ⵔⴰⴷ ⵉⵙⵏⵓⴱⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵉⵜⵢⵓⴱⵢⴰ, ⵍⵍⵉ ⵔⴰⴷ ⵉⵙⵙⵉⵅⴼ ⵎⴰⵙⵙ ⴷⴰⵏⵢⵉⵍ ⴱⵉⴽⵉⵍ, ⵙⴳ 18 ⴰⵔ 21 ⴷⵓⵊⴰⵏⴱⵉⵔ 2023, ⵃⵎⴰ ⴰⴷ ⵉⵙⵙⵍⴽⵎ ⵉ ⵓⵙⵇⵇⵉⵎ ⵜⵉⵔⵉⵎⵜ ⵏⵏⵙ ⴰⵎⵎ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵓⵃⵟⵟⵓ ⴷ ⵓⵙⴱⵓⵖⵍⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵎⵢⴰⵙⵙⵜⵏ ⴷ ⵜⵎⵔⵙⴰⵍ ⵏ ⵉⴳⵎⴰⵎⵏ ⵏ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⴼⵔⵉⵇⵉⵢⵉⵏ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴱⵟⵟⵓ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ. ⴰⵎⵓⵏ ⴳ ⵓⵖⴰⵡⴰⵙ ⵏ ⵓⵔⵣⴰⴼ ⵉⵎⴹⴰⴽⴰⵕⵏ ⵅⴼ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵎⵏⵏⴰⵡ ⵏ ⵢⵉⴳⵔⴰⵏ, ⵣⵓⵏ ⴷ ⵜⵉⴹⴼⵕⵉ ⴷ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵎⴽⵍ ⵏ ⵜⵏⵓⵔⵣⵉⵏ, ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ, ⴷ ⵓⵙⵎⴽⵍ ⵏ ⵉⵏⵖⵎⵉⵙⵏ ⵙ ⵓⵙⵎⵔⵙ ⵏ ⵉⵎⴰⵙⵙⵏ ⵏ ⵜⵙⵏⵎⴰⵍⴰⵢⵜ, ⴷ ⵉⵣⵔⴼⴰⵏ ⵏ ⵉⴱⵕⵕⴰⵏⵉⵢⵏ, ⴷ ⵓⴼⵔⴰⴳ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴷ ⵡⴰⵣⵣⴰⵏⵏ, ⴷ ⵓⴳⴳⴰⵔ. ⵉⵍⵍⴰ ⴳ ⵓⵖⴰⵡⴰⵙ ⵏ ⵓⵔⵣⴰⴼ ⴰⴷ ⵏ ⵜⵖⵓⵔⵉ ⴰⴱⵟⵟⵓ ⵏ ⵜⵉⵔⵎⵉⵜⵉⵏ ⵅⴼ ⵜⵥⵍⴰⵢⵜ ⴷ ⵜⵙⵎⵉⴳⴰⵍ ⴷ ⵉⵎⵓⵙⵙⵓⵜⵏ ⵏ ⵜⵎⵔⵙⴰⵍⵉⵏ ⵜⵉⴳⴷⵓⴷⴰⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴷ ⵉⵜⵢⵓⴱⵢⴰ, ⵙ ⵓⵙⴷⴷⵉⴷ ⵅⴼ ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ.

ⴳ ⵓⵣⵎⵣⵣⵓ ⵏ ⵓⵔⵣⴰⴼ ⴰⴷ, ⵔⴰⴷ ⵜⴻⵜⵜⵓⴼⵙⴰⵔ ⵜⵉⵔⵎⵉⵜ ⵏ ⵓⵙⵇⵇⵉⵎ, ⵏⵏⵉ ⵉⴳⴰⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵍⵍⵉ ⵉⵙⴷⵍⵏ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ.

ⵔⴰⴷ ⵉⴱⴷⵓ ⵓⵏⵎⵓⵇⵇⴰⵔ ⴰⴷ ⴰⵙⵙ ⵏ ⵓⵙⵉⵏⴰⵙ 18 ⴷⵓⵊⴰⵏⴱⵉⵔ ⵙⴳ ⵜⵙⵔⴰⴳⵜ 10 ⵏ ⵜⴼⴰⵡⵜ ⴳ ⵓⵙⵉⵏⴰⴳ ⵏ ⵕⵕⴱⴰⵟ ⵉⴷⵔⵉⵙ ⴱⵏⵣⴽⵔⵉ.