ⵉⵎⴷⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵎⴰⵙⵙⵏ ⵏ ⵓⵏⵏⵖⵎⵙ ⵉⵜⵜⵓⵙⵍⵍⴰⵏ ⴷ ⵡⵉⴷⴰ ⵉⵜⵜⵢⴰⵔⴰⵏ ⴷ ⵉⵍⵉⴽⵟⵕⵓⵏⵉⵢⵏ ⵜⵉⵙⴳⵓⵔⵉⵡⵉⵏ ⵏ ⴽⵔⴰ ⵏ ⵓⵎⵥⵉⵢⵏ ⵏⵉⵖ ⵉⵎⵜⵔⵓⴳⵏ ⵉⴽⴽⴰⵏ ⵏⵉⵖ ⵙⵓⵍⵏ ⴳⴰⵏ ⵉⵎⵓⴳⵣⵏ ⵏ "ⵡⴰⵎⵎⴰⵙ ⴰⵏⴰⵎⵓⵏ ⵚⵚⴰⴷⴰⵇⴰ ⴳ ⵟⴰⵏⵊⴰ", ⴷⴰ ⴳⵉⵙ ⵜⵜⵉⵏⵉⵏ ⵎⴰⵙ ⴰⵙⵏ ⴳⴰⵏ ⴽⵔⴰ ⵏ ⵉⵎⵙⵙⵓⵜⵉⵢⵏ ⵅⴼ ⵡⴰⵎⵎⴰⵙ ⵜⴰⴷⵓⵜ ⵜⴰⵡⵙⵢⴰⵏⵜ ⴷ ⵜⴽⵕⴹⵉ ⴷ ⵓⵎⵔⵎⴷ, ⵙⴳⵉⵙⵏ ⵙⵉⵏ ⵖⵓⵔⵙⵏ ⵜⴰⵡⵎⴰⵏⵉⵜ ⵜⴰⵚⴱⵍⵢⵓⵏⵉⵜ. ⵜⴳⴰ ⵢⴰⵜ ⵜⵔⴰⴱⴱⵓⵜ ⵙⴳ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ ⵉⵙⴰⴳⴳⵯⵏ ⵉⵎⵣⵡⵓⵔⴰ ⵏⵏⵉ ⵖ ⵜⴳⴰ ⴰⵡⴷ ⴰⵙⵙⴼⵍⴷ ⵙ ⵡⴰⵣⵣⴰⵏⵏ ⵉⵣⵎⵔⵏ ⴰⴷ ⴳⵏ ⵓⵏⴳⵉⵙⵏ. ⴳ ⵓⵣⵎⵣ ⵍⵍⵉ ⵖ ⴷⴰ ⵉⵜⵜⵙⴷⴷⵉⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵉⵣⵎⵔ ⵎⴰⵢⴰ ⴷ ⵍⵍⵉ ⵉⵊⵕⴰⵏ ⴳ ⵜⵎⵔⵙⵍⵜ ⴰⴷ ⵜⴰⵏⴰⵎⵓⵏⵜ, ⵏⵏⴰ ⴳⴰⵏ ⵉⵎⵙⵜⴳⴳⴰⵔⵏ ⵏⵏⵙ, ⵜⵉⵕⵥⵉ ⵜⵉⵎⵉⵣⵉⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⴷ ⵉⴳⵉⵜⵏ ⵏⵏⴰ ⵅⴼ ⵉⵜⵜⴳⴰ ⵓⵙⵍⴳⵏ ⵜⴰⵎⵔⵔⵓⵜ, ⵉⵜⵜⵓⵖⵜⵙ ⴰⴷ ⵜⵜⵓⵙⵙⵉⵡⴹⵏⵜ ⵜⵢⴰⴼⵓⵜⵉⵏ ⵉⵜⵜⵓⵣⵎⵎⴰⵎⵏ ⵅⴼ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵙ ⵓⵙⵖⵍⴼ ⵏ ⵓⵕⵥⵥⵓⵎ ⵏ ⵓⵙⴰⴳⴳⵯ ⴳ ⵉⵎⵔⵙⵉ ⴷ ⵓⵙⵙⵓⴷⵙ ⵏ ⵉⵙⴳⵍⴰⵍⵏ ⵓⵍⴳⵉⵏⵏ ⵅⴼ ⵎⴰⵢⴰ ⵏⵏ. ⵎⴽⴷⴰ ⵉⵙⵡⴰⵍⴰ ⵓⵙⵇⵇⵉⵎ ⵢⴰⵜ ⵜⴰⵎⵢⴰⵣⴰⵏⵜ ⵅⴼ ⵓⵙⴳⵓⵎ ⴰⴷ ⵉ ⵜⵎⴰⵡⴰⵙⵜ ⵏ ⵜⵡⵉⵙⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵊⵉⵡⵉⵏ ⴰⴼⴰⴷ ⴰⴷ ⵜⵜⵓⴳⴰ ⵜⵖⴱⵉ ⴳ ⵓⵔⵣⵣⵓ ⴳ ⵓⵙⵡⵉⵔ ⴰⵎⵙⵙⵓⴳⵓⵔ ⵜⵜⵓⵙⵡⵓⵜⵜⴰⵏⵜ ⵜⵎⵙⵜⴳⴳⴰⵔⵉⵏ ⵅⴼ ⵎⴰⴷ ⵉⵊⵕⴰⵏ, ⵜⵜⵡⴰⵙⴰⵢⵏⵜ ⵇⴰⵃ ⵜⵎⴳⴳⵉⵜⵉⵏ ⵜⵉⵏⴱⵣⴰⵣⵉⵏ ⵏ ⵡⴰⵔⴰⵢ ⵉ ⵓⴼⵔⴰⴳ ⵏ ⵉⵎⵓⴳⵣⵏ ⵏ ⵡⴰⵎⵎⴰⵙⵏ ⵉⵏⴰⵎⵓⵏⵏ. ⵉⵔⴰ ⵙⵓⵍ ⵉⵎⵉⵙ ⴰⵏⴰⵎⵓⵔ ⵏ ⵜⵙⴰⵖⵓⵍⵜ ⵏ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏⵏ ⵖ ⵓⵙⵇⵇⵉⵎ ⴰⴷ ⵉⴹⴼⵓⵕ ⵜⵉⵖⵜⴰⵙ ⵏⵏⴰ ⵔⴰⴷ ⴷ ⵉⴼⴼⵓⵖ ⵅⴼ ⵜⵎⴳⴳⵉⵜⵉⵏ ⵉⵜⵜⵡⴰⵙⴰⵢⵏ.
ⵉⵜⵜⵡⴰⴼⵙⴰⵔ ⴳ
