏⴳⵉⵙⵏ ⵙⴳ ⵉⴼⵔⴷⵉⵙⵏ ⵏ ⵜⴳⴳⴰⵍⵉⵏ ⵜⵉⵎⵖⵔⵉⴱⵉⵢⵉⵏ, ⵙ ⵓⵎⵙⴰⵙⴰ ⴰⴽⴷ ⵜⵎⵓⵛⴰ ⵍⵍⴰⵏⵉⵏ. ⵉⴹⴼⵓⵕ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵙⵇⵇⵉⵎⵜ ⵏⵏⵙ ⵏ ⵓⴳⵎⵎⵓⴹ ⴷ ⵉⴳⵎⴰⵎⵏ ⵏⵏⵙ ⵏ ⵜⵙⴳⴳⵯⵉⵏ ⵏ ⵏⵏⴰⴹⵓⵕ, ⵓⵎⵍⴰⵏ ⵎⵙⴰⴳⴰⵔⵏⵉⵏ ⵅⴼ ⵓⵟⵟⵓⵏ ⵉⴳⴳⵓⵜⵏ ⵏ ⵓⴳⴳⵉⴷⵏ ⵏⵏⴰ ⵢⵓⵔⵎⵏ ⴰⴷ ⵣⵔⵉⵏ ⴳ ⵢⴰⵜ ⵜⵉⵣⵉ, ⴷ ⵜⴽⵕⴹⵉ ⵉⵀⵔⵛⵏ, ⴷ ⵓⵙⵖⴰⵍ ⵏ ⵉⵎⴰⵍⴰⴷⵏ ⴳ ⵉⵎⵜⵜⵉⵏⵏ. ⵉⴹⴼⵓⵕ ⵓⵙⵇⵇⵉⵎ ⵢⴰⵜ ⵜⴳⵔⵓⵎⵎⴰ ⵏ ⵜⵡⵍⴰⴼⵉⵏ ⴷ ⵉⴼⵉⴷⵢⵓⵜⵏ ⵏⵏⵖⵍⵏⵉⵏ, ⵉⵣⵎⵎⴻⵎ ⴳ ⵓⵎⵏⵉⴷ ⴰⴷ, ⵜⵉⴽⴽⵍⵜ ⵢⴰⴹⵏⵉⵏ, ⴰⵣⵓⵣⵣⵔ ⵏ ⵜⵡⵍⴰⴼⵉⵏ ⴷ ⵉⴼⵉⴷⵢⵓⵜⵏ ⵓⵔ ⵣⴷⵉⵏⵉⵏ ⵙ ⵜⵉⵔⵎⵉⵜ ⵏ ⵜⵏⴹⵡⴰ ⵏ ⵉⵎⵣⵡⴰⴳⵏ, ⵏⵏⴰ ⴳ ⵜⵍⵍⴰ ⵜⴽⵏⴷⴰⵡⵜ ⴷ ⵜⵎⵓⵛⴰ ⵓⵔ ⴳⵉⵏⵉⵏ ⵜⵉⴷⵜ ⵅⴼ ⵜⵏⴹⵡⴰ ⵜⴰⵎⴳⵔⵓⵜ ⴳⴳⵓⵜⵏⵉⵏ ⴷ ⵎⴰⴷ ⴷ ⴼⵍⵍⴰⵙ ⵉⴳⴳⵯⵔⴰⵏ. ⵜⴰⵎⵓ ⴳ ⵜⵙⵇⵇⵉⵎⵜ ⵏ ⵓⵙⴰⴳⴳⵯ, ⵎⴰⵙⵙⴰ ⴷ ⵉⴷ ⵎⴰⵙⵙ: ⵎⵓⵃⵎⵎⴰⴷ ⵍⵄⵎⴰⵔⵜⵉ, ⴰⵎⵣⴷⴰⵢ ⵏ ⵜⵙⵇⵇⵉⵎⵜ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ; ⵎⵓⵃⵎⵎⴰⴷ ⵛⴰⵔⴼ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ; ⵄⴱⴷ ⵕⵕⴰⴼⵉⵄ ⵃⵉⵎⴹⵉ, ⴰⵏⵎⵀⴰⵍ ⵏ ⵓⵎⴷⴰⵢ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ; ⴷⴷⵓⴽⵜⵓⵔ ⵄⴰⴷⵉⵍ ⵙⵙⵃⵉⵎⵉ, ⴰⵎⵙⴳⵏⴰⴼ, ⴰⴳⵎⴰⵎ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ; ⵎⴰⵍⵉⴽⴰ ⵍⴽⵉⵃⵍ ⴷⴷⴰⵡⴷⵉ, ⵜⴰⴳⵎⴰⵎⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ.
ⵕⵕⴱⴰⵟ, ⴳ 27 ⵢⵓⵏⵢⵓ 2022
