ⵖ ⵙⵉⵏ ⵡⵓⵙⵙⴰⵏ ⴳ ⵎⵕⵕⴰⴽⵛ, ⴰⴷ ⵔⴰⴷ ⵜⵎⵓⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (GANHRI), ⵏⵏⵉ ⴳ ⴰⵎⵓⵏⵜ ⴳ ⵜⴳⵎⴰⵎⵜ ⵏⵏⵙ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ 119 ⵏ ⵓⵡⴰⵏⴽ. ⵜⵙⵜⵉ ⵜⴰⴹⴰ ⵜⴰⵎⴰⴹⵍⴰⵏⵜ ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵜⵖⵔⵎⵜ ⵜⴰⵣⴳⴳⵯⴰⵖⵜ ⴰⴷ ⵜⵙⴷⵍ ⴰⵏⵎⵓⵇⵇⴰⵔ ⴰⵎⵣⵡⴰⵔⵓ ⵙ ⵜⵉⵍⵉⵜ ⵉ ⵉⵏⴳⵎⴰⵎⵏ ⵏⵏⵙ ⵙⴳ ⵍⵍⵉⴳ ⵉⵙⵙⵏⵜⵉ ⵓⴱⴰⵢⵢⵓⵕ (ⴽⵓⴼⵉⴷ-19). 

ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵎⴰⵙⵙⴰ ⵎⵔⵢⵎ ⵄⴰⴱⴷⴰⵍⵍⴰⵀ ⴰⵍⵄⴰⵟⵉⵢⵢⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵇⴰⵟⴰⵕ. ⵜⴻⵜⵜⵡⴰⵙⵏⵎⴰⵍⴰ ⵜⵙⵎⵓⵏⵉ ⴰⴷ ⴳ ⵍⵎⵖⵔⵉⴱ ⵃⵎⴰ ⴰⴷ ⵉⵜⵜⵓⴷⵉⵡⵍ ⵅⴼ ⵉⵙⵉⵣⵡⵉⵔⵏ ⵏⵏⵙ ⵉⵙⵜⵔⴰⵜⵉⵊⵉⵢⵏ ⵏ ⵜⴰⴹⴰ ⴳ ⵉⵙⴳⴳⵯⴰⵙⵏ ⵉⵏⴹⴼⴰⵕⵏ, ⴳ ⵓⵣⵎⵣ ⵏ ⵜⵓⵙⵏⵜ ⵉⴳⴳⵓⵜⵏ ⵙ ⵜⵉⵍⴰⵍⵜ ⵏⵏⵉ ⵜⵜⵓⵔⴰⵔⵏⵜ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⵏ ⵜⵖⵜⴰⵙⵉⵏ ⵏ ⵜⵎⵜⵜⴰ ⵉⵎⵓⵏⵏ, ⵙ ⵓⵥⵍⴰⵢ, ⴷ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵙ ⵓⵎⴰⵜⴰ. 

"ⵜⴰⵔⵏⴰⵡⵜ ⵏ ⵜⵓⵙⵏⵜ ⵙ ⵜⵉⵍⴰⵍⵉⵏ ⵏⵏⵖ ⴷ ⵜⴷⵔⴰⵡⵉⵏ ⵏⵏⵖ ⵉⵙⵔⵙ ⴼⵍⵍⴰⵖ ⵜⴰⵎⵙⵜⴳⴳⴰⵔⵜ ⵜⴰⵎⵇⵇⵔⴰⵏⵜ ⵉ ⵓⴼⵔⴰⴳ ⵏ ⵓⵏⴳⵉⵙⵏ ⴷ ⵜⵏⴼⵔⵓⵜ ⵏ ⵓⴱⵓⵔⵣ ⴰⵏⴼⴳⴰⵏ, ⵉⴷⴷⵖ ⵏⴳⴰ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵉⵥⵟⵟⴰⵜⵏ ⵉⵙⴳⴰⵡⴰⵏⵏ ⴷ ⵜⴰⴹⴰ ⵜⴰⵎⴰⴹⵍⴰⵏⵜ, ⵍⵓⵎⵎⵏ ⴳ ⵉⵎⵏⴰⴹⵏ ⵏ ⵜⴰⵙⵙⴰⵙⵉⵏ ⵜⵉⵎⴰⴹⵍⴰⵏⵉⵏ, ⵏⵏⵉ ⵉⵜⵜⴹⵉⵚⵏ ⴽⵉⴳⴰⵏ ⴷ ⵙ ⵓⵙⵔⵉⴷ ⵅⴼ ⵉⵣⵔⴼⴰⵏ ⵉⴷⵎⵙⴰⵏ ⴷ ⵉⵏⴰⵎⵓⵏⵏ ⴷ ⵉⵣⵔⴼⴰⵏ ⵏ ⵉⵙⵎⵉⵍⵏ ⴽⵓⴽⴹⵏⵉⵏ", ⴰⴷ ⵜⵏⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵉⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ. 

ⵉⵥⵟⵟⴰⵜⵏ ⵏⵏⵖ ⴷ ⵜⴰⴹⴰ ⵏⵏⵖ, ⵜⵔⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ "ⵉⵅⵚⵚⴰ ⵜⵏ, ⴰⵙⵙ ⴼ ⵡⴰⵙⵙ, ⴰⴷ ⵙⵡⵓⵔⵉⵏ ⵅⴼ ⵜⵎⵙⴰⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵜⵓⵖⴰⵡⵍⵏⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵓⵣⵎⵣ ⵏ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵜⵓⵙⵓⵔⵉⵏ ⵏ ⵓⴱⴰⵢⵢⵓⵕ ⴷ ⵡⴰⵔ ⴰⵙⵕⵚⵚⴰ ⴷ ⵓⴼⵓⴽⵜⵉ ⴷ ⵉⵎⵏⵖⴰⵏ.. ⵏⵏⵉ ⵉⵙⵔⴰⵙⵏ, ⴳ ⴽⵉⴳⴰⵏ ⵏ ⵉⵎⵏⴰⴹⵏ, ⵜⴰⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⴳⴰⵔ ⴰⵙⵓⵔⵙ". 

ⵅⴼ ⵉⴳⴳⵉ ⵏ ⵓⵖⴰⵡⴰⵙ ⵏⵏⵙ ⴰⵙⵜⵔⴰⵜⵉⵊⵉ ⵏ ⵜⵡⵓⵔⵉ ⴷ ⵓⵎⵙⴳⴷⴰⵍ ⵏ ⵉⵏⴰⵥⴰⵕⵏ ⵏⵏⵉ ⵣⵓⵛⵛⵍⵏ ⵉⵎⵏⴰⴹⵏ ⵉⴳⵔⴰⵖⵍⴰⵏ ⵏ ⵖⵉⵍⴰⴷ, ⵔⴰⴷ ⵎⴹⴰⴽⴰⵕⵏ ⵉⵎⴷⵔⴰⵡⵏ ⵏ ⵜⵙⵎⵓⵏⵉ ⵏ ⵓⵙⵉⵔⴰ ⴰⵖⴰⵡⴰⵙ ⵏ ⵉⵎⵓⵙⵙⵓⵜⵏ ⵏⵏⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵓⵙⴼⵓⴳⵍⵓ ⵙ ⵓⴽⵜⵜⵓⵢ ⵡⵉⵙ ⴽⵕⴰⵎⵔⴰⵡ ⵏ ⵉⵎⵏⵣⴰⵢⵏ ⵏ ⴱⴰⵔⵉⵣ ⵙⵏⵎⴰⵍⴰⵏⵉⵏ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⴽⴽⵓⵎⵔⴰⵡ ⵏⵏⵉ ⵔⴰⴷ ⵉⵜⵜⵓⵙⵏⵎⴰⵍⴰ ⵜⵉⴳⵉⵔⴰ ⵏ 2023. 

ⵉ ⵓⵙⴽⵜⵉ, ⴷⵔⵓⵏ ⴳ ⵜⵙⵎⵓⵏⵉ ⴰⴷ, ⵏⵏⵉ ⵔⴰⴷ ⵣⵣⵉⴳⵣⵏⵜ ⵜⵡⵓⵔⵉⵡⵉⵏ ⵏⵏⵙ ⴰⵔ 28 ⴽⵟⵓⴱⵕ 2022, ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⴳⵏⵙⴰⵙ ⵏ ⵉⵥⵟⵟⴰⵜⵏ ⵏ ⵜⴰⴹⴰ. ⴰⴳⴰⵎ ⵏ ⵜⴳⵓⵔⵉ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ