ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵙⵎⵓⵏⵉ ⵏⵏⵙ ⵜⵓⵏⵣⵉⵍⵜ ⴰⵙⵙ ⵏ ⵓⵙⵉⵎⵡⴰⵙ 13 ⵉⵏⵏⴰⵢⵔ 2023, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵙ ⵓⵎⵙⴰⵙⴰ ⴰⴽⴷ ⵓⵙⵍⴳⵏ ⵓⵟⵟⵓⵏ 76.15 ⵣⴷⵉⵏⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵙⴱⴷⴰⴷⵏ ⵏ ⵓⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ.
ⴳ ⵜⵣⵡⵉⵔⵉ ⵏ ⵜⵙⵎⵓⵏⵉ, ⵜⵓⴳⴳⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵉ ⵉⴳⵎⴰⵎⵏ ⵏ ⵓⵙⵉⵔⴰ ⵙ ⵓⵖⴰⵡⴰⵙ ⵏ ⵓⵙⵇⵇⵉⵎ ⴳ ⵓⵙⴳⴳⵯⴰⵙ ⵏ 2023, ⵙⵍⴰⵡⴰⵏ ⴰⴽⴽⵯ ⵜⴰⵥⵕⵉⴳⵜ ⵏ ⴽⵕⴰⴹⵜ ⵜⴰⵏⴰⴹⵉⵏ ⵏⵏⵉ ⵉⵙⵖⵣⵏ ⵓⴳⵔⴰⵡ ⴰⵎⴰⵜⴰⵢ ⴳ ⵜⵙⵎⵓⵏ ⵏⵏⵙ ⵏ ⴽⵟⵓⴱⵕ 2022. ⴰⵣⴷⵉ ⵓⵙⴽⴽⵉⵏ ⵙ: ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ 2022, ⴰⵙⵖⵏⵓ ⵏ ⵜⵎⵙⵙⴽⵜⵉⵜ ⵅⴼ ⵡⴰⴷⴷⴰⴷ ⵏ ⵜⵥⵡⴰⵢⵜ ⵏ ⵡⴰⵎⴰⵏ, ⵔⴰⴷ ⵜⵜⵓⵙⵎⵏⵉⴷ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵓⵏⵖⵉⵍⵜ ⵜⴰⵎⴳⴳⴰⵔⵓⵜ ⵏ ⵓⵙⵖⵏⵓ ⵏ ⵜⴰⵏⴰⴹⵜ ⵉⵥⵍⵉⵏ ⵙ ⵓⵙⵔⵇⴱ ⵏ ⵓⵙⵙⵉⵡⴹ ⵅⴼ ⵜⵎⵙⴰⵔⵉⵏ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ, ⵉⵜⵜⵓⵙⵎⵓⵜⵜⴳ ⴳ ⵓⵙⴰⵜⵉ ⵏ ⵓⵎⵣⵉⵣⵣⵍ ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴳ ⵜⵉⵣⵉ ⵏ ⵢⴰⵏ ⵓⵙⴳⴳⵯⴰⵙ, ⴷⴷⴰⵡ ⵜⵎⴰⵜⴰⵔⵜ "ⴰⵙⵔⵇⴱ ⵏ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⵜⵓⵏⴳⵉⵙⵉⵏ ⵏ ⵜⴽⵕⴹⵉ ⵅⴼ ⵓⵙⵙⵉⵡⴹ ⴷ ⵓⵙⴱⴷⴷⵉ ⵏ ⵜⵔⵡⵍⴰ ⵙⴳ ⵜⵎⵔⵔⵓⵜ".
ⵎⴽⴷⴰ ⵜⵓⴳⴳⴰ ⵎⴰⵙⵙⴰ ⴱⵓⵄⵢⵢⴰⵛ ⵉ ⵉⴳⵎⴰⵎⵏ ⵏ ⵓⵙⵉⵔⴰ ⵙ ⵓⵕⵥⵥⵓⵎ ⵏ ⵉⵎⵛⴰⵡⴰⵕⵏ ⵉⵏⵎⵏⴰⴹⵏ ⴰⴽⴷ ⵡⴰⵣⵣⴰⵏⵏ ⴷⴷⴰⵡ ⵜⵎⴰⵜⴰⵔⵜ "ⵏⴽⴽ ⴰⴷ ⵉⵜⵜⵖⵜⴰⵙⵏ ⵜⵓⵖⵓⵍⵜ ⵉⵏⵓ" ⵏⵏⵉ ⵔⴰⴷ ⵉⵜⵜⵡⴰⵕⵥⴰⵎ ⵙⴳ ⵜⵎⵏⴰⴹⵜ ⵏ ⴳⵍⵎⵉⵎ - ⵡⴰⴷ ⵏⵓⵏ ⴳ ⵡⴰⵢⵢⵓⵔ ⵏ ⴱⵕⴰⵢⵕ ⴰⵏⴹⴼⴰⵕ. ⵜⵙⵉⵡⵍ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵉ ⵉⴳⵎⴰⵎⵏ ⵏ ⵓⵙⵉⵔⴰ ⵅⴼ ⵉⵙⵙⵓⴷⵙⵏ ⵉⵎⴳⴳⵓⵔⴰ ⵏⵏⴰ ⵉⴳⴰ ⵓⵙⵇⵇⵉⵎ ⵃⵎⴰ ⴰⴷ ⵉⵙⵏⵎⴰⵍⴰ ⴰⵏⵎⵓⵇⵇⴰⵔ ⴰⵎⴰⴹⵍⴰⵏ ⵕⵕⴱⴰⵟ ⵉⵣⵡⵓⵔⵏ ⵉ ⵓⵙⴳⵔⴰⵡ ⴰⵎⴰⴹⵍⴰⵏⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵢⵢⵓⵔ ⵏ ⴱⵕⴰⵢⵕ 2023, ⵔⴰⴷ ⴷ ⵢⴰⵡⵉ ⵓⵏⵎⵓⵇⵇⴰⵔ ⴰⴷ ⵅⴼ ⵉⵣⵣⵉⴳⵣⵏ ⵉⵣⵔⴼⴰⵏⵏ ⵉⵎⵇⵇⵔⴰⵏⵏ ⵉⵎⴳⴳⵓⵔⴰ ⴷ ⵉⵎⵙⴰⵔⴰⵙⵏ ⵣⴷⵉⵏⵉⵏ ⵙ ⵜⵎⵙⴰⵔⵉⵏ ⵏ ⵜⵣⵔⴼⵜ ⵏ ⵓⵎⵓⵜⵜⵉ, ⴰⵃⵟⵟⵓ ⵏ ⵜⵎⴽⵜⵉⵜ, ⵜⴰⵎⵣⵡⴰⴳⵜ, ⵉⵙⵏⴼⵍⵏⵏ ⵏⵓⵏⵣⵡⵉ, ⴳ ⵓⵙⵙⵓⵊⴷ ⵉ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵎⴰⵕⵚ ⴰⵏⴹⴼⴰⵕ ⴳ ⵜⵎⴰⵥⵓⵏⵜ ⵏ ⵍⴰⵕⵊⵓⵏⵜⵉⵏ ⴱⵢⵓⵏⵉⵙ ⴰⵢⵔⵉⵙ. ⵎⴽⴷⴰ ⵉⴷⵉⵡⵍ ⵓⵙⵉⵔⴰ ⵅⴼ ⵜⴰⵏⴰⴹⵉⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵜⴰⵏⴰⴹⵉⵏ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵙ ⴽⵕⴰⴹ
