ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵙⵎⵉⴳⴰⵍ ⵏⵏⵙ ⵉⵣⴷⵉⵏ ⵙ ⵓⴼⵔⴰⴳ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵜⵜⵡⴰⵙⵔⴰⵙ ⵖ ⴷⴰⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵎⵙⴰⵙⴰ ⴰⴽⴷ ⵓⵙⵍⴳⵏ ⵟⵟⵓⵏ 76.15 ⵣⴷⵉⵏⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏⵏⵙ, ⵅⴼ ⵉⴳⴳⵉ ⵏ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴷ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ, ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ.
ⵙ ⵓⵡⵇⵇⵔ ⵏ ⵜⵥⵍⴰⵢⵉⵏ ⵉⵜⵜⵡⴰⴼⴽⴰⵏ ⵉ ⵜⵏⴱⴰⴹⵉⵏ ⴳⴰⵏⵉⵏ ⵜⵉⵎⵏⵜⴰⵢⵉⵏ, ⴰⵔ ⵉⵜⵜⴳⴳⴰ ⵉⵎⵉⵙ ⴰⵏⴰⵎⵓⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵜⵉⵙⵎⵉⴳⴰⵍ ⵜⵉⵏⴹⴼⴰⵕⵉⵏ :
ⵉⵎⵉⵥ ⵏ ⵜⵏⵓⵔⵣⵉⵏ ⵏⵏⵉ ⵙⵎⵏⵉⴷⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵓⵏⴳⵉⵙⵏ ⵏ ⵜⵕⵥⵉ, ⵏⵉⵖ ⵡⴰⵏⵏ ⵜⵏ ⵉⵜⵜⴳⵏⵙⴰⵙⵏ ⵏⵉⵖ ⵎⵉⴷⴷⵏ ⵢⴰⴹⵏⵉⵏ, ⵙ ⵓⵙⵔⵉⴷ ⴽⵓⴷⵏⵏⴰ ⵜⵍⵍⴰ ⵜⵕⵥⵉ ⵏ ⴽⵔⴰ ⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏⵏⵙⵏ ;
ⵉⴳⵉ ⵏ ⵇⴰⵃ ⵉⵙⴰⴳⴳⵯⵏ ⵣⴷⵉⵏⵉⵏ ⵙ ⵜⵏⵓⵔⵣⵉⵏ ⵉⵜⵜⵢⴰⵎⴰⵥⵏ ⴷ ⵜⵖⵓⵔⵉ ⵏⵏⵙⵏ ⴷ ⵓⵙⵎⴽⵍ ⵏⵏⵙⵏⵜ ⴷ ⵜⵖⵜⴰⵙⵜ ⵏⵏⵙⵏⵜ ;
ⴰⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴷ ⵜⵖⵓⵔⵉ ⵉ ⵜⴼⵓⵍⵉⵏ ⵏⵜⴰⵢⵏⵉⵏ ⵙ ⵉⵎⵔⵙⵉ ⵏ ⵜⵕⵥⵉ ⵏⵉⵖ ⵜⴰⵏⵓⵔⵣⵉⵜ ⴷ ⵉⵏⴰⴳⴰⵏ ⴷ ⵉⵎⵓⵣⴰⵢⵏ ⴷ ⴽⵔⴰⵢⴳⴰⵜ ⵓⴳⴳⵉⴷ ⵙ ⵉⵏⵏⴰ ⵉⵍⵍⴰ ⵓⴼⵓⴽⵊⵉ ⴳ ⵓⵙⵙⴼⵍⴷ ⵙⵉⵔⵙ. ⵅⴼ ⵉⴳⴳⵉ ⵏ ⵎⴰⵢⴰ, ⵉⵣⵎⵔ ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴰⴷ ⵉⵎⵏⴰⵍⴰ ⵙ ⵜⵡⵉⵍⴰ ⵜⴰⵡⵓⵔⵎⴰⵏⵜ ⴰⴷⴷⴰⴷⵏ ⵏ ⵜⵕⵥⵉ ⵏ ⵢⴰⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵉⵎⵎⵓⵄⴹⵕ ⵏⵏⵉ ⵜⵉⴷ ⵉⵜⵜⴰⵡⴹⵏ, ⵙ ⵜⴼⴰⴷⴰ ⵏ ⵓⵙⵏⵖⵎⵙ ⵏ ⵓⴳⴳⵉⴷ ⵉⵏⵜⴰⵢⵏ ⴷ ⵡⴰⵔ ⵜⴰⴳⵯⵉⵜ ⵏⵏⵙ ⵉ ⵓⴽⵛⵛⵓⵎ ⵏ ⵉⵎⵉⵙ.
ⴽⵓⴷⵏⵏⴰ ⵜⵜⵓⴳⴰ ⵜⵕⵥⵉ ⵜⴰⵎⵢⴰⴳⴰⵏⵜ ⵏ ⴽⵔⴰ ⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏ ⵓⴳⴳⵉⴷ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵏⵏⵉ ⵉⵙⴽⵔⵏ ⴽⵔⴰ ⵏ ⵓⵎⴰⵍⴰⴷ ⵉⵀⵔⵛⵏ ⵉ ⵓⴳⴳⵉⴷ ⴰⴷ, ⴷⴰ ⵜⵜⵓⵙⵏⵉⵙⵏ ⵉⴱⴹⵉⵢⵏ ⵏ ⵜⵙⴷⴷⴰⵔⵜ ⵜⴰⵎⴳⴳⴰⵔⵓⵜ ⵏ ⵜⵎⵜⵜⴰ 18 ⵏ ⵓⵙⵍⴳⵏ 76.15.
ⵎⴽⴷⴰ ⴷⴰ ⵉⵏⵏⵖⵍⴼ ⵉⵎⵉⵙ ⵙ ⵓⵙⴷⵓⵙ ⵏ ⵉⵣⵔⴼⴰⵏ ⵜⵜⵓⵙⴹⵕⵚⵏⵉⵏ ⴳ ⵜⵎⵢⴰⵇⵇⴰⵏⵜ ⵏ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ ⴷ ⵓⴱⵕⵓⵟⵓⴽⵓⵍ ⴰⵔⵓⵛⵛⵉⵍ ⴷ ⵓⵎⴷⴰⵢ ⵉ ⵓⵣⵣⴳⵉⵔ ⵏⵏⵙ.

ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵏ ⵜⵎⵜⵜⴰ 19 ⵏ ⵓⵙⵍⴳⵏ 76-15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵙ ⵓⵙⴽⴰⵔ ⵙ ⵜⵡⵓⵔⵉⵡⵉⵏ ⵉⵜⵜⵡⴰⴼⴽⴰⵏ ⵉ ⵜⵏⴱⴰⴹⵉⵏ ⴳⴰⵏⵉⵏ ⵜⵉⵎⵏⵜⴰⵢⵉⵏ, ⴰⵔ ⵉⵜⵜⴳⴳⴰ ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵜⵉⵙⵎⵉⴳⴰⵍ ⵜⵉⵏⴹⴼⴰⵕⵉⵏ:
ⵉⵎⵉⵥ ⵏ ⵜⵏⵓⵔⵣⵉⵏ ⵏⵏⵉ ⵙⵎⵏⵉⴷⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵓⵏⴳⵉⵙⵏ ⵏ ⵜⵕⵥⵉ, ⵏⵉⵖ ⵡⴰⵏⵏ ⵜⵏ ⵉⵜⵜⴳⵏⵙⴰⵙⵏ ⵏⵉⵖ ⵎⵉⴷⴷⵏ ⵢⴰⴹⵏⵉⵏ, ⵙ ⵓⵙⵔⵉⴷ ⴽⵓⴷⵏⵏⴰ ⵜⵍⵍⴰ ⵜⵕⵥⵉ ⵏ ⴽⵔⴰ ⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏⵏⵙⵏ ;
ⵉⴳⵉ ⵏ ⵇⴰⵃ ⵉⵙⴰⴳⴳⵯⵏ ⵣⴷⵉⵏⵉⵏ ⵙ ⵜⵏⵓⵔⵣⵉⵏ ⵉⵜⵜⵢⴰⵎⴰⵥⵏ ⴷ ⵜⵖⵓⵔⵉ ⵏⵏⵙⵏ ⴷ ⵓⵙⵎⴽⵍ ⵏⵏⵙⵏⵜ ⴷ ⵜⵖⵜⴰⵙⵜ ⵏⵏⵙⵏⵜ ;
ⴰⵙⵏⵎⴰⵍⴰ ⵏ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴷ ⵜⵖⵓⵔⵉ ⵉ ⵜⴼⵓⵍⵉⵏ ⵏⵜⴰⵢⵏⵉⵏ ⵙ ⵉⵎⵔⵙⵉ ⵏ ⵜⵕⵥⵉ ⵏⵉⵖ ⵜⴰⵏⵓⵔⵣⵉⵜ ⴷ ⵉⵏⴰⴳⴰⵏ ⴷ ⵉⵎⵓⵣⴰⵢⵏ ⴷ ⴽⵔⴰⵢⴳⴰⵜ ⵓⴳⴳⵉⴷ ⵙ ⵉⵏⵏⴰ ⵉⵍⵍⴰ ⵓⴼⵓⴽⵊⵉ ⴳ ⵓⵙⵙⴼⵍⴷ ⵙⵉⵔⵙ.
ⴰⵎⵏⴰⵍⴰ, ⵙ ⵜⵡⵉⵍⴰ ⵜⴰⵡⵓⵔⵎⴰⵏⵜ, ⵏ ⵡⴰⴷⴷⴰⴷⵏ ⵏ ⵜⵕⵥⵉ ⵏ ⵢⴰⵏ ⵓⵣⵔⴼ ⵙⴳ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵉⵎⵎⵓⵄⴹⵕ ⵏⵏⵉ ⵜⵉⴷ ⵉⵜⵜⴰⵡⴹⵏ, ⵙ ⵜⴼⴰⴷⴰ ⵏ ⵓⵙⵏⵖⵎⵙ ⵏ ⵓⴳⴳⵉⴷ ⵉⵏⵜⴰⵢⵏ ⴷ ⵡⴰⵔ ⵜⴰⴳⵯⵉⵜ ⵏⵏⵙ ⵉ ⵓⴽⵛⵛⵓⵎ ⵏ ⵉⵎⵉⵙ ⴰⴷ ⴰⵏⴰⵎⵓⵔ.

ⵓⵙⴷⵓⵙ ⵏ ⵉⵣⵔⴼⴰⵏ ⵜⵜⵓⵙⴹⵕⵚⵏⵉⵏ ⴳ ⵜⵎⵢⴰⵇⵇⴰⵏⵜ ⵏ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ ⴷ ⵓⴱⵕⵓⵟⵓⴽⵓⵍ ⵏⵏⵙ ⴰⵔⵓⵛⵛⵉⵍ ;
ⴰⵎⴷⴰⵢ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ ⴳ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵏⴰⵎⵓⵔⵉⵏ ⴷ ⵉⵖⴰⵡⴰⵙⵏ ⵏ ⵢⵉⴳⵔⴰⵏ ;
ⴰⵙⵎⵓⵜⵜⴳ ⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵅⴼ ⵓⵙⵓⵔⵙ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵙ ⵓⵎⵙⴰⵙⴰ ⴰⴽⴷ ⵜⵎⵉⵜⴰⵔ ⵏ ⵓⵙⵖⵍ ⴰⵙⵎⴽⵜⴰⵢ ⴷ ⵓⵎⴰⵏⴰⵡ ⵉⵎⵓⵏⵏ ⴰⴽⴷ ⵉⵙⵖⵍⴰⴼ ⵉⵜⵜⵢⴰⵍⵏ ⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ (ⵜⴰⵎⵜⵜⴰ 20) ;
ⴰⵙⵡⵓⴷⴷⵓ ⵏ ⵉⵎⵢⴰⵙⵙⴰⵜⵏ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⴰⴽⴷ ⵜⵎⵙⵙⵓⴳⵓⵔⵉⵏ ⴷ ⵉⵏⴳⵎⴰⵎⵏ ⵉⵏⴰⵎⵓⵔⵏ ⴷ ⵉⴱⵕⵕⴰⵏⵉⵢⵏ (ⵜⴰⵎⵜⵜⴰ 20).

ⵉⵏⵏⵖⵍⴼ ⵉⵎⵉⵙ, ⴷⴷⴰⵡ ⵓⵜⵓⵢ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵙ :
ⴰⵙⵎⵓⵜⵜⴳ ⵏ ⵜⴰⵏⴰⴹⵉⵏ ⵜⵉⵎⵙⴷⴰⵖⵉⵏ ⴷ ⵜⴽⵛⵛⵓⵎⵉⵏ ⵜⵉⵎⵉⵡⴰⵏⵉⵏ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴳ ⵓⵣⵎⵣ ⵏ ⵓⵣⵣⵔⴰⵢ ⴰⵣⵎⵣⴰⵏ ⴷ ⵓⴼⵔⴽⴰⵏ ⵉ ⵜⴰⵏⴰⴹⵉⵏ ⵏ ⵍⵎⵖⵔⵉⴱ ⵎⵏⵉⴷ ⵏ ⵜⵙⵇⵇⵉⵎⵜ ⵉⵏⵜⴰⵢⵏ ⵙ ⵉⵣⵔⴼⴰⵏ ⵏ ⵉⴷ ⴱⵓ ⵓⵎⵎⵓⵄⴹⵕ ⴳ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵎⵏⵉⴷ ⴰⵣⵎⵣⴰⵏ ⴰⵖⵥⵓⵕⴰⵏ;
ⴰⵙⵎⵓⵔⵙ ⵏ ⵜⵙⵎⵉⴳⴰⵍ ⵣⴷⵉⵏⵉⵏ ⵙ ⵓⵙⵏⴱⴳⵉ ⵙ (ⵜ)ⵓⵎⵖⵜⴰⵙ(ⵜ) ⵏ ⵜⵎⵜⵜⴰ ⵉⵏⵜⴰⵢⵏ ⵙ ⵉⵣⵔⴼⴰⵏ ⵏ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ.

ⴰⵙⴽⴰⵔ ⵙ ⵉⵎⵏⵣⴰⵢⵏ ⵏ ⴱⴰⵔⵉⵙ ⵙⵏⵎⴰⵍⴰⵏⵉⵏ ⵜⴰⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ;
ⴰⴷ ⴰⵎⵓⵏⵜ ⴳ ⵜⵡⵓⵔⵉⵡⵉⵏ ⵏ ⵉⵎⵉⵙ ⴷ ⵢⵉⴳⵔⴰⵏ ⵏⵏⵙⵏⵜ ⵇⴰⵃ ⵡⴰⵏⴰⵡⵏ ⵏ ⵓⵎⵎⵓⵄⴹⵕ ⵙ ⵢⴰⵜ ⵜⵎⵢⴰⴷⴰⵙⵜ ⵜⴰⵖⵣⵓⵔⴰⵏⵜ ⵓⵔ ⵉⵜⵜⴽⵙⵏ ⴰⵡⴷ ⵢⴰⵏ ⵉⵙⵎⵉⵍ;
ⴰⴷ ⵜⴻⵜⵜⵓⴳⴰ ⵢⴰⵜ ⵜⵓⵚⴽⵉⵡⵜ ⵏ ⵓⵎⵛⴰⵡⴰⵕ ⵉⵏⵏⵖⵍⵏ ⴳ ⵓⵙⵔⵓⵙ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏ ⵉⵎⵉⵙ ⴰⴷ;
ⴰⴷ  ⵉⴹⵎⵏ ⴰⴼⵊⵊⵉⵊ ⵏ ⵇⴰⵃ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ ⵙ ⵓⴼⵔⴰⴳ ⵙⴳ ⵓⵙⵏⵓⵃⵢⵓ ⴷ ⵉⵎⵉⵥ ⵏⵏⵙⵏ ⵉ ⵉⵣⵎⴰⵣ ⵉⵏⴳⴰⴷⴷⴰⵏ ⴱⵍⴰ ⴰⵙⴽⴰⵔ ⵙ ⵓⵙⵡⵉⵔ ⵏ ⵓⵎⵎⵓⵄⴹⵕ;
ⴰⴷ ⵉⵙⵡⵓⵔⵉ ⵅⴼ ⵓⵙⴼⵔⴽ ⵏ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ ⵙ ⵢⴰⵏ ⵓⵏⴰⴳⵔⴰⵡ ⵏ ⵓⵏⴱⴹ ⴷ ⵜⵔⵏⴰⵡⵜ ⵏ ⵓⵙⵡⵉⵔ ⵏ ⵜⵡⵉⵙⵉ ⵜⵓⵍⴳⵉⵏⵜ;
ⴰⴷ ⵉⴹⵎⵏ ⵜⴰⴷⵔⵡⴰⵜ ⴳ ⵇⴰⵃ ⵉⵙⵡⵉⵔⵏ ⵏ ⵡⴰⵣⵣⴰⵏⵏ ⵉⵎⵎⵓⵄⴹⵕⵏ ⵙ ⵓⵎⵙⴰⵙⴰ ⴰⴽⴷ ⵜⵓⴳⴳⴰⵥⵜ ⵏ ⵜⵏⴰⴼⵓⵜ ⵜⴰⵎⵓⴼⴰⵢⵜ ⵏ ⵡⴰⵣⵣⴰⵏ.