ⵙ ⵜⵎⵍⴷⴰ ⵏ ⵓⵙⴳⴳⵯⴰⵙ ⴰⵎⴰⵢⵏⵓ 2022, ⵉⵍⵍⴰ ⵡⴰⴷⴷⵓⵔ ⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⴷ ⵜⵙⵙⵏⴽⴷ ⵉⵙⵉⵜⴰⵎ ⵣⴷⴷⵉⴳⵏⵉⵏ ⵉ ⵇⴰⵃ ⵜⵎⵖⵔⵉⴱⵉⵜⵉⵏ ⴷ ⵉⵎⵖⵔⵉⴱⵉⵢⵏ ⴷ ⵇⴰⵃ ⵉⵎⵣⴷⴰⵖⵏ ⵏ ⵓⵎⴰⴹⴰⵍ, ⵙ ⵜⴷⵓⵙⵉ ⴷ ⵜⵏⴼⵔⵓⵜ. ⴰⵏⴰⵔⵓⵣ ⵖ ⵉⴳⵉ ⴰⵣⵔⴼⴰⵏ ⴰⴽⵓⵢⴰⵙⵙ, ⴰⴼⴰⴷ ⴰⴷ ⵉⴳ ⵓⵙⴳⴳⵯⴰⵙ ⴰⵎⴰⵢⵏⵓ ⴰⵙⴰⵢⵔⴰⵔ ⵖ ⵎⵓⵏⵏ ⴰⴽⴽⵯ ⵡⴰⵇⵇⴰⵙⵏ ⵅⴼ ⵓⵏⴼⴰⵍⴰⵍ ⵏ ⵡⴰⴷⴷⴰⴷ ⵏ ⵓⵔⴳⴰⴳⴰ ⴰⵎⴰⴹⵍⴰⵏ ⵏⵏⴰ ⵉⴳⴰ ⵓⴱⴰⵢⵢⵓⵕ ⵏ ⴽⵓⴼⵉⴷ19 ⴷ ⵉⵙⵏⴼⵍⵏ ⵏⵏⵙ, ⴰⵎ ⴰⵏⴰⵡ ⴰⵏⵉⵍⴰⵡ ⵎⴰⵙ ⴳⴰⵏ ⵉⵣⵔⴼⴰⵏ ⵜⵉⵣⵉⴳⵣⵜ ⵜⴰⵙⴰⵜⵜⵓⵢⵜ ⵜⴰⵔⵎⵙⴽⵉⵍⵜ ⵖⵔ ⵜⵓⵎⵔⵜ ⵏ ⵓⴼⴳⴰⵏ, ⵎⴽⵏⵏⴰ ⴰⴽⴽⵯ ⴳⴰⵏⵜ ⵜⵎⵙⵓⵜⴰⵍ ⴷ ⵎⴽⵏⵏⴰ ⵎⵎⵔⵡⵉⵏ ⵉⵎⵊⵕⵉⵜⵏ, ⴰⵜⵜⵓⵢⵏⵜ ⵜⴰⴳⴰⵜⵉⵏ. ⵉⵍⵍⴰ ⵓⵏⴰⵔⵓⵣ ⴰⵡⴷ ⵖ ⵜⵉⵔⵎⵉⵜ ⵜⴰⵣⵔⴼⴰⵏⵜ ⵏ 2021, ⵍⵍⵉⵖ ⵜⴳⴰ ⵢⴰⵜ ⵜⴱⵔⵉⴷⵜ ⵏ ⵉⴳⵉ ⵏ ⵓⴳⴳⴰⵔ ⵏ ⵜⵓⴳⴳⴰⵙ ⵜⵉⴷⵖⵔⴰⵏⵉⵏ ⴷ ⵜⵏⵎⵏⴰⴹⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ, ⴰⴼⴰⴷ ⴰⴷ ⵜⵉⵍⵉ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵔⴰⵢ ⵙⴳ ⵜⵕⵥⵉ ⵏⵏⵙⵏ ⴷ ⵜⴰⵜⵜⵓⵢⵜ ⵏ ⵓⵏⴰⴳⵔⴰⵡ ⵏ ⵜⵉⵏⴷⵉⵜⵉⵏ ⵉⵏⵏⴰⵍⵏ ⵉⵙⴽⵉⵍ ⵉⵏⴳⵔ ⵉⵡⴷⴰⵏ ⴳ ⵡⴰⵎⵓⵏⵏ ⵏⵏⵉ ⵖ ⵉⴳⴰ ⵓⴼⵔⴰ ⴷ ⵓⵎⵢⴰⵡⴰⵙ ⴷ ⵜⴱⴷⴰⴷⵜ ⵜⴰⴷⴰⵙⵉⵍⵜ ⵏⵏⵙⵏ.