ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵖⴰⵔⵜ, ⵉⵙⵙⵎⵖⵔ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵏⵖⵎⴰⵙⵜ ⴷ ⵓⵎⵢⴰⵡⴰⴹ ⴳ ⵜⴳⵎⵎⵉ ⵜⵓⵎⵍⵉⵍⵜ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴰⵙⵙ ⵏ ⵓⴽⵡⴰⵙ 16 ⵎⴰⵕⵚ 2023 ⴳ ⵢⴰⵜ ⵜⴼⵓⴳⵍⴰ ⴷⴷⴰⵡ ⵜⵎⴰⵜⴰⵔⵜ “ⵎⴰⵕⵕⴰ ⵏⵏⵖ, ⴷⴰ ⵏⵜⵜⵎⵙⵎⵓⴷ ⴰⵔ ⵏⵜⵜⵚⴽⵓ”.

ⴳ ⵜⵉⵣⵉ ⵍⵍⵉ ⵖ ⵢⵓⵎⵥ ⵜⴰⵙⵎⵖⵓⵔⵜ ⵏⵏⵙ ⵙ ⵜⵎⵓⵔⴰⵢⵜ ⵅⴼ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵉⵙⵉⵙⴼⵉⵡ ⵎⴰⵙⵙ ⵎⵓⵏⵉⵔ ⴱⵏⵚⴰⵍⵃ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵉⴳⴰ ⵓⵙⵙⵎⵖⵔ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵢⴰⵏ ⵓⵣⵎⵣ ⵏ ⵜⵓⵙⵏⵜ ⵙ ⵜⵎⵓⴼⴰⵢⵜ ⵏ ⵓⴱⵔⵉⴷ ⵏⵏⵙ ⴷ ⵜⵓⴳⴳⴰⵣ ⵏⵏⵙ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ. ⵉⵙⵉⵙⴼⵉⵡ ⵎⴰⵙⵙ ⴱⵏⵚⴰⵍⵃ ⵎⴰⵙ ⵢⵓⵡⵙ ⵓⴷⵓⵙⵜⵓⵔ ⵏ 2011 ⴳ ⵜⵙⵖⵣⵏⵜ ⵏ ⴽⵉⴳⴰⵏ ⵏ ⵉⴹⵕⵉⵚⵏ ⵓⵍⴳⵉⵏⵏ ⵏⵏⵉ ⵉⵙⴷⵓⵙⵏ ⴰⵎⵏⵣⴰⵢ ⵏ ⵜⵎⵣⵣⴳⵏⵜ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵜⵓⴳⵜ ⵏ ⵢⵉⴳⵔⴰⵏ, ⵎⵇⵇⴰ ⴷ ⵉⵇⵇⴰⵏ ⴰⴷ ⵜⵜⵓⴳⴰⵏⵜ ⵓⴳⴳⴰⵔ ⵏ ⵜⵓⴳⴳⴰⵣ ⴰⴼⴰⴷ ⴰⴷ ⵜⴻⵜⵜⵓⵏⴼⵔⵓ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴳ ⵜⵉⵍⴰⵡⵜ.

ⴳ ⵓⵎⵏⵉⴷ ⴰⴷ, ⵉⵙⵙⴽⵜⵉ ⵙ ⵜⵓⵎⴰⵢⵜ ⵏ ⵜⴰⵏⴰⴹⵜ ⵏ ⵓⵙⵇⵇⵉⵎ ⵏ ⵓⵙⵔⵇⴱ ⵅⴼ ⵓⵙⵙⵉⵡⴹ ⵅⴼ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⴷ ⵓⵙⴱⴷⴷⵉ ⵏ ⵓⴼⴼⵔⵜⵍ ⵙⴳ ⵜⵎⵔⵔⵓⵜ, ⵉⵖⵔ ⵉ ⵉⵎⵃⴹⴰⵕⵏ ⵙ ⵜⵡⵓⵔⵉ ⵉⴳⴳⵓⵜⵏ ⵅⴼ ⵜⵎⵢⴰⴷⴰⵙⵜ ⵏ ⵉⵎⵔⵙⵉ ⴰⴷ ⴳ ⵢⵉⴳⵔ ⴰⵏⵖⵎⴰⵙ. ⵜⴻⵜⵜⵡⴰⵙⵙⴰⵏ ⵜⴼⵓⴳⵍⴰ ⴰⴷ ⵙ ⵓⵙⵎⵖⵔ ⵏ ⵡⵓⴷⵎⴰⵡⵏ ⵏ ⵜⵡⵜⵎⵉⵏ ⵏⵏⵉ ⵉⵙⴽⵔⵏ ⴽⵉⴳⴰⵏ ⵏ ⵜⵡⵓⵔⵉⵡⵉⵏ ⴳ ⵢⵉⴳⵔ ⵏ ⵜⵙⵔⵜⵉⵜ ⴷ ⵜⴷⴰⵎⵙⴰ ⴷ ⵜⵥⵓⵕⵉ ⴷ ⵜⵓⵏⵏⵓⵏⵜ ⴷ ⵓⵏⵖⵎⵙ. ⵎⴽⴷⴰ ⵜⴻⵜⵜⵡⴰⵙⵙⴰⵏ ⵙ ⵓⴼⵙⵔ ⵏ ⵉⵙⵓⵔⴰ ⵅⴼ ⵓⴱⵔⵉⴷ ⵏ ⵜⵉⴷⴰ ⵉⵜⵜⵓⵙⵎⵖⵔⵏ ⴷ ⵉⵕⵓⴱⵓⵕⵟⴰⵊⵏ ⵅⴼ ⵜⵡⵜⵎⵉⵏ ⵉⵣⵎⵔⵏ ⴰⴷ ⴰⴷⴼⵏⵜ ⴳ ⵡⴰⵎⵓⵏ, ⵎⵓⵔⵙⵏⵜ ⴳ ⵓⴱⵔⵉⴷ ⵏⵏⵙⵏ ⴰⵣⵣⵓⵍⴰⵏ, ⴰⵡⵙⵏⵜ ⴳ ⵜⵣⵣⵉⴳⵣⵜ ⵏ ⵓⵙⵏⵎⴰⴷⴷⵓ ⵏ ⵜⴳⵎⵉ ⴳ ⵓⴳⵏⵙ ⵏ ⵡⴰⵎⵓⵏ.