“ⵜⴰⵙⵉⵎⵔⴰⵡⵜ ⵏ ⵜⵉⴷⵜ ⴷ ⵓⵙⵓⵎⵓ ⴷ ⵓⵎⵙⴼⵔⵓ.. ⴰⴽⵜⵜⵓⵢ ⵏ ⵓⵙⵔⵙ ⴷ ⵓⵙⴰⴽⴰ”
13 ⵏ ⵜⵉⵏⴰⵡⵜ ⵜⴰⵡⵏⴳⵉⵎⵜ ⵙ ⵜⴷⵔⴰⵡⵜ ⵏ 76 ⵏ ⵓⵎⵙⴽⴰⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, 17 ⵏ ⵉⵏⵎⵓⵇⵇⴰⵔⵏ ⵉⵙⴽⵍⴰⵏⵏ ⵅⴼ ⵜⵥⵕⵉⴳⵉⵏ ⵏⵏⴰ ⵉⵙⴰⵡⴰⵍⵏ ⵅⴼ ⵜⵎⵙⴰⵔⵉⵏ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵜⵉⵜⵔⴰⵔⵉⵏ ⴷ ⵜⵉⵢⵢⴰⴹ ⵜⵉⵎⴰⵢⵏⵓⵜⵉⵏ...
ⴷⴰ ⵉⵙⴼⵓⴳⵍⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵣⵎⵣⵣⵓ ⵏ ⵉⵎⵓⵙⵙⵓⵜⵏ ⵏ ⵜⵙⵓⵜⵍⵜ ⵜⵉⵙ 29 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵙⴳ 09 ⴰⵔ 19 ⵎⴰⵢⵢⵓ 2024 ⴳ ⵓⵙⴰⵢⵔⴰⵔ ⵏ ⵙⵙⵡⵉⵙⵉ ⴳ ⵕⵕⴱⴰⵟ, ⴰⴽⵜⵜⵓⵢ ⵏ ⵉⵣⵔⵉ ⵏ ⵜⵉⵣⵉ ⵏ ⵙⵏⴰⵜ ⵜⵎⵔⴰⵡⵉⵏ ⵅⴼ ⵜⵉⵔⵎⵉⵜ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴷⴷⴰⵡ ⵏ ⵜⵎⴰⵜⴰⵔⵜ “ⵜⴰⵙⵉⵎⵔⴰⵡⵜ ⵏ ⵜⵉⴷⵜ ⴷ ⵓⵙⵓⵎⵓ ⴷ ⵓⵎⵙⴼⵔⵓ.. ⴰⴽⵜⵜⵓⵢ ⵏ ⵓⵙⵔⵙ ⴷ ⵓⵙⴰⴽⴰ”, ⵃⵎⴰ ⴰⴷ ⵏⵙⵉⵙⴼⵉⵡ ⵜⵉⵔⵎⵉⵜ ⵜⴰⵎⵣⵡⴰⵔⵜ ⴳ ⵓⵙⵡⵉⵔ ⴰⵏⴰⵎⵓⵔ, ⴰⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.
" ⵏⵥⵍⵉ ⴰⵙⵏⵜⵍ ⴰⴷⵙⵍⴰⵏ ⵏ ⵓⵙⴰⵢⵔⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⵉ ⵓⵙⴼⵓⴳⵍⵓ ⵙ ⵓⴽⵜⵜⵓⵢ ⵏ ⵜⵙⵉⵎⵔⴰⵡⵜ ⵏ ⵓⵙⵔⵙ ⴷ ⵓⵙⴰⴽⴰ, ⵓⵔ ⴷ ⵅⴼ ⴰⴼⴰⴷ ⴰⴷ ⵏⵙⵙⵉⵔⵉⵡ ⵜⴰⵥⵢⴰⵕⵜ ⵏ ⵓⵙⴼⵓⴳⵍⵓ ⵙ ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⴳ ⵍⵎⵖⵔⵉⴱ ⴷ ⵓⵙⵏⵎⵍ ⵉ ⵉⵏⵔⵣⴰⴼ ⵏ ⵓⵙⴰⵢⵔⴰⵔ ⵏⵖ ⴷ ⵉⵏⵔⵣⴰⴼ ⵏ ⵓⵙⴼⵙⵔ ⵅⴼ ⵜⵔⵙⴰⵍ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵉⵎⵓⴽⵏ ⵓⵣⵔⵉⴼⵏ ⴷ ⵉⴷⵙⵜⴰⵔⵏ ⵉⴽⵙⵡⴰⵜⵏ ⴷ ⵉⵙⴳⵓⴷⵉⵢⵏ ⵏⵉ ⴷ ⵜⴼⵍ, ⵎⴰⵛ ⴰⵡⴷ ⵉ ⵡⴰⴽⴰⵎ ⵏ ⵜⵡⵏⴳⵉⵎⵜ ⴷ ⵓⵎⴹⴰⴽⴰⵕ ⴷ ⵓⴱⵟⵟⵓ ⵏ ⵉⵎⵏⴰⴷⵏ ⴰⴽⴷ ⵉⵎⵙⵏⴼⵍⵓⵍ ⴷ ⵉⵎⴰⵔⴰⵜⵏ ⴷ ⵉⵎⴳⴰⵢⵏ ⴷ ⵡⴰⵎⵓⵏ ⵓⵖⵔⵉⵎ ⴷ ⵉⵎⵖⵔⴰⵏ ⴷ ⵉⵄⵔⵔⵉⵎⵏ ⴷ ⵉⵎⵃⴹⴰⵕⵏ ⴷ ⵡⴰⵣⵣⴰⵏ". ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⴰⵙⴰⵜⵔⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵖⵎⴽ ⵍⵍⵉ ⴱⴷⴷⴰ ⵉⴳⴰ, ⴷ ⴰⵙⴰⵢⵔⴰⵔ ⵉⵕⵥⵎⵏ ⴷ ⵢⵓⵎⴰⵏ ⵇⴰⵃ ⵉⵎⵙⵍⵍⵉⵜⵏ ⴷ ⵉⵙⵎⵉⵍⵏ, ⵏⵏⵓⵎⵙⵏⵜ ⵜⴳⵟⵟⵓⵎⵉⵏ ⵏⵏⵙ ⵅⴼ ⵜⵎⵙⴰⵔⵉⵏ ⵏ ⵜⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ ⴳ ⵜⵏⴰⵎⴽⵉⵏ ⵏⵏⵙ ⵜⵉⵎⵢⴰⵏⴰⵡⵉⵏ ⴷ ⵙⴳ ⵎⵏⵏⴰⵡ ⵏ ⵜⴰⵏⵏⴰⵢⵉⵏ ⵙ ⵉⵏⵎⵓⵇⵇⴰⵔⵏ ⵉⵙⴽⵍⴰⵏⵏ ⴷ ⵜⵉⵏⴰⵡⵉⵏ ⴷ ⵜⵓⴳⴳⴰ, ⴷ ⵓⵍⴰ ⵙ ⵜⴷⵔⴰⵡⵜ ⵏ ⵡⴰⵣⵣⴰⵏⵏ ⴷ ⵉⵄⵔⵔⵉⵎⵏ ⵙⴳ ⴽⵓⵍⵍⵓ ⵜⵉⵙⴳⴳⵯⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵎⵔⴰⵡ ⵏ ⵡⵓⵙⵙⴰⵏ, ⴰⵔ ⵢⴰⴽⴽⴰ ⵓⵙⵇⵇⵉⵎ ⵉ ⵉⵏⵔⵣⴰⴼ ⵏ ⵓⵙⴰⵢⵔⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⴽⵜⵓⵜ ⵙ ⵓⵙⵏⵎⴰⵍⴰ ⵏ13 ⵏ ⵜⵉⵏⴰⵡⵉⵏ ⵜⵉⵡⵏⴳⵉⵎⵉⵏ ⵏⵏⵉ ⵔⴰⴷ ⵙⵙⵓⵜⵉⵢⵏ, ⵙⵡⵓⴷⴷⵓⵏ ⵜⵏⵜ ⵉⵎⵓⵣⴰⵢⵏ ⴷ ⵉⵎⵙⴽⴰⵔⵏ ⵉⵎⵖⵔⵉⴱⵉⵢⵏ ⴷ ⵉⴱⵕⵕⴰⵏⵉⵢⵏ (76 ⵏ ⵓⵡⵔⵉⴽ ⵙⴳ ⵉⴳⵔⴰⵏ ⵉⵎⵢⴰⵏⴰⵡⵏ), ⴷ 17 ⵏ ⵓⵏⵎⵓⵇⵇⴰⵔ ⴰⵙⴽⵍⴰⵏ ⵅⴼ ⵎⵏⵏⴰⵡ ⵏ ⵉⴷⵍⵉⵙⵏ ⵉⵙⴰⵡⴰⵍⵏ ⵅⴼ ⵜⵎⵙⴰⵔⵉⵏ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵜⵉⵜⵔⴰⵔⵉⵏ ⴷ ⵜⵉⵢⵢⴰⴹ ⵜⵉⵎⴰⵢⵏⵓⵜⵉⵏ ⵍⵍⵉ ⵢⴰⵎⵓⵏ ⴳ ⵉⵙⵉⵣⵡⵉⵔⵏ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ, ⴷ ⵓⵍⴰ ⵜⴰⴷⵔⴰⵡⵜ ⵏ 250 ⵏ ⵜⴰⵣⵣⴰⵏⵜ ⴷ ⵡⴰⵣⵣⴰⵏ ⵙⴳ 12 ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⴷ ⵓⴼⵙⵔ ⵏ ⵜⵥⵕⵉⴳⵉⵏ ⵏ ⵓⵙⵇⵇⵉⵎ ⵙⴳ ⵜⴰⵏⴰⴹⵉⵏ ⵜⵉⵙⴳⵯⵙⴰⵏⵉⵏ ⴷ ⵉⵙⴳⵓⵎⵏ ⴷ ⵜⵎⴽⵜⵉⵜⵉⵏ ⴷⵉⵎⵏⴰⴷⵏ, ⴷ ⵓⴳⴳⴰⵔ.
ⵙⴳ ⵉⵙⴳⵓⵎⵏ ⵉⴽⵙⵡⴰⵜⵏ ⵏ ⵉⵎⴹⴰⴽⴰⵕⵏ ⴷ ⵉⵎⵙⴰⵡⴰⵍⵏ ⴳ ⵓⵙⴰⵢⵔⴰⵔ ⵏ ⵓⵙⵇⵇⵉⵎ: “ⵜⴰⵙⴽⵍⴰ ⴳ ⵢⵉⵔⵉⵎ ⵏ ⵉⵙⵏⵜⵔⵏ ⵉⵜⵔⴰⵔⵏ ⵎⵇⵇⵓⵔⵏ”; “ⵜⴰⵙⴽⵍⴰ ⴷ ⵉⵎⵉⵙ ⵏ ⵓⵡⵏⵏⵉ ⴷ ⵜⵏⴽⵔⴰ ⵙ ⵓⵎⵢⴰⵏⴰⵡ ⴰⴷⵍⵙⴰⵏ”; “ⵜⴰⵙⵉⵎⵔⴰⵡⵜ ⵏ ⵜⵉⴷⵜ ⴷ ⵓⵙⵓⵎⵓ ⴷ ⵓⵎⵙⴼⵔⵓ : ⴰⴽⵜⵜⵓⵢ ⵏ ⵓⵙⵔⵙ ⴷ ⵓⵙⴰⴽⴰ”; “ⵜⴰⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵉⵙⵇⵙⵉⵜⵏ ⵏ ⵜⵎⴽⵜⵉⵜ ⴷ ⵓⵎⵣⵔⵓⵢ"; ⵜⵉⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵜⵉⴷⵙⵍⴰⵏⵉⵏ ⴷ ⵜⵎⴰⵢⵏⵓⵜⵉⵏ”; “ⵜⴰⴷⵔⴰⵡⵜ ⵜⴰⵏⵎⵓⵔⵉⵜ ⵏ ⵉⵄⵔⵔⵉⵎⵏ ⴳ ⵓⵎⵏⴰⴹ ⵏ ⵉⵙⵏⴼⵍ ⵉⵏⴰⵎⵓⵏ”, “ⴰⵙⴷⵓⵙ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵜⴰⴳⵜ ⵉⴼⵔⴷⵉⵙⵏ ⴷ ⵉⵎⵓⵖⵍ: ⴰⵙⵖⵜⵙ ⵏ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵜⴰⵏⵓⵕⵥⵎⵜ ⵜⴰⵎⴰⴷⴷⵓⴷⵜ”, “ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵉⵙⵉⵜ ⵏ ⵜⵎⴽⵜⵉⵜ ⴷ ⵓⵎⵣⵔⵓⵢ”, “ⴰⵣⵔⴼ ⴳ ⵡⴰⵎⴰⵏ ⴳ ⵓⵎⵏⴰⴹ ⵏ ⵜⴰⵙⵙⴰⵙⵜ”, “ⵜⴰⵏⵙⵙⵉⵅⴼⵜ ⵏ ⵍⵎⵖⵔⵉⴱ ⵉ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ : ⴰⵎⵢⴰⵖ ⵏ ⵍⵎⵖⵔⵉⴱ ⴰⴽⴷ ⵓⵏⴰⴳⵔⴰⵡ ⵏ ⵜⵎⵜⵜⴰ ⵉⵎⵓⵏ”, “ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴳ ⵓⵙⵖⵍⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⵙ ⵡⴰⵔ ⴰⵍⴰⵙ”, “ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ.. ⴰⵎⵏⴰⴷ ⴰⴳⵔⴰⵖⵍⴰⵏ”, “ⵙⴳ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴰⵔ ⴰⴷⵓⵙⵜⵓⵔ”.
ⵔⴰⴷ ⵉⵙⴷⵍ ⵓⵙⴰⵢⵔⴰⵔ ⵏ ⵓⵙⵇⵇⵉⵎ ⵉⵎⴹⴰⴽⴰⵕⵏ ⵉⵕⵥⵎⵏ ⵉ ⵓⵙⵎⵏⵉⴷ ⵏ ⵡⵓⵏⴳⴰⵍⵏ ⴷ ⵜⵥⵕⵉⴳⵉⵏ ⴷ ⵜⵖⵓⵔⵉⵡⵉⵏ ⵍⵍⵉ ⵙⵙⵓⵜⵉⵢⵏ ⵎⵏⵏⴰⵡ ⵏ ⵉⵎⴰⵔⴰⵜⵏ ⴷ ⵉⵎⴷⵢⴰⵣⵏ ⴷ ⵉⴼⵍⵙⴰⴼⵏ, ⴳⵉⵙⵏ: ⵄⴱⴷⵍⵍⴰⵟⵉⴼ ⵍⵍⴰⵄⴱⵉ (ⵍⵎⵖⵔⵉⴱ), ⵛⴰⵔⵍⵉⵏ ⵉⴼⴰ (ⵍⴳⴰⴱⵓⵏ), ⵟⴰⵕⵉⵇ ⵍⵄⴰⵔⵉⵙ (ⵍⴱⴰⵏⵓⵏ), ⴰⵃⵎⴰⴷ ⵃⴰⴷⴷⴰⵛⵉ (ⵍⵎⵖⵔⵉⴱ), ⵎⵓⵏⵉⴽ ⵉⵍⴱⵓⴷⵓ (ⴱⵓⵔⴽⵉⵏⴰⴼⴰⵚⵓ), ⵄⵓⵎⴰⵕ ⴰⵢⵜ ⵙⵄⵉⴷ (ⵍⵎⵖⵔⵉⴱ), ⴽⵓⵏⵙⵉⵍⵉ ⴱⵉⵊⵉⵕⴰⵎⴰⵏⴰ (ⵍⴱⵓⵕⵓⵏⴷⵉ), ⵙⴰⵄⵉⴷ ⴱⵍⵖⵔⴱⵉ (ⵍⵎⵖⵔⵉⴱ), ⴼⵉⵔⵓⵏⵉⴽ ⵟⴰⴷⵊⵓ (ⴽⵓⵜⴷⵉⴼⵡⴰⵕ), ⵜⴰⵡⴼⵉⵇ ⵍⵡⴰⴷⵉⵄ (ⵍⵎⵖⵔⵉⴱ), ⵄⵓⵜⵎⴰⵏ ⵙⵉⵍⵓⵎ (ⵍⵎⵖⵔⵉⴱ).
ⴰⵎ ⴽⵓ ⴰⵙⴳⴳⵯⴰⵙ, ⵔⴰⴷ ⵉⵍⵉⵏ ⵉⵏⵔⵣⴰⴼ ⵏ ⵓⵙⴰⵢⵔⴰⵔ ⵏ ⵓⵙⵇⵇⵉⵎ, ⵏⵏⴰ ⵉⵙⴽⵔⵏ ⵉⵙⴰⴷⴰⴼⵏ ⴳ ⵜⴰⵎⵓ ⴰⵡⴷ ⵜⵓⵜⵍⴰⵢⵜ ⵏ ⵜⵎⴰⵜⴰⵔⵜ, ⵜⴰⴽⵜⵓⵜⵉⵏ ⵏ ⵜⵉⴼⴰⵡⵜ ⵉⵕⵚⴰⵏ ⴷ ⵜⴳⵟⵟⵓⵎⵉⵏ ⵜⵉⵏⴰⵥⵓⵕⵉⵏ ⵉ ⵡⴰⵣⵣⴰⵏⵏ ⵙⴳ 12 ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⵏⵏⴰ ⵔⴰⴷ ⵉⴳ ⴰⵣⵎⵣⵣⵓ ⵏ ⵓⵎⵢⴰⵖ ⴰⴽⴷ ⵉⵡⵏⵏⵉⵜⵏ ⵏⵏⵙⵏ ⴷ ⵓⵙⵙⴼⵍⴷ ⵙ ⵜⵎⵙⴰⵔⵉⵏ ⵏⵏⵙⵏ ⴷ ⵉⵙⵏⴼⵍⵓⵍⵏ ⵏⵏⵙⵏ, ⴳ ⵓⵙⵎⵀⵍ ⵏ ⵓⵎⵏⵣⴰⵢ ⵏ ⵜⴷⵔⴰⵡⵜ ⵏ ⵡⴰⵣⵣⴰⵏⵏ ⵏⵏⵉ ⵅⴼ ⵉⵜⵜⵏⵄⴰⵕ ⵓⵙⵇⵇⵉⵎ ⴰⴷ ⵢⵉⵍⵉ ⵓⵙⵎⵔⵙⵍ ⵏⵏⵙ.
