ⴷⴰ ⵜⵙⵙⵉⵅⵉⴼ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⵉⴼⴰⵡⵜ ⵏ ⵡⴰⵙⵙ ⴰⴷ ⴰⵢⵏⴰⵙ 30 ⵎⴰⵕⵚ, ⴰⴳⵔⴰⵡ ⵏ ⵜⴳⵔⵓⵎⵎⴰ ⵜⴰⴼⵔⵉⵇⵉⵢⵜ ⵏ ⵜⵣⵡⴰⴳⵜ, ⵏⵏⴰ ⵉⵜⵜⵓⴳⴰⵏ ⴳ ⵜⴳⴰⴷⵉⵔⵜ ⵏ ⵜⵎⵜⵜⴰ ⴳ ⵊⵉⵏⵉⴼ, ⵙ ⵜⵉⵍⵉⵜ ⵏ ⵉⴳⵏⵙⴰⵙⵏ 23 ⵏ ⵓⵡⴰⵏⴽ ⴰⴼⵔⵉⵇⵉ. 
ⴰⵔ ⵉⴽⵛⵛⵎ ⵓⴳⵔⴰⵡ ⴰⴷ, ⴳ ⵓⵙⴰⵜⵉ ⵏ ⵜⵡⵓⵔⵉ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⵙⵙⵉⵅⴼ ⵍⵎⵖⵔⵉⴱ, ⵙ ⵡⵓⴷⵎ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⵥⵍⵉ ⵜⵡⵓⵔⵉ ⵏ ⵜⴳⵔⵓⵎⵎⴰⴰⴷ ⵙ ⵜⵣⵡⴰⴳⵜ ⴷ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⴷ ⵜⵣⵡⴰⴳⵉⵏ. ⴷⴰ ⵜⵙⵎⵓⵏ ⵜⴳⵔⵓⵎⵎⴰⴰⴷ ⴳ ⵉⴳⵎⴰⵎⵏ ⵏⵏⵙ, ⴰⴽⴷ ⵍⵎⵖⵔⵉⴱ, ⵏⵉⵊⵉⵔⵢⴰ, ⴽⵉⵏⵢⴰ, ⴱⵓⵔⵓⵏⴷⵉ, ⵣⵉⵎⴱⴰⴱⵡⵉ, ⴰⴽⴷ ⵎⵓⵔⵉⵙⵢⵓⵙ ⴷ ⵎⵓⵔⵉⵜⴰⵏⵢⴰ (ⴰⵎ ⵉⴳⵎⴰⵎⵏ ⵉⵎⵏⵥⴰ). 

ⴳ ⵜⴳⵓⵔⵉ ⵏⵏⵙ ⵏ ⵓⵕⵥⵥⵓⵎ, ⵜⵙⵙⵉⵡⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵣⴳ ⵉⵎⵙⵉⵡⴰⴹ ⵏ ⵜⴰⵙⵙⴰⵙⵜ ⵜⴰⴳⵔⴰⵖⵍⴰⵏⵜ ⵅⴼ ⵉⵣⵔⴼⴰⵏ ⴷ ⵉⵣⵔⴼⴰⵏ ⵏ ⵜⵣⵡⴰⴳⵜ, ⵙ ⵢⴰⵜ ⵜⵍⵖⴰ ⵜⴰⵥⵍⴰⵢⵜ, ⴳ ⵢⴰⵏ ⵓⵙⴰⵜⵉ ⴰⵎⴰⴹⵍⴰⵏ ⵏⵏⴰ ⴳ ⵜⵜⴼⵔⵓⵔⵓⵢⵏ ⴰⴽⴷ ⵉⵜⵙ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ. 

ⴰⵔ ⵜⵜⵉⵏⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷⴷⴰⵡ ⵏ ⵡⴰⵍⴰⵢ ⵏ ⵜⵙⵔⵜⴰⵢ ⵜⵉⵢⵢⴰⵏⵉⵏ ⵏⵏⴰ ⵉⴽⵔⵔⴼⵏ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⴷ ⵜⵎⵣⵡⴰⴳⵉⵏ, ⴷ ⵜⴳⵎⵉ ⵏ ⵓⵎⵎⵔⴽⵙ ⴳⵔ ⵜⵙⵔⵜⵉⵜ ⵜⵙⵓⵎⴰⵔ ⵏ ⵜⵣⵡⴰⴳⵜ ⴷ ⵜⵔⵎⵉⵜ ⵏ ⵓⵣⴷⴰⵢ ⵏⵏⵙ ⵙ ⵡⵓⵛⵛⵉⵍ ⵖⴰⵙ ⴷ ⵜⵜⵙⵓⵎⴰⵔ ⵏ ⵜⵏⴼⵔⵓⵜ, ⵍⵓⵎⵎⵏ ⴳⵉⵡⴰⵏⴽⵏ ⵏ ⵓⴳⴰⴼⴰⵢ, ⴰⴽⴷ ⴰⵡⴷ ⵉⵎⵏⵣⴰⵖⵏ ⵉⵊⵢⵓ ⵉⵙⵔⵜⴰⵏⵏ ⴷ ⵓⴷⴷⵉⵔⵣ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵅⵚⵚⴰ ⵏ ⵉⵙⵓⴳⴰⵎ,  ⴰⵔ ⵜⵜⵖⵉⵎⴰⵏⵜ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵉⵣⵣⵓⴳⵔⴰ  ⵏ ⵜⵎⵔⵙⴰⵍ ⵜⵉⵏⵎⵣⴰⵖⵉⵏ ⵅⴼ ⵡⴰⵔⴰⵢ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵏⵡⵓⴳⴳⵉⴷⵏ ⴳ ⵜⵎⴰⵙⵙⵉⵜ, ⴰⵢⴰ ⴰⴷ ⵙ ⵓⵊⵎⵉⵍⵏ ⵏ ⵜⵎⵙⴳⴳⴰⵔⵉⵏ ⵜⴰⴳⵉⵎⵏⵉⴷⵏ. 

ⴰⵔ ⵜⵜⵉⵏⵉ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ.  "ⴷⴰ ⵏⵜⵜⵊⵊⵎ ⴳ ⵓⵏⵄⴰⵕ ⵏⵏⵖ ⴰⴳⵔⴰⵖⵍⴰⵏ, ⴳ ⵊⵉⵏⵉⴼ ⴷ ⵏⵢⵓⵢⵓⵔⴽ, ⵖⵔ ⵉⵙⵍⵍⵡⵉ ⵏ ⵜⴱⵔⴷⵉⵏ ⵏ ⵓⵎⵢⴰⵡⴰⵙ ⵏⵏⴰ ⵉⵥⴹⴰⵕⵏ ⵉ ⵓⴹⴰⴽⴰⵍ ⵏ ⵢⴰⵏ ⵡⴰⵔⴰⵢ ⵉⵛⵏⴰⵏ ⵉ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⵊⴰⵊ ⵏ ⵓⵙⴰⵢⵔⴰⵔ ⵏⵏⵖ ⴰⴼⵔⵉⵇⵉ"  
ⵉⵅⵚⵚⴰ ⴰⴷ ⵏⵙⵏⵄⵜ ⵎⴰⵙ ⵜⴳⴰ ⵜⵓⵙⵓⵍⵜ ⵏ ⵓⵏⵄⴰⵕ ⴰⴼⵔⵉⵇⵉ ⴷ ⵓⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⴷ ⴱⵟⵟⵓ ⵏ ⵜⵙⵏⵙⵉ ⵉⵛⵏⴰⵏ, ⴰⵎ ⵓⵢⵏⵏⴰ ⵜⵥⵍⵉ ⵜⵡⵓⵔⵉ ⵏ ⵜⴳⵔⵓⵎⵎⴰ ⵏ ⵜⵣⵡⴰⴳⵜ ⵜⴰⴼⵔⵉⵇⵉⵢⵜ ⴳ ⵜⵉⵔⵎⵜ ⴰⴷ ⵙ ⵓⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳ ⵕⵕⴱⴰⵟ (ⵉⴱⵔⵉⵔ 2025) ⴰⴽⴷ ⵜⴳⵔⵓⵎⵎⴰ ⵏ ⵜⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵉⵎⵙⵡⵓⵔⵉⵏ ⵉⵎⵣⵡⴰⴳⵏ. ⴰⵔ ⵜⵜⵓⵎⴰⵏ ⵜⵉⵎⵖⵔⵜ ⵏ ⵓⵎⵙⴰⵙⴰ ⴰⴷ ⴳ ⵓⵙⵕⵚⵚⴰ ⵏ ⵢⴰⵏ ⵓⵙⴰⵜⵉ ⴰⵎⵔⵙⴰⵍ ⵉⵜⵜⵓⵙⵏⵎⴰⵍⴰⵏ ⵉ ⵓⵎⵢⴰⵡⴰⵙ ⴷ ⵓⵎⵔⴰⵔⴰ ⵏ ⵓⵎⵍⴰⵏ ⴷ ⵓⵣⴷⴷⵓⵢ ⵏ ⵜⵎⴰⴳⵍⴰⵢⵉⵏ ⵏ ⵓⵏⵄⴰⵕ ⴼⴰⴷ ⴰⴷ ⵜⵜⵓⵙⵙⵔⵇⴱⵏ ⵉⵡⴰⵏⴽⵏ ⵅⴼ ⵓⵙⵖⵣⵏ ⴰⵎⴳⵔⵓ, ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⴹⴼⴼⵓⵕ ⴷ ⵓⵣⵣⴳⵉⵔ, ⵙ ⵓⵢⵏⵏⴰ ⵉⵜⵜⵓⵎⴰⵏ ⴰⵙⵖⵓⵏ ⵉⵛⵛⴰⵔⵏ ⵉ ⵓⵙⴷⵓⵙ ⵏ ⵡⴰⵔⴰⵢ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⴷ ⵡⵓⴳⴳⵉⴷⵏ ⵏⵜⵡⵊⵉⵡⵉⵏ ⵏⵏⵙⵏ ⴷ ⵓⵙⵕⵚⵚⴰ ⵏ ⵜⴷⵔⴰⵡⵜ ⵜⴰⵙⵓⵍⴰⵏⵜ ⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵉⵢⵏ ⴷ ⵓⵏⴳⵔⴰⵡ ⵏⵜⵎⵜⵜⴰ. 

ⵙ ⵜⵎⵔⵏⴰ ⵉ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⴳ ⵉⵡⴰⵏⴽⵏ ⵉⵏⴳⵎⴰⵎⵏ ⴳ ⵜⴳⵔⵓⵎⵎⴰ, ⴷⵔⴰⵏ ⴳ ⵓⴳⵔⴰⵡ ⴰⴷ ⵉⴳⵏⵙⴰⵙⵏ ⴷ ⵜⴳⵏⵙⴰⵙⵉⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵣⵉ ⵍⵎⵖⵔⵉⴱ, ⴽⴰⵎⵉⵔⵓⵏ, ⵉⵜⵢⵓⴱⵢⴰ, ⵏⵉⵊⵉⵔⵢⴰ, ⴳⴰⵎⴱⵢⴰ, ⴳⴰⵏⴰ, ⵜⵓⴳⵓ, ⵣⵉⵎⴱⴰⴱⵡⵉ, ⵎⵉⵚⵕⴰ, ⵜⴰⴳⴷⵓⴷⴰⵏⵜ ⵏ ⴽⵓⵏⴳⵓ ⵜⴰⴷⵉⵎⵓⵇⵕⴰⵟⵉⵜ, ⴱⵓⵔⵓⵏⴷⵉ, ⴽⵓⵏⴳⵓ, ⵍⵉⴱⵢⴰ, ⵣⴰⵎⴱⵢⴰ, ⵉⴼⴼⵓⵙ ⵏ ⴰⴼⵔⵉⵇⵢⴰ, ⵚⵓⵎⴰⵍ, ⵏⴰⵎⵉⴱⵢⴰ, ⵎⵓⵔⵉⵙⵢⵓⵙ, ⵙⵉⵏⵉⴳⴰⵍ, ⵉⵅⴼ ⴰⵣⴳⵣⴰⵡ, ⵎⵓⵔⵉⵜⴰⵏⵢⴰ ⴷ ⴽⵓⴷⵉⴼⵡⴰⵔ. 

ⵉⵜⵜⵓⴳⴰ ⵓⴳⵔⴰⵡ ⵏ ⵜⴳⵔⵓⵎⵎⴰ ⵜⴰⴼⵔⵉⵇⵉⵢⵜ ⴳ ⵊⵉⵏⵉⴼ, ⵙ ⵜⵎⵍⴷⴰ ⵏ ⵜⴷⵔⴰⵡⵜ ⵏ ⵉⵎⵔⵙⴰⵍⵏ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵔⴱⴰⵢⵜ ⴰⴷ ⴳ ⵜⵡⵓⵔⵉⵡⵉⵏ ⵏ ⵜⴳⵔⴰⵡⵜ ⵜⴰⵎⴰⵜⴰⵢⵜ ⴷ ⵓⴳⵔⴰⵡ ⴰⵙⴳⵙⴰⵏ ⵏ ⵜⴼⵔⴳⴰⵏⵜ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⴷⴰ ⵜⵙⵙⵉⵅⵉⴼ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ.