202 ⵏ ⵜⵔⵣⵣⵉⴼⵜ ⵉ ⵡⴰⵏⵙⵉⵡⵏ ⵏ ⵜⴼⴰⵜⵉⵜ ⵣⴳ ⵜⵍⴻⵍⵍⵉ

156 ⵏ ⵜⴰⵏⴰⴹⵜ ⵏ ⵜⵔⵣⵣⵉⴼⵜ

ⵚⴹⵉⵚ ⵏ ⵜⴰⵏⴰⴹⵉⵏ ⵜⵉⵙⴳⴳⵯⵙⴰⵏⵉⵏ

ⵉⵙⵖⵍⴰⴼ ⴷ ⵓⵎⵢⴰⵖ ⴷ ⵓⵙⵎⵀⵍ

ⵉⴷⵔⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ / ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ, ⴰⵙⵙ ⵏ 11 ⵖⵓⵛⵜ 2026, ⴳ ⵜⵉⵏⴰⵡⵜ ⵜⵎⴳⵔⵓⵜ ⵜⵉⵙⵙ ⵙⵏⴰⵜ ⵅⴼ ⵓⴱⵕⵓⵟⵓⴽⵓⵍ ⴰⵔⵓⵛⵛⵉⵍ ⵏ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵓⵙⵔⴼⵓⴼⵏ ⴷ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⴳ ⵉⴼⵔⵉⵇⵢⴰ ⵏ ⵉⴼⴼⵓⵙ, ⵙ ⵜⵜⵉⵇⵏⵉⵜ ⵏ ⵓⵎⵢⴰⵡⴰⴹ ⵙ ⵓⵣⴰⵔⵓ.

ⵜⵜⵓⵙⵏⵎⴰⵍⴰ ⵜⵉⵏⴰⵡⵜ ⴰⴷ ⵣⴳ ⵜⵏⵉⵍⴰ ⵜⵙⵎⵉⵔⵉⵜ ⵜⴰⵏⴰⴼⵍⵍⴰⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵙⵇⵇⵉⵎⵜ ⵜⴰⵏⴰⵢⵢⴰⵡⵜ ⵏ ⵓⴳⴷⴷⵓⵍ ⵏ ⵓⵙⵔⴼⵓⴼⵏ, ⴷ ⵜⵎⵙⵎⵓⵏⵜ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ, ⴷ ⵓⵥⵟⵟⴰ ⴰⴼⵔⵉⵇⵉ ⵏ ⵉⵎⴰⵙⵙⵏ  ⵉⵏⴰⵎⵓⵔⵏ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ, ⵙ ⵜⴷⵔⴰⵡⵜ ⵏ 108 ⵏ ⵓⵓⴳⵏⵙⴰⵙ  ⵜⵎⵏⴰⴹⵉⵏ ⵜⵓⵏⴱⵉⴹⵉⵏ ⴷ ⵜⵉⵏⵏⴰ ⵓⵔ ⵉⴳⵉⵏ ⵜⵉⵏⴱⵉⴹⵉⵏ, ⵣⴳ ⴷⵉⴽⵙⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ, ⴷ ⵜⵎⵜⵜⴰ ⵉⵎⵓⵏⵏ, ⴷ ⵜⵎⴰⴷⴷⴰⵙⵉⵏ ⵓⵔ ⴳⵉⵏⵉⵏ ⵜⵓⵏⴱⵉⴹⵉⵏ, ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⴳ ⵜⵉⵏⴰⵡⵜ ⴰⴷ, ⵉⵙⵙⵎⵏⵉⴷ ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵣⴳ ⵓⵙⵔⴼⵓⴼⵏ / ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵎⴰⵖⵓⵏⵜ ⵏⵏⵙ ⵉ ⵓⵣⵎⵣ  ⵏ 2020-2025, ⵏⵏⴰ ⵢⵉⵡⴹⵏ 202 ⵏ ⵜⵔⵣⵣⵉⴼⵜ ⵉ ⵡⴰⵏⵙⵉⵡⵏ ⵏ ⵜⴼⴰⵜⵉⵜ ⵣⴳ ⵜⵍⴻⵍⵍⵉ, ⴷ ⵓⵙⵎⵓⵜⵜⴳ ⵏ 156 ⵏ ⵜⴰⵏⴰⴹⵜ ⵉ ⵜⵔⵣⵣⵉⴼⵉⵏ, ⴷ ⵓⴼⵙⴰⵔ ⵏ ⵚⴹⵉⵚ ⵏ ⵜⴰⵏⴰⴹⵉⵏ ⵜⵉⵙⴳⴳⵯⵙⴰⵏⵉⵏ.

ⴰⵎ ⵓⵢⵏⵏⴰ ⵉⵙⵎⴰⵜⵔ ⵉⵎⵉⵙ ⵅⴼ ⵜⵎⵢⴰⴷⴰⵙⵜ ⵏⵏⵙ ⵉⴱⴷⴷⵏ ⵅⴼ ⵓⵎⵙⴰⵡⴰⵍ ⴰⵎⵚⴽⴰⵡ ⴰⴽⴷ ⵜⵎⵏⴰⴹⵉⵏ ⴷ ⵜⵏⴱⴰⴹⵉⵏ ⵜⵉⵎⵥⵍⴰⵢⵉⵏ , ⴷ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵉⴼⴼⵖⵏ ⵣⵉ ⵖⵓⵔⵙ.

ⴰⵎ ⵓⵢⵏⵏⴰ ⵉⵙⵙⵉⴷⴷ ⵉⵎⵉⵙ ⵅⴼ ⵓⵎⵢⴰⵡⴰⵙ ⵏⵏⵙ ⴰⴽⴷ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵓⵙⵡⵓⴷⴷⵓ ⵏ ⵉⵙⵖⵣⵓⵜⵏ ⴷ ⵡⴰⵍⴰⵙ ⵏ ⵓⵙⵉⴷⴼ, ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴷ ⵓⵜⵊⴹⵕⵎⵜ ⵜⴰⴳⵍⴷⴰⵏⵜ, ⵍⵓⵎⵎⵏ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⴰⵎⵏⵣⵓ ⴷ ⵓⵙⵎⵓⵜⵜⴳ ⴰⵙⵓⵍⴰⵏ ⵉ ⵡⵓⴳⴳⵉⴷⵏ ⵓⵎⴳⵉⵍⵏ ⵙ ⵓⵣⵣⴳⵉⵔ ⵏ ⵓⵙⵍⴳⵏ. ⵉⵙⴷⴷⵉⴷ ⴰⵡⴷ ⵎⴰⵙ ⴷⴰ ⵜⵜⵎⵢⴰⵖⵏⵜ ⵜⵏⴱⴰⴹⵉⵏ ⵙ ⵢⴰⵏ ⵜⴰⵍⵖⴰ ⵜⵓⵎⵏⵉⴳⵜ ⴰⴽⴷ ⵉⵙⵖⵍⴰⴼ ⵏⵏⵙ.

ⴽⴽⴰⵏⵜ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ, ⵜⴰⵎⴰⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵢⵜ, ⵅⴼ ⵜⵙⵓⵎⴰⵔ ⵏ ⵓⵙⵔⵓⵙ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⴷ ⵜⵕⵡⵉ ⵏ ⵜⵡⵓⵔⵉ ⵏⵏⵙⵏ, ⴷ ⵓⴹⴼⴼⵓⵕ ⵏ ⵡⴰⵏⵙⵉⵡⵏ ⵏ ⵜⴼⴰⵜⵉⵜ ⵣⴳ ⵜⵍⴻⵍⵍⵉ, ⴷ ⵓⵙⴷⵓⵙ ⵏ ⵜⵙⵉⵎⴰⵏⵜ ⵏⵏⵙⵏ ⴷ ⵉⵙⵓⴳⴰⵎ ⵏⵏⵙⵏ, ⴷ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏⵏⵙⵏ, ⴷ ⵓⵎⵢⴰⵡⴰⵙ ⴰⵏⵎⵏⴰⴹ.