ⵖ ⵜⵉⵣⵡⴰⵔⵉⵏ ⵏ ⵡⴰⵙⵙ ⴰⴷ, ⴰⴽⵡⴰⵙ 2 ⵏⵓⵡⴰⵏⴱⵉⵔ 2023, ⴳ ⵓⵙⵖⵉⵎ ⵏ ⵜⵣⵍⵖⴰ ⵜⴰⵎⵓⵃⵎⵎⴰⴷⵉⵜ ⵏ ⵉⵎⵓⵙⵏⴰⵡⵏ ⴳ ⵕⵕⴱⴰⵟ, ⵜⴻⵜⵜⵓⵙⴳⵎⴹ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵉ ⵓⵙⵔⵓⵙ ⵏ "ⵡⴰⵎⵎⴰⵙ ⵏ ⵓⵎⵙⴼⵔⵓ", ⵜⵙⵙⴳⵎⴹ ⵜⵜ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⴷ ⵎⴰⵙⵙ ⴰⵃⵎⴰⴷ ⵄⴱⴱⴰⴷⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵣⵍⵖⴰ ⵜⴰⵎⵓⵃⵎⵎⴰⴷⵉⵜ ⵏ ⵉⵎⵓⵙⵏⴰⵡⵏ, ⵎⵓⵃⵎⵎⴰⴷ ⵚⴰⵍⵃ ⵜⵜⴰⵎⴽ, ⴰⵎⴰⵔⵉ ⴰⵎⴰⵜⴰⵢ ⵏ ⵜⵎⵙⵙⵓⴳⵓⵔⵜ ⵏ ⵉⵖⵣⵓⵜⵏ ⴷ ⵡⴰⵍⴰⵙ ⵏ ⵓⵙⵉⴷⴼ, ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⴷ ⵄⴱⴷ ⵍⵡⴰⵃⴷ ⵊⴰⵎⴰⵍ ⴰⵍⵉⴷⵔⵉⵙⵉ, ⴰⵎⵣⴷⴰⵢ ⴰⵎⴰⵜⴰⵢ ⵏ ⵜⵏⵓⴼⴰ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵡⴰⵍⴰⵙ ⵏ ⵓⵙⵉⴷⴼ ⵏ ⵉⵎⵖⵣⵓⵜⵏ.
ⵜⵙⵡⵓⵜⵜⵙ ⵜⵎⵢⴰⵇⵇⴰⵏⵜ ⴰⴷ ⴰⵍⴰⵙ ⵏ ⵓⵙⵎⴷⵉ ⴷ ⵓⵙⵉⴷⴼ ⵏ ⵉⵎⵖⵣⵓⵜⵏ ⵉⵜⵜⵡⴰⵏⴱⴰⴹⵏ ⵅⴼ ⵜⵎⵙⴰⵔⵉⵏ ⵏ ⵜⵉⵟⵟⵓⵕⴼⴰ ⴷ ⵓⴱⵔⵙⵉⵡⴷ ⴷ ⵉⴳⵉ ⵏ ⴽⵉⴳⴰⵏ ⵏ ⵜⵕⵡⵉ ⴳ ⵜⴷⵔⴰⵡⵜ ⵜⴰⵎⵔⵙⴰⵍⵜ ⵉⵍⵍⴰⵏ ⵉⵏⴳⵔ ⵜⴼⵓⵍⵉⵏ ⵏⵏⵉ ⵉⵙⴳⵎⴹⵏ ⴷ ⵉⵎⴷⵔⴰⵡⵏ ⵢⴰⴹⵏⵉⵏ ⴷ ⵉⵎⴳⴳⴰⵢⵏ ⵉⵎⵔⵙⴰⵍⵏ. ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵉⵙⵉⵙⴼⵉⵡ ⵎⴰⵙⵙ ⴰⵃⵎⴰⴷ ⵄⴱⴱⴰⴷⵉ ⵎⴰⵙ ⵉⵙⵡⵓⵜⵜⵙ ⵓⵙⵔⵓⵙ ⵏ ⵡⴰⵎⵎⴰⵙ ⴰⴷ ⴰⵙⴷⵓⵙ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⵏⵏⵉ ⵉⵜⵜⵢⴰⵡⴰⴹⵏ ⴳ ⵓⵖⴰⵡⴰⵙ ⵏ ⵓⵎⵙⴼⵔⵓ ⵉ ⵡⴰⵍⴰⵙ ⵏ ⵓⵙⵎⴷⵉ ⴷ ⵓⵙⵉⴷⴼ ⵏ ⵉⵎⵖⵣⵓⵜⵏ ⵏⵏⵉ ⵉⵜⵜⵡⴰⵏⴱⴰⴹⵏ ⵅⴼ ⵜⵎⵙⴰⵔⵉⵏ ⵏ ⵜⵉⵟⵟⵓⵕⴼⴰ ⴷ ⵓⴱⵔⵙⵉⵡⴷ, ⵏⵏⵉ ⵉⴼⴽⴰⵏ ⵜⴰⵢⴰⴼⵓⵜ ⵉⵕⵡⴰⵏ ⴳ ⵓⵙⴱⴷⴷⵉ ⵏ ⵜⵉⵟⵟⵓⵕⴼⴰ ⵏ ⵉⵎⵖⵣⵓⵜⵏ ⵏ ⵜⵎⵔⵙⴰⵍ ⵏ ⵉⵖⵣⵓⵜⵏ, ⴷ ⴰⵡⴷ ⴰⴼⴰⴷ ⴰⴷ ⵉⵣⴷⵉ ⵓⵖⴰⵡⴰⵙ ⴰⴷ, ⵉⵜⵜⵓⵙⵎⵔⵙⵍ, ⵉⴱⵓⵖⵍⵓ ⵉⴳⵉ ⵏⵏⵙ".
ⵔⴰⴷ ⵉⵜⵜⴳⴳⴰ ⵡⴰⵎⵎⴰⵙ ⴰⴷ ⵜⵉⵙⵎⵉⴳⴰⵍ ⵜⵉⵎⴰⵢⵏⵓⵜⵉⵏ ⴰⵎ ⴰⵙⵖⵉⵡⵙ ⵏ ⵉⵖⴰⵡⴰⵙⵏ ⵏ ⵡⴰⵔⴰⵢ ⵙⴳ ⵉⵎⵉⵣⵉⵜⵏ ⵏ ⵜⴹⵓⵕⵉ ⴳ ⵜⵉⵟⵟⵓⵕⴼⴰ, ⵉⴳⵉ ⵏ ⵉⵙⵡⵓⴷⴷⵓⵜⵏ ⵣⵎⵔⵏⵉⵏ ⴰⴷ ⴼⵔⴳⵏ ⵜⴰⵡⵏⵏⴰⴹⵜ ⵜⴰⵡⵊⴰⵡⴰⵏⵜ ⵜⵓⵙⵔⵉⴷⵜ ⵏ ⵉⵏⴱⵖⵓⵔⵏ ⵙⴳ ⵓⵖⴰⵡⴰⵙ ⵏ ⵓⵎⵙⴼⵔⵓ ⵙⴳ ⵉⵎⵉⵣⵉ ⵏ ⵜⴼⵍⵙⵜ ⵙ ⵜⵡⵏⴳⵉⵎⵉⵏ ⵜⵉⵎⵟⵟⴰⵕⴼⵓⵜⵉⵏ, ⴷ ⵉⴳⵉ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⴷ ⵉⵏⵎⵓⵇⵇⴰⵔⵏ ⴷ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵏⵏⵉ ⴷ ⴷⴰⵔ ⴰⵣⴷⴰⵢ, ⴷ ⵓⴳⴳⴰⵔ.
ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵣⵣⴳⵉⵔ ⵏ "ⵓⵖⴰⵡⴰⵙ ⵏ ⵓⵎⵙⴼⵔⵓ", ⵏⵏⵉ ⵜⵙⵎⵓⵜⵜⴳ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⴳⵓⵔⵜ ⵏ ⵉⵖⵣⵓⵜⵏ ⴷ ⵡⴰⵍⴰⵙ ⵏ ⵓⵙⵉⴷⴼ ⴰⴽⴷ ⵉⵎⴷⵔⴰⵡⵏ ⵏⵏⵙ, ⵙⴳ ⵍⵍⵉⴳ ⵉⵙⵙⵏⵜⵉ ⵙ ⵓⵙⵎⵏⵉⴷ ⵏ ⵜⵙⴷⴷⵉⵜⵉⵏ ⴷ ⵢⵓⵡⵉⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵓⵎⵙⴼⵔⵓ ⴳ ⵍⵎⵖⵔⵉⴱ ⴷ ⴽⵔⴰ ⵏ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ, ⴰⵙⴱⴷⴷⵉ ⵏ ⵢⵉⵏⴰⵡ ⵏ ⵓⵙⵉⵎⵎⵕ ⵅⴼ ⵜⴽⵕⴹⵉ ⴷ ⵓⴽⵙⴰⵏ, ⴰⵙⵉⵙⴼⵉⵡ ⵏ ⵜⵉⵍⴰⵍⵉⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴳⴳⴰⵔ.